੨੪੬. ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਕਥਾ

੪੧੫. ਇਧ ਪਨ, ਭਿਕ੍ਖਵੇ, ਭਿਕ੍ਖੁ ਆਪਤ੍ਤਿਂ ਆਪਜ੍ਜਿਤ੍ਵਾ ਨ ਇਚ੍ਛਤਿ ਆਪਤ੍ਤਿਂ ਪਸ੍ਸਿਤੁਂ. ਤਤ੍ਰ ਚੇ ਭਿਕ੍ਖੂਨਂ ਏਵਂ ਹੋਤਿ – ‘‘ਅਯਂ ਖੋ, ਆਵੁਸੋ, ਭਿਕ੍ਖੁ ਆਪਤ੍ਤਿਂ ਆਪਜ੍ਜਿਤ੍ਵਾ ਨ ਇਚ੍ਛਤਿ ਆਪਤ੍ਤਿਂ ਪਸ੍ਸਿਤੁਂ. ਹਨ੍ਦਸ੍ਸ ਮਯਂ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਂ ਕਰੋਮਾ’’ਤਿ. ਤੇ ਤਸ੍ਸ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਂ ਕਰੋਨ੍ਤਿ – ਅਧਮ੍ਮੇਨ ਵਗ੍ਗਾ. ਸੋ ਤਮ੍ਹਾ ਆਵਾਸਾ ਅਞ੍ਞਂ ਆਵਾਸਂ ਗਚ੍ਛਤਿ. ਤਤ੍ਥਪਿ ਭਿਕ੍ਖੂਨਂ ਏਵਂ ਹੋਤਿ – ‘‘ਅਯਂ ਖੋ, ਆਵੁਸੋ, ਭਿਕ੍ਖੁ ਸਙ੍ਘੇਨ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਕਤੋ ਅਧਮ੍ਮੇਨ ਵਗ੍ਗੇਹਿ. ਹਨ੍ਦਸ੍ਸ ਮਯਂ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਂ ਕਰੋਮਾ’’ਤਿ. ਤੇ ਤਸ੍ਸ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਂ ਕਰੋਨ੍ਤਿ – ਅਧਮ੍ਮੇਨ ਸਮਗ੍ਗਾ…ਪੇ… ਧਮ੍ਮੇਨ ਵਗ੍ਗਾ… ਧਮ੍ਮਪਤਿਰੂਪਕੇਨ ਵਗ੍ਗਾ… ਧਮ੍ਮਪਤਿਰੂਪਕੇਨ ਸਮਗ੍ਗਾ…ਪੇ….

ਚਕ੍ਕਂ ਕਾਤਬ੍ਬਂ.

ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਕਥਾ ਨਿਟ੍ਠਿਤਾ.