੬੨. ਗਬ੍ਭਵੀਸੂਪਸਮ੍ਪਦਾਨੁਜਾਨਨਾ

੧੨੪. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਕੁਮਾਰਕਸ੍ਸਪੋ ਗਬ੍ਭਵੀਸੋ ਉਪਸਮ੍ਪਨ੍ਨੋ ਅਹੋਸਿ. ਅਥ ਖੋ ਆਯਸ੍ਮਤੋ ਕੁਮਾਰਕਸ੍ਸਪਸ੍ਸ ਏਤਦਹੋਸਿ – ‘‘ਭਗਵਤਾ ਪਞ੍ਞਤ੍ਤਂ ‘ਨ ਊਨਵੀਸਤਿਵਸ੍ਸੋ ਪੁਗ੍ਗਲੋ ਉਪਸਮ੍ਪਾਦੇਤਬ੍ਬੋ’ਤਿ. ਅਹਞ੍ਚਮ੍ਹਿ ਗਬ੍ਭਵੀਸੋ ਉਪਸਮ੍ਪਨ੍ਨੋ. ਉਪਸਮ੍ਪਨ੍ਨੋ ਨੁ ਖੋਮ੍ਹਿ, ਨਨੁ ਖੋ ਉਪਸਮ੍ਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਯਂ, ਭਿਕ੍ਖਵੇ, ਮਾਤੁਕੁਚ੍ਛਿਸ੍ਮਿਂ ਪਠਮਂ ਚਿਤ੍ਤਂ ਉਪ੍ਪਨ੍ਨਂ, ਪਠਮਂ ਵਿਞ੍ਞਾਣਂ ਪਾਤੁਭੂਤਂ, ਤਦੁਪਾਦਾਯ ਸਾਵਸ੍ਸ ਜਾਤਿ. ਅਨੁਜਾਨਾਮਿ, ਭਿਕ੍ਖਵੇ, ਗਬ੍ਭਵੀਸਂ ਉਪਸਮ੍ਪਾਦੇਤੁਨ੍ਤਿ.