੪੪. ਅਨਾਪੁਚ੍ਛਾਵਰਣਵਤ੍ਥੁ

੧੦੮. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਉਪਜ੍ਝਾਯੇ ਅਨਾਪੁਚ੍ਛਾ ਸਾਮਣੇਰਾਨਂ ਆਵਰਣਂ ਕਰੋਨ੍ਤਿ. ਉਪਜ੍ਝਾਯਾ ਗਵੇਸਨ੍ਤਿ – ਕਥਂ [ਕਹਂ (ਕ.)] ਨੁ ਖੋ ਅਮ੍ਹਾਕਂ ਸਾਮਣੇਰਾ ਨ ਦਿਸ੍ਸਨ੍ਤੀਤਿ. ਭਿਕ੍ਖੂ ਏਵਮਾਹਂਸੁ – ‘‘ਛਬ੍ਬਗ੍ਗਿਯੇਹਿ, ਆਵੁਸੋ, ਭਿਕ੍ਖੂਹਿ ਆਵਰਣਂ ਕਤ’’ਨ੍ਤਿ. ਉਪਜ੍ਝਾਯਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਅਮ੍ਹੇ ਅਨਾਪੁਚ੍ਛਾ ਅਮ੍ਹਾਕਂ ਸਾਮਣੇਰਾਨਂ ਆਵਰਣਂ ਕਰਿਸ੍ਸਨ੍ਤੀ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਨ, ਭਿਕ੍ਖਵੇ, ਉਪਜ੍ਝਾਯੇ ਅਨਾਪੁਚ੍ਛਾ ਆਵਰਣਂ ਕਾਤਬ੍ਬਂ. ਯੋ ਕਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ.

ਅਨਾਪੁਚ੍ਛਾਵਰਣਵਤ੍ਥੁ ਨਿਟ੍ਠਿਤਂ.