੬. ਸੁਰੁਸੁਰੁਵਗ੍ਗਵਣ੍ਣਨਾ

੬੨੭. ਛਟ੍ਠਵਗ੍ਗੇ ਸੀਤੀਕਤੋਤਿ ਸੀਤਟ੍ਟੋ, ਸੀਤਪੀਲ਼ਿਤੋਤਿ ਵੁਤ੍ਤਂ ਹੋਤਿ. ਸਿਲਕਬੁਦ੍ਧੋਤਿ ਪਰਿਹਾਸਵਚਨਮੇਤਂ. ਸਿਲਕਞ੍ਹਿ ਕਞ੍ਚਿ ਦਿਸ੍ਵਾ ‘‘ਬੁਦ੍ਧੋ ਅਯ’’ਨ੍ਤਿ ਵੋਹਰਨ੍ਤਿ.

੬੩੪. ਵਿਲੀਵਚ੍ਛਤ੍ਤਨ੍ਤਿ ਵੇਣੁਵਿਲੀਵੇਹਿ ਕਤਂ ਛਤ੍ਤਂ. ਤਤ੍ਥਜਾਤਕਦਣ੍ਡਕੇਨ ਕਤਨ੍ਤਿ ਤਾਲਪਣ੍ਣਂ ਸਹ ਦਣ੍ਡਕੇਨ ਛਿਨ੍ਦਿਤ੍ਵਾ ਤਮੇਵ ਛਤ੍ਤਦਣ੍ਡਂ ਕਰੋਨ੍ਤਿ ਗੋਪਾਲਕਾਦਯੋ ਵਿਯ, ਤਂ ਸਨ੍ਧਾਯੇਤਂ ਵੁਤ੍ਤਂ. ਛਤ੍ਤਪਾਦੁਕਾਯ ਵਾ ਠਿਤਂ ਹੋਤੀਤਿ ਏਤ੍ਥ ਛਤ੍ਤਪਾਦੁਕਾ ਵੁਚ੍ਚਤਿ ਛਤ੍ਤਾਧਾਰੋ. ਯਸ੍ਮਿਂ ਛਤ੍ਤਂ ਅਪਤਮਾਨਂ ਕਤ੍ਵਾ ਠਪੇਨ੍ਤਿ, ਤਾਦਿਸਿਕਾਯ ਛਤ੍ਤਪਾਦੁਕਾਯ ਠਿਤਂ ਛਤ੍ਤਂ ‘‘ਛਤ੍ਤ’’ਨ੍ਤਿ ਅਜ੍ਝਾਹਰਿਤਬ੍ਬਂ. ‘‘ਛਤ੍ਤਂ ਛਤ੍ਤਪਾਦੁਕਾਯ ਠਿਤ’’ਨ੍ਤਿਪਿ ਪਠਨ੍ਤਿ, ਤਤ੍ਥਾਪਿ ਅਯਮੇਵਤ੍ਥੋ.

੬੩੭. ਚਾਪੋਤਿ ਮਜ੍ਝੇ ਵਙ੍ਕਾ ਕਾਚਦਣ੍ਡਸਦਿਸਾ ਧਨੁਵਿਕਤਿ. ਕੋਦਣ੍ਡੋਤਿ ਵਟ੍ਟਲਦਣ੍ਡਾ ਧਨੁਵਿਕਤਿ. ਪਟਿਮੁਕ੍ਕਨ੍ਤਿ ਪਵੇਸਿਤਂ ਲਗ੍ਗਿਤਂ.

ਸੁਰੁਸੁਰੁਵਗ੍ਗਵਣ੍ਣਨਾ ਨਿਟ੍ਠਿਤਾ.