ਵਿਨਯਵਿਨਿਚ੍ਛਯੋ

ਗਨ੍ਥਾਰਮ੍ਭਕਥਾ

੧. ਵਨ੍ਦਿਤ੍ਵਾ ਸਿਰਸਾ ਸੇਟ੍ਠਂ, ਬੁਦ੍ਧਮਪ੍ਪਟਿਪੁਗ੍ਗਲਂ;

ਭਵਾਭਾਵਕਰਂ ਧਮ੍ਮਂ, ਗਣਞ੍ਚੇਵ ਨਿਰਙ੍ਗਣਂ.

੨. ਭਿਕ੍ਖੂਨਂ ਭਿਕ੍ਖੁਨੀਨਞ੍ਚ, ਹਿਤਤ੍ਥਾਯ ਸਮਾਹਿਤੋ;

ਪਵਕ੍ਖਾਮਿ ਸਮਾਸੇਨ, ਵਿਨਯਸ੍ਸਵਿਨਿਚ੍ਛਯਂ.

੩. ਅਨਾਕੁਲਮਸਂਕਿਣ੍ਣਂ, ਮਧੁਰਤ੍ਥਪਦਕ੍ਕਮਂ;

ਪਟੁਭਾਵਕਰਂ ਏਤਂ, ਪਰਮਂ ਵਿਨਯਕ੍ਕਮੇ.

੪. ਅਪਾਰਂ ਓਤਰਨ੍ਤਾਨਂ, ਸਾਰਂ ਵਿਨਯਸਾਗਰਂ;

ਭਿਕ੍ਖੂਨਂ ਭਿਕ੍ਖੁਨੀਨਞ੍ਚ, ਨਾਵਾਭੂਤਂ ਮਨੋਰਮਂ.

੫. ਤਸ੍ਮਾ ਵਿਨਯਨੂਪਾਯਂ, ਵਿਨਯਸ੍ਸਵਿਨਿਚ੍ਛਯਂ;

ਅਵਿਕ੍ਖਿਤ੍ਤੇਨ ਚਿਤ੍ਤੇਨ, ਵਦਤੋ ਮੇ ਨਿਬੋਧਥ.