੧-੧੦. ਚਕ੍ਖੁਸੁਤ੍ਤਾਦਿਵਣ੍ਣਨਾ

੩੦੨-੩੧੧. ਸਦ੍ਧਾਧਿਮੋਕ੍ਖਨ੍ਤਿ ਸਦ੍ਦਹਨਵਸੇਨ ਪਵਤ੍ਤਂ ਅਧਿਮੋਕ੍ਖਂ, ਨ ਸਨ੍ਨਿਟ੍ਠਾਨਮਤ੍ਤਵਸੇਨ ਪਵਤ੍ਤਂ ਅਧਿਮੋਕ੍ਖਂ. ਦਸ੍ਸਨਮ੍ਪਿ ਸਮ੍ਮਤ੍ਤਂ, ਤਂਸਿਜ੍ਝਾਨਵਸੇਨ ਪਵਤ੍ਤਨਿਯਾਮੋ ਸਮ੍ਮਤ੍ਤਨਿਯਾਮੋ, ਅਰਿਯਮਗ੍ਗੋ. ਅਨਨ੍ਤਰਾਯਤਂ ਦੀਪੇਤਿ ਕਪ੍ਪਵਿਨਾਸਪਟਿਭਾਗੇਨ ਪਵਤ੍ਤਤ੍ਤਾ. ਤਥਾ ਚਾਹ ‘‘ਤੇਨੇਵਾਹਾ’’ਤਿਆਦਿ. ਕਪ੍ਪਸੀਸੇਨ ਭਾਜਨਲੋਕਂ ਵਦਤਿ. ਸੋ ਹਿ ਉਡ੍ਡਯ੍ਹਤਿ, ਨ ਕਪ੍ਪੋ, ਉਡ੍ਡਯ੍ਹਨਵੇਲਾਤਿ ਝਾਯਨਵੇਲਾ. ਠਿਤੋ ਕਪ੍ਪੋ ਠਿਤਕਪ੍ਪੋ, ਸੋ ਅਸ੍ਸ ਅਤ੍ਥੀਤਿ ਠਿਤਕਪ੍ਪੀ, ਕਪ੍ਪਂ ਠਪੇਤੁਂ ਸਮਤ੍ਥੋਤਿ ਅਤ੍ਥੋ. ਓਲੋਕਨਨ੍ਤਿ ਸਚ੍ਚਾਭਿਸਮਯਸਙ੍ਖਾਤਂ ਦਸ੍ਸਨਂ. ਖਮਨ੍ਤਿ ਸਹਨ੍ਤਿ, ਞਾਯਨ੍ਤੀਤਿ ਅਤ੍ਥੋ.

ਚਕ੍ਖੁਸੁਤ੍ਤਾਦਿਵਣ੍ਣਨਾ ਨਿਟ੍ਠਿਤਾ.

ਓਕ੍ਕਨ੍ਤਸਂਯੁਤ੍ਤਵਣ੍ਣਨਾ ਨਿਟ੍ਠਿਤਾ.