੧. ਅਤ੍ਤਦੀਪਸੁਤ੍ਤਵਣ੍ਣਨਾ

੪੩. ਦ੍ਵੀਹਿ ਭਾਗੇਹਿ ਆਪੋ ਏਤ੍ਥ ਗਤਾਤਿ ਦੀਪੋ, ਦੀਪੋ ਵਿਯਾਤਿ ਦੀਪੋ ਓਘੇਹਿ ਅਨਜ੍ਝੋਤ੍ਥਰਨੀਯਤਾਯ. ਯੋ ਪਰੋ ਨ ਹੋਤਿ, ਸੋ ਅਤ੍ਤਾ, ਇਧ ਪਨ ਧਮ੍ਮੋ ਅਧਿਪ੍ਪੇਤੋ. ਅਤ੍ਤਾ ਦੀਪੋ ਏਤੇਸਨ੍ਤਿ ਅਤ੍ਤਦੀਪਾ. ਪਟਿਸਰਣਤ੍ਥੋ ਦੀਪਟ੍ਠੋਤਿ ਆਹ – ‘‘ਅਤ੍ਤਸਰਣਾਤਿ ਇਦਂ ਤਸ੍ਸੇਵ ਵੇਵਚਨ’’ਨ੍ਤਿ. ਲੋਕਿਯਲੋਕੁਤ੍ਤਰੋ ਧਮ੍ਮੋ ਅਤ੍ਤਾ ਨਾਮ ਏਕਨ੍ਤਨਾਥਭਾਵਤੋ. ਪਠਮੇਨ ਪਦੇਨ ਵੁਤ੍ਤੋ ਏਵ ਅਤ੍ਥੋ ਦੁਤਿਯਪਦੇਨ ਵੁਚ੍ਚਤੀਤਿ ਵੁਤ੍ਤਂ ‘‘ਤੇਨੇਵਾਹਾ’’ਤਿਆਦਿ. ਯਵਤਿ ਏਤਸ੍ਮਾ ਫਲਂ ਪਸਵਤੀਤਿ ਯੋਨਿ, ਕਾਰਣਂ. ਕਿਂ ਪਭੁਤਿ ਉਪ੍ਪਤ੍ਤਿਟ੍ਠਾਨਂ ਏਤੇਸਨ੍ਤਿ ਕਿਂ ਪਭੁਤਿਕਾ. ਪਹਾਨਦਸ੍ਸਨਤ੍ਥਂ ਆਰਦ੍ਧਂ. ਤੇਨੇਵਾਹ ‘‘ਪੁਬ੍ਬੇ ਚੇਵ…ਪੇ… ਤੇ ਪਹੀਯਨ੍ਤੀ’’ਤਿ. ਨ ਪਰਿਤਸ੍ਸਤਿ ਤਣ੍ਹਾਪਰਿਤ੍ਤਾਸਸ੍ਸ ਅਭਾਵਤੋ. ਵਿਪਸ੍ਸਨਙ੍ਗੇਨਾਤਿ ਵਿਪਸ੍ਸਨਾਸਙ੍ਖਾਤੇਨ ਕਾਰਣੇਨ.

ਅਤ੍ਤਦੀਪਸੁਤ੍ਤਵਣ੍ਣਨਾ ਨਿਟ੍ਠਿਤਾ.