੨. ਬਲ਼ਿਸਸੁਤ੍ਤਵਣ੍ਣਨਾ

੧੫੮. ਬਲ਼ਿਸੇਨ ਚਰਤਿ, ਤੇਨ ਵਾ ਜੀਵਤੀਤਿ ਬਾਲ਼ਿਸਿਕੋ. ਤੇਨਾਹ ‘‘ਬਲ਼ਿਸਂ ਗਹੇਤ੍ਵਾ ਚਰਮਾਨੋ’’ਤਿ. ਆਮਿਸਗਤਨ੍ਤਿ ਆਮਿਸੂਪਗਤਂ ਆਮਿਸਪਤਿਤਂ. ਤੇਨਾਹ ‘‘ਆਮਿਸਮਕ੍ਖਿਤ’’ਨ੍ਤਿ. ਭਿਨ੍ਨਾਧਿਕਰਣਾਨਮ੍ਪਿ ਬਾਹਿਰਤ੍ਥਸਮਾਸੋ ਹੋਤੇਵਾਤਿ ਆਹ ‘‘ਆਮਿਸੇ ਚਕ੍ਖੁਦਸ੍ਸਨ’’ਨ੍ਤਿ. ਅਯੋ ਵੁਚ੍ਚਤਿ ਸੁਖਂ, ਤਬ੍ਬਿਧੁਰਤਾਯ ਅਨਯੋ, ਦੁਕ੍ਖਨ੍ਤਿ ਆਹ ‘‘ਦੁਕ੍ਖਂ ਪਤ੍ਤੋ’’ਤਿ. ਅਸ੍ਸਾਤਿ ਏਤੇਨ. ਕਤ੍ਤੁਅਤ੍ਥੇ ਹਿ ਏਤਂ ਸਾਮਿਵਚਨਂ. ਯਥਾ ਕਿਲੇਸਾ ਵਤ੍ਤਨ੍ਤਿ, ਏਵਂ ਪਵਤ੍ਤਮਾਨੋ ਪੁਗ੍ਗਲੋ ਕਿਲੇਸਵਿਪ੍ਪਯੋਗੋ ਨ ਹੋਤੀਤਿ ਵੁਤ੍ਤਂ ‘‘ਯਥਾ ਕਿਲੇਸਮਾਰਸ੍ਸ ਕਾਮੋ, ਏਵਂ ਕਤ੍ਤਬ੍ਬੋ’’ਤਿ.

ਬਲ਼ਿਸਸੁਤ੍ਤਵਣ੍ਣਨਾ ਨਿਟ੍ਠਿਤਾ.