੪. ਚਤੁਤ੍ਥਸਿਕ੍ਖਾਪਦਂ

੮੫੦. ਚਤੁਤ੍ਥੇ ਕਣ੍ਣਸ੍ਸ ਸਮੀਪਂ ਨਿਕਣ੍ਣਂ, ਤਮੇਵ ਨਿਕਣ੍ਣਿਕਨ੍ਤਿ ਵੁਤ੍ਤੇ ਕਣ੍ਣਮੂਲਨ੍ਤਿ ਆਹ ‘‘ਕਣ੍ਣਮੂਲਂ ਵੁਚ੍ਚਤੀ’’ਤਿ. ‘‘ਕਣ੍ਣਮੂਲੇ’’ਤਿ ਇਮਿਨਾ ‘‘ਨਿਕਣ੍ਣਿਕ’’ਨ੍ਤਿ ਏਤ੍ਥ ਭੁਮ੍ਮਤ੍ਥੇ ਉਪਯੋਗਵਚਨਨ੍ਤਿ ਦਸ੍ਸੇਤਿ. ਆਹਰਣਤ੍ਥਾਯਾਤਿ ਆਹਰਾਪਨਤ੍ਥਾਯਾਤਿ. ਚਤੁਤ੍ਥਂ.

੫. ਪਞ੍ਚਮਸਿਕ੍ਖਾਪਦਂ

੮੫੪. ਪਞ੍ਚਮੇ ਤੇਸਨ੍ਤਿ ਘਰਸਾਮਿਕਾਨਂ. ਘਰਮ੍ਪੀਤਿ ਨ ਕੇਵਲਂ ਆਸਨਮੇਵ, ਘਰਮ੍ਪਿ ਸੋਧੇਮਾਤਿ ਅਤ੍ਥੋ. ਤਤੋਤਿ ਪਰਿਵਿਤਕ੍ਕਨਤੋ, ਪਰਨ੍ਤਿ ਸਮ੍ਬਨ੍ਧੋ.

੮੫੮. ਚੋਰਾ ਵਾ ਉਟ੍ਠਿਤਾ ਹੋਨ੍ਤੀਤਿ ਯੋਜਨਾਤਿ. ਪਞ੍ਚਮਂ.