੧. ਪਠਮਸਿਕ੍ਖਾਪਦ-ਅਤ੍ਥਯੋਜਨਾ

੮੩੯. ਅਨ੍ਧਕਾਰਵਗ੍ਗਸ੍ਸ ਪਠਮੇ ਅਪ੍ਪਦੀਪੇਤਿ ਉਪਲਕ੍ਖਣਵਸੇਨ ਵੁਤ੍ਤਤ੍ਤਾ ਅਞ੍ਞੇਪਿ ਆਲੋਕਾ ਗਹੇਤਬ੍ਬਾਤਿ ਦਸ੍ਸੇਨ੍ਤੋ ਆਹ ‘‘ਪਦੀਪਚਨ੍ਦਸੂਰਿਯਅਗ੍ਗੀਸੂ’’ਤਿਆਦਿ. ਅਸ੍ਸਾਤਿ ‘‘ਅਪ੍ਪਦੀਪੇ’’ਤਿਪਦਸ੍ਸ.

੮੪੧. ਨਰਹੋਅਸ੍ਸਾਦਾਪੇਕ੍ਖਾ ਹੁਤ੍ਵਾ ਚ ਰਸ੍ਸਾਦਤੋ ਅਞ੍ਞਵਿਹਿਤਾਵ ਹੁਤ੍ਵਾ ਚਾਤਿ ਯੋਜਨਾ. ਇਮਿਨਾ ‘‘ਸਨ੍ਤਿਟ੍ਠਤਿ ਵਾ ਸਲ੍ਲਪਤਿ ਵਾ’’ਤਿ ਪਦੇ ਕਿਰਿਯਾਵਿਸੇਸਨਭਾਵਂ ਦਸ੍ਸੇਤਿ. ਦਾਨੇਨ ਵਾ ਨਿਮਿਤ੍ਤਭੂਤੇਨ, ਪੂਜਾਯ ਵਾ ਨਿਮਿਤ੍ਤਭੂਤਾਯ ਮਨ੍ਤੇਤੀਤਿ ਯੋਜਨਾਤਿ. ਪਠਮਂ.