੮. ਅਟ੍ਠਮਵਗ੍ਗਵਣ੍ਣਨਾ

ਪਠਮਦੁਤਿਯਤਤਿਯੇਸੁ ‘‘ਗਿਹਿਗਤਾ’’ਤਿ ਵਾ ‘‘ਕੁਮਾਰਿਭੂਤਾ’’ਤਿ ਵਾ ਨ ਵਤ੍ਤਬ੍ਬਾ. ਵਦਨ੍ਤਿ ਚੇ, ਕਮ੍ਮਂ ਕੁਪ੍ਪਤਿ.

ਏਕਾਦਸਮੇ ਛਨ੍ਦਂ ਅਵਿਸ੍ਸਜ੍ਜੇਤ੍ਵਾਤਿ ‘‘ਯਥਾਸੁਖ’’ਨ੍ਤਿ ਅਵਤ੍ਵਾ. ਏਤ੍ਥ ਪਨ ਅਯਂ ਵਿਨਿਚ੍ਛਯੋ – ‘‘ਪਾਰਿਵਾਸਿਕਛਨ੍ਦਦਾਨੇਨਾ’’ਤਿ ਇਦਂ ਉਦ੍ਧਰਿਤ੍ਵਾ ‘‘ਵੁਟ੍ਠਿਤਾਯ ਪਰਿਸਾਯਾ’’ਤਿ (ਪਾਚਿ. ੧੧੬੮) ਪਦਭਾਜਨਂ ਵੁਤ੍ਤਂ. ਏਤਸ੍ਸ ਪਨ ਸਮਨ੍ਤਪਾਸਾਦਿਕਾਯਂ ‘‘ਵੁਟ੍ਠਿਤਾਯ ਪਰਿਸਾਯਾਤਿ ਛਨ੍ਦਂ ਵਿਸ੍ਸਜ੍ਜੇਤ੍ਵਾ ਕਾਯੇਨ ਵਾ ਵਾਚਾਯ ਵਾ ਛਨ੍ਦਵਿਸ੍ਸਜ੍ਜਨਮਤ੍ਤੇਨ ਵਾ ਵੁਟ੍ਠਿਤਾਯਾ’’ਤਿ (ਪਾਚਿ. ਅਟ੍ਠ. ੧੧੬੭) ਵੁਤ੍ਤਂ. ਇਧ ਛਨ੍ਦਸ੍ਸ ਪਨ ਅਵਿਸ੍ਸਟ੍ਠਤ੍ਤਾ ਕਮ੍ਮਂ ਕਾਤੁਂ ਵਟ੍ਟਤੀਤਿ ਵੁਤ੍ਤਂ. ਤਸ੍ਮਾ ਛਨ੍ਦਂ ਅਵਿਸ੍ਸਜ੍ਜੇਤ੍ਵਾਵ ਦ੍ਵਾਦਸਹਤ੍ਥਪਾਸੇ ਵਿਹਰਿਤ੍ਵਾ ਪੁਨ ਸਨ੍ਨਿਪਾਤਕਰਣਞ੍ਚ ਵਟ੍ਟਤੀਤਿ ਲਿਖਿਤਂ.

ਅਟ੍ਠਮਵਗ੍ਗਵਣ੍ਣਨਾ ਨਿਟ੍ਠਿਤਾ.