੪. ਦੁਪ੍ਪਞ੍ਞਸੁਤ੍ਤਂ

੨੨੫. ਅਥ ਖੋ ਅਞ੍ਞਤਰੋ ਭਿਕ੍ਖੁ ਯੇਨ ਭਗਵਾ ਤੇਨੁਪਸਙ੍ਕਮਿ…ਪੇ… ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗਵਨ੍ਤਂ ਏਤਦਵੋਚ – ‘‘‘ਦੁਪ੍ਪਞ੍ਞੋ ਏਲ਼ਮੂਗੋ, ਦੁਪ੍ਪਞ੍ਞੋ ਏਲ਼ਮੂਗੋ’ਤਿ, ਭਨ੍ਤੇ, ਵੁਚ੍ਚਤਿ. ਕਿਤ੍ਤਾਵਤਾ ਨੁ ਖੋ, ਭਨ੍ਤੇ, ‘ਦੁਪ੍ਪਞ੍ਞੋ ਏਲ਼ਮੂਗੋ’ਤਿ ਵੁਚ੍ਚਤੀ’’ਤਿ? ‘‘ਸਤ੍ਤਨ੍ਨਂ ਖੋ, ਭਿਕ੍ਖੁ, ਬੋਜ੍ਝਙ੍ਗਾਨਂ ਅਭਾਵਿਤਤ੍ਤਾ ਅਬਹੁਲੀਕਤਤ੍ਤਾ ‘ਦੁਪ੍ਪਞ੍ਞੋ ਏਲ਼ਮੂਗੋ’ਤਿ ਵੁਚ੍ਚਤਿ. ਕਤਮੇਸਂ ਸਤ੍ਤਨ੍ਨਂ? ਸਤਿਸਮ੍ਬੋਜ੍ਝਙ੍ਗਸ੍ਸ…ਪੇ… ਉਪੇਕ੍ਖਾਸਮ੍ਬੋਜ੍ਝਙ੍ਗਸ੍ਸ – ਇਮੇਸਂ ਖੋ, ਭਿਕ੍ਖੁ, ਸਤ੍ਤਨ੍ਨਂ ਬੋਜ੍ਝਙ੍ਗਾਨਂ ਅਭਾਵਿਤਤ੍ਤਾ ਅਬਹੁਲੀਕਤਤ੍ਤਾ ‘ਦੁਪ੍ਪਞ੍ਞੋ ਏਲ਼ਮੂਗੋ’ਤਿ ਵੁਚ੍ਚਤੀ’’ਤਿ. ਚਤੁਤ੍ਥਂ.