੫. ਪਠਮਮਹਾਪਥਵੀਸੁਤ੍ਤਂ

੧੧੨੫. ‘‘ਸੇਯ੍ਯਥਾਪਿ, ਭਿਕ੍ਖਵੇ, ਪੁਰਿਸੋ ਮਹਾਪਥਵਿਯਾ ਸਤ੍ਤ ਕੋਲਟ੍ਠਿਮਤ੍ਤਿਯੋ ਗੁਲ਼ਿਕਾ ਉਪਨਿਕ੍ਖਿਪੇਯ੍ਯ. ਤਂ ਕਿਂ ਮਞ੍ਞਥ, ਭਿਕ੍ਖਵੇ, ਕਤਮਂ ਨੁ ਖੋ ਬਹੁਤਰਂ – ਯਾ ਵਾ ਸਤ੍ਤ ਕੋਲਟ੍ਠਿਮਤ੍ਤਿਯੋ ਗੁਲ਼ਿਕਾ ਉਪਨਿਕ੍ਖਿਤ੍ਤਾ, ਅਯਂ ਵਾ ਮਹਾਪਥਵੀ’’ਤਿ? ‘‘ਏਤਦੇਵ, ਭਨ੍ਤੇ, ਬਹੁਤਰਂ, ਯਦਿਦਂ – ਮਹਾਪਥਵੀ; ਅਪ੍ਪਮਤ੍ਤਿਕਾ ਸਤ੍ਤ ਕੋਲਟ੍ਠਿਮਤ੍ਤਿਯੋ ਗੁਲ਼ਿਕਾ ਉਪਨਿਕ੍ਖਿਤ੍ਤਾ. ਸਙ੍ਖਮ੍ਪਿ ਨ ਉਪੇਨ੍ਤਿ, ਉਪਨਿਧਮ੍ਪਿ ਨ ਉਪੇਨ੍ਤਿ, ਕਲਭਾਗਮ੍ਪਿ ਨ ਉਪੇਨ੍ਤਿ ਮਹਾਪਥਵਿਂ ਉਪਨਿਧਾਯ ਸਤ੍ਤ ਕੋਲਟ੍ਠਿਮਤ੍ਤਿਯੋ ਗੁਲ਼ਿਕਾ ਉਪਨਿਕ੍ਖਿਤ੍ਤਾ’’ਤਿ. ‘‘ਏਵਮੇਵ ਖੋ, ਭਿਕ੍ਖਵੇ, ਅਰਿਯਸਾਵਕਸ੍ਸ…ਪੇ… ਯੋਗੋ ਕਰਣੀਯੋ’’ਤਿ. ਪਞ੍ਚਮਂ.