੫. ਵਿਮੋਕ੍ਖਕਥਾ
੧. ਉਦ੍ਦੇਸੋ
੨੦੯. ਪੁਰਿਮਨਿਦਾਨਂ. ‘‘ਤਯੋਮੇ, ਭਿਕ੍ਖਵੇ, ਵਿਮੋਕ੍ਖਾ. ਕਤਮੇ ਤਯੋ? ਸੁਞ੍ਞਤੋ ਵਿਮੋਕ੍ਖੋ, ਅਨਿਮਿਤ੍ਤੋ ਵਿਮੋਕ੍ਖੋ, ਅਪ੍ਪਣਿਹਿਤੋ ਵਿਮੋਕ੍ਖੋ – ਇਮੇ ਖੋ, ਭਿਕ੍ਖਵੇ, ਤਯੋ ਵਿਮੋਕ੍ਖਾ.
‘‘ਅਪਿ ਚ, ਅਟ੍ਠਸਟ੍ਠਿ ਵਿਮੋਕ੍ਖਾ – ਸੁਞ੍ਞਤੋ ਵਿਮੋਕ੍ਖੋ, ਅਨਿਮਿਤ੍ਤੋ ਵਿਮੋਕ੍ਖੋ, ਅਪ੍ਪਣਿਹਿਤੋ ਵਿਮੋਕ੍ਖੋ; ਅਜ੍ਝਤ੍ਤਵੁਟ੍ਠਾਨੋ ਵਿਮੋਕ੍ਖੋ, ਬਹਿਦ੍ਧਾਵੁਟ੍ਠਾਨੋ ਵਿਮੋਕ੍ਖੋ, ਦੁਭਤੋ ਵੁਟ੍ਠਾਨੋ ਵਿਮੋਕ੍ਖੋ; ਅਜ੍ਝਤ੍ਤਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ, ਬਹਿਦ੍ਧਾਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ, ਦੁਭਤੋ ਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ; ਅਜ੍ਝਤ੍ਤਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ, ਬਹਿਦ੍ਧਾਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ, ਦੁਭਤੋ ਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ; ਅਜ੍ਝਤ੍ਤਵੁਟ੍ਠਾਨਪਟਿਪ੍ਪਸ੍ਸਦ੍ਧੀ [ਅਜ੍ਝਤ੍ਤਵੁਟ੍ਠਾਨਾ ਪਟਿਪ੍ਪਸ੍ਸਦ੍ਧੀ (ਸ੍ਯਾ.)] ਚਤ੍ਤਾਰੋ ਵਿਮੋਕ੍ਖਾ, ਬਹਿਦ੍ਧਾਵੁਟ੍ਠਾਨਪਟਿਪ੍ਪਸ੍ਸਦ੍ਧੀ ਚਤ੍ਤਾਰੋ ਵਿਮੋਕ੍ਖਾ, ਦੁਭਤੋ ਵੁਟ੍ਠਾਨਪਟਿਪ੍ਪਸ੍ਸਦ੍ਧੀ ਚਤ੍ਤਾਰੋ ਵਿਮੋਕ੍ਖਾ; ਰੂਪੀ ਰੂਪਾਨਿ ਪਸ੍ਸਤੀਤਿ ਵਿਮੋਕ੍ਖੋ, ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤੀਤਿ ਵਿਮੋਕ੍ਖੋ, ਸੁਭਂ ਤੇਵ ਅਧਿਮੁਤ੍ਤੋ ਹੋਤੀਤਿ ਵਿਮੋਕ੍ਖੋ; ਆਕਾਸਾਨਞ੍ਚਾਯਤਨਸਮਾਪਤ੍ਤਿ ਵਿਮੋਕ੍ਖੋ, ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿ ਵਿਮੋਕ੍ਖੋ, ਆਕਿਞ੍ਚਞ੍ਞਾਯਤਨਸਮਾਪਤ੍ਤਿ ਵਿਮੋਕ੍ਖੋ; ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿ ਵਿਮੋਕ੍ਖੋ, ਸਞ੍ਞਾਵੇਦਯਿਤਨਿਰੋਧਸਮਾਪਤ੍ਤਿ ਵਿਮੋਕ੍ਖੋ; ਸਮਯਵਿਮੋਕ੍ਖੋ, ਅਸਮਯਵਿਮੋਕ੍ਖੋ; ਸਾਮਯਿਕੋ ਵਿਮੋਕ੍ਖੋ, ਅਸਾਮਯਿਕੋ ਵਿਮੋਕ੍ਖੋ; ਕੁਪ੍ਪੋ ਵਿਮੋਕ੍ਖੋ, ਅਕੁਪ੍ਪੋ ਵਿਮੋਕ੍ਖੋ; ਲੋਕਿਯੋ ਵਿਮੋਕ੍ਖੋ, ਲੋਕੁਤ੍ਤਰੋ ਵਿਮੋਕ੍ਖੋ; ਸਾਸਵੋ ਵਿਮੋਕ੍ਖੋ, ਅਨਾਸਵੋ ਵਿਮੋਕ੍ਖੋ; ਸਾਮਿਸੋ ਵਿਮੋਕ੍ਖੋ, ਨਿਰਾਮਿਸੋ ਵਿਮੋਕ੍ਖੋ; ਨਿਰਾਮਿਸਾਨਿਰਾਮਿਸਤਰੋ ਵਿਮੋਕ੍ਖੋ, ਪਣਿਹਿਤੋ ਵਿਮੋਕ੍ਖੋ, ਅਪ੍ਪਣਿਹਿਤੋ ਵਿਮੋਕ੍ਖੋ, ਪਣਿਹਿਤਪ੍ਪਟਿਪ੍ਪਸ੍ਸਦ੍ਧਿ ਵਿਮੋਕ੍ਖੋ; ਸਞ੍ਞੁਤ੍ਤੋ ਵਿਮੋਕ੍ਖੋ, ਵਿਸਞ੍ਞੁਤ੍ਤੋ ਵਿਮੋਕ੍ਖੋ; ਏਕਤ੍ਤਵਿਮੋਕ੍ਖੋ, ਨਾਨਤ੍ਤਵਿਮੋਕ੍ਖੋ, ਸਞ੍ਞਾਵਿਮੋਕ੍ਖੋ, ਞਾਣਵਿਮੋਕ੍ਖੋ; ਸੀਤਿਸਿਯਾਵਿਮੋਕ੍ਖੋ [ਸੀਤੀਸਿਯਾਵਿਮੋਕ੍ਖੋ (ਸੀ. ਅਟ੍ਠ.)], ਝਾਨਵਿਮੋਕ੍ਖੋ, ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ’’.
੨. ਨਿਦ੍ਦੇਸੋ
੨੧੦. ਕਤਮੋ ਸੁਞ੍ਞਤੋ ਵਿਮੋਕ੍ਖੋ? ਇਧ ਭਿਕ੍ਖੁ ਅਰਞ੍ਞਗਤੋ ਵਾ ਰੁਕ੍ਖਮੂਲਗਤੋ ਵਾ ਸੁਞ੍ਞਾਗਾਰਗਤੋ ਵਾ ਇਤਿ ਪਟਿਸਞ੍ਚਿਕ੍ਖਤਿ – ‘‘ਸੁਞ੍ਞਮਿਦਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ’’ਤਿ. ਸੋ ਤਤ੍ਥ ਅਭਿਨਿਵੇਸਂ ਨ ਕਰੋਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਅਯਂ ਸੁਞ੍ਞਤੋ ਵਿਮੋਕ੍ਖੋ.
ਕਤਮੋ ਅਨਿਮਿਤ੍ਤੋ ਵਿਮੋਕ੍ਖੋ? ਇਧ ਭਿਕ੍ਖੁ ਅਰਞ੍ਞਗਤੋ ਵਾ ਰੁਕ੍ਖਮੂਲਗਤੋ ਵਾ ਸੁਞ੍ਞਾਗਾਰਗਤੋ ਵਾ ਇਤਿ ਪਟਿਸਞ੍ਚਿਕ੍ਖਤਿ – ‘‘ਸੁਞ੍ਞਮਿਦਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ’’ਤਿ. ਸੋ ਤਤ੍ਥ ਨਿਮਿਤ੍ਤਂ ਨ ਕਰੋਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਅਯਂ ਅਨਿਮਿਤ੍ਤੋ ਵਿਮੋਕ੍ਖੋ.
ਕਤਮੋ ਅਪ੍ਪਣਿਹਿਤੋ ਵਿਮੋਕ੍ਖੋ? ਇਧ ਭਿਕ੍ਖੁ ਅਰਞ੍ਞਗਤੋ ਵਾ ਰੁਕ੍ਖਮੂਲਗਤੋ ਵਾ ਸੁਞ੍ਞਾਗਾਰਗਤੋ ਵਾ ਇਤਿ ਪਟਿਸਞ੍ਚਿਕ੍ਖਤਿ – ‘‘ਸੁਞ੍ਞਮਿਦਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ’’ਤਿ. ਸੋ ਤਤ੍ਥ ਪਣਿਧਿਂ ਨ ਕਰੋਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਅਯਂ ਅਪ੍ਪਣਿਹਿਤੋ ਵਿਮੋਕ੍ਖੋ.
ਕਤਮੋ ਅਜ੍ਝਤ੍ਤਵੁਟ੍ਠਾਨੋ ਵਿਮੋਕ੍ਖੋ? ਚਤ੍ਤਾਰਿ ਝਾਨਾਨਿ – ਅਯਂ ਅਜ੍ਝਤ੍ਤਵੁਟ੍ਠਾਨੋ ਵਿਮੋਕ੍ਖੋ. ਕਤਮੋ ਬਹਿਦ੍ਧਾਵੁਟ੍ਠਾਨੋ ਵਿਮੋਕ੍ਖੋ? ਚਤਸ੍ਸੋ ਅਰੂਪਸਮਾਪਤ੍ਤਿਯੋ – ਅਯਂ ਬਹਿਦ੍ਧਾਵੁਟ੍ਠਾਨੋ ਵਿਮੋਕ੍ਖੋ. ਕਤਮੋ ਦੁਭਤੋ ਵੁਟ੍ਠਾਨੋ ਵਿਮੋਕ੍ਖੋ? ਚਤ੍ਤਾਰੋ ਅਰਿਯਮਗ੍ਗਾ – ਅਯਂ ਦੁਭਤੋ ਵੁਟ੍ਠਾਨੋ ਵਿਮੋਕ੍ਖੋ.
ਕਤਮੇ ਅਜ੍ਝਤ੍ਤਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ? ਪਠਮਂ ਝਾਨਂ ਨੀਵਰਣੇਹਿ ਵੁਟ੍ਠਾਤਿ. ਦੁਤਿਯਂ ਝਾਨਂ ਵਿਤਕ੍ਕਵਿਚਾਰੇਹਿ ਵੁਟ੍ਠਾਤਿ. ਤਤਿਯਂ ਝਾਨਂ ਪੀਤਿਯਾ ਵੁਟ੍ਠਾਤਿ. ਚਤੁਤ੍ਥਂ ਝਾਨਂ ਸੁਖਦੁਕ੍ਖੇਹਿ ਵੁਟ੍ਠਾਤਿ. ਇਮੇ ਅਜ੍ਝਤ੍ਤਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ.
ਕਤਮੇ ਬਹਿਦ੍ਧਾਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ? ਆਕਾਸਾਨਞ੍ਚਾਯਤਨਸਮਾਪਤ੍ਤਿ ਰੂਪਸਞ੍ਞਾਯ ਪਟਿਘਸਞ੍ਞਾਯ ਨਾਨਤ੍ਤਸਞ੍ਞਾਯ ਵੁਟ੍ਠਾਤਿ. ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿ ਆਕਾਸਾਨਞ੍ਚਾਯਤਨਸਞ੍ਞਾਯ ਵੁਟ੍ਠਾਤਿ. ਆਕਿਞ੍ਚਞ੍ਞਾਯਤਨਸਮਾਪਤ੍ਤਿ ਵਿਞ੍ਞਾਣਞ੍ਚਾਯਤਨਸਞ੍ਞਾਯ ਵੁਟ੍ਠਾਤਿ. ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿ ਆਕਿਞ੍ਚਞ੍ਞਾਯਤਨਸਞ੍ਞਾਯ ਵੁਟ੍ਠਾਤਿ. ਇਮੇ ਬਹਿਦ੍ਧਾਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ.
ਕਤਮੇ ਦੁਭਤੋ ਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ? ਸੋਤਾਪਤ੍ਤਿਮਗ੍ਗੋ ਸਕ੍ਕਾਯਦਿਟ੍ਠਿਵਿਚਿਕਿਚ੍ਛਾਸੀਲਬ੍ਬਤਪਰਾਮਾਸਾ ਦਿਟ੍ਠਾਨੁਸਯਾ ਵਿਚਿਕਿਚ੍ਛਾਨੁਸਯਾ ਵੁਟ੍ਠਾਤਿ, ਤਦਨੁਵਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਵੁਟ੍ਠਾਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਵੁਟ੍ਠਾਤਿ. ਸਕਦਾਗਾਮਿਮਗ੍ਗੋ ਓਲ਼ਾਰਿਕਾ ਕਾਮਰਾਗਸਞ੍ਞੋਜਨਾ ਪਟਿਘਸਞ੍ਞੋਜਨਾ ਓਲ਼ਾਰਿਕਾ ਕਾਮਰਾਗਾਨੁਸਯਾ ਪਟਿਘਾਨੁਸਯਾ ਵੁਟ੍ਠਾਤਿ, ਤਦਨੁਵਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਵੁਟ੍ਠਾਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਵੁਟ੍ਠਾਤਿ. ਅਨਾਗਾਮਿਮਗ੍ਗੋ ਅਨੁਸਹਗਤਾ ਕਾਮਰਾਗਸਞ੍ਞੋਜਨਾ ਪਟਿਘਸਞ੍ਞੋਜਨਾ ਅਨੁਸਹਗਤਾ ਕਾਮਰਾਗਾਨੁਸਯਾ ਪਟਿਘਾਨੁਸਯਾ ਵੁਟ੍ਠਾਤਿ, ਤਦਨੁਵਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਵੁਟ੍ਠਾਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਵੁਟ੍ਠਾਤਿ. ਅਰਹਤ੍ਤਮਗ੍ਗੋ ਰੂਪਰਾਗਾ ਅਰੂਪਰਾਗਾ ਮਾਨਾ ਉਦ੍ਧਚ੍ਚਾ ਅਵਿਜ੍ਜਾਯ ਮਾਨਾਨੁਸਯਾ ਭਵਰਾਗਾਨੁਸਯਾ ਅਵਿਜ੍ਜਾਨੁਸਯਾ ਵੁਟ੍ਠਾਤਿ, ਤਦਨੁਵਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਵੁਟ੍ਠਾਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਵੁਟ੍ਠਾਤਿ. ਇਮੇ ਦੁਭਤੋ ਵੁਟ੍ਠਾਨਾ ਚਤ੍ਤਾਰੋ ਵਿਮੋਕ੍ਖਾ.
੨੧੧. ਕਤਮੇ ਅਜ੍ਝਤ੍ਤਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ? ਪਠਮਂ ਝਾਨਂ ਪਟਿਲਾਭਤ੍ਥਾਯ ਵਿਤਕ੍ਕੋ ਚ ਵਿਚਾਰੋ ਚ ਪੀਤਿ ਚ ਸੁਖਞ੍ਚ ਚਿਤ੍ਤੇਕਗ੍ਗਤਾ ਚ, ਦੁਤਿਯਂ ਝਾਨਂ ਪਟਿਲਾਭਤ੍ਥਾਯ…ਪੇ… ਤਤਿਯਂ ਝਾਨਂ ਪਟਿਲਾਭਤ੍ਥਾਯ…ਪੇ… ਚਤੁਤ੍ਥਂ ਝਾਨਂ ਪਟਿਲਾਭਤ੍ਥਾਯ ਵਿਤਕ੍ਕੋ ਚ ਵਿਚਾਰੋ ਚ ਪੀਤਿ ਚ ਸੁਖਞ੍ਚ ਚਿਤ੍ਤੇਕਗ੍ਗਤਾ ਚ – ਇਮੇ ਅਜ੍ਝਤ੍ਤਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ.
ਕਤਮੇ ਬਹਿਦ੍ਧਾਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ? ਆਕਾਸਾਨਞ੍ਚਾਯਤਨਸਮਾਪਤ੍ਤਿਂ ਪਟਿਲਾਭਤ੍ਥਾਯ ਵਿਤਕ੍ਕੋ ਚ ਵਿਚਾਰੋ ਚ ਪੀਤਿ ਚ ਸੁਖਞ੍ਚ ਚਿਤ੍ਤੇਕਗ੍ਗਤਾ ਚ, ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿਂ…ਪੇ… ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਂ …ਪੇ… ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਂ ਪਟਿਲਾਭਤ੍ਥਾਯ ਵਿਤਕ੍ਕੋ ਚ ਵਿਚਾਰੋ ਚ ਪੀਤਿ ਚ ਸੁਖਞ੍ਚ ਚਿਤ੍ਤੇਕਗ੍ਗਤਾ ਚ – ਇਮੇ ਬਹਿਦ੍ਧਾਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ.
ਕਤਮੇ ਦੁਭਤੋ ਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ? ਸੋਤਾਪਤ੍ਤਿਮਗ੍ਗਂ ਪਟਿਲਾਭਤ੍ਥਾਯ ਅਨਿਚ੍ਚਾਨੁਪਸ੍ਸਨਾ,ਦੁਕ੍ਖਾਨੁਪਸ੍ਸਨਾ,ਅਨਤ੍ਤਾਨੁਪਸ੍ਸਨਾ. ਸਕਦਾਗਾਮਿਮਗ੍ਗਂ ਪਟਿਲਾਭਤ੍ਥਾਯ…ਪੇ… ਅਨਾਗਾਮਿਮਗ੍ਗਂ ਪਟਿਲਾਭਤ੍ਥਾਯ…ਪੇ… ਅਰਹਤ੍ਤਮਗ੍ਗਂ ਪਟਿਲਾਭਤ੍ਥਾਯ ਅਨਿਚ੍ਚਾਨੁਪਸ੍ਸਨਾ,ਦੁਕ੍ਖਾਨੁਪਸ੍ਸਨਾ,ਅਨਤ੍ਤਾਨੁਪਸ੍ਸਨਾ – ਇਮੇ ਦੁਭਤੋ ਵੁਟ੍ਠਾਨਾਨਂ ਅਨੁਲੋਮਾ ਚਤ੍ਤਾਰੋ ਵਿਮੋਕ੍ਖਾ.
ਕਤਮੇ ਅਜ੍ਝਤ੍ਤਵੁਟ੍ਠਾਨਪਟਿਪ੍ਪਸ੍ਸਦ੍ਧੀ ਚਤ੍ਤਾਰੋ ਵਿਮੋਕ੍ਖਾ? ਪਠਮਸ੍ਸ ਝਾਨਸ੍ਸ ਪਟਿਲਾਭੋ ਵਾ ਵਿਪਾਕੋ ਵਾ, ਦੁਤਿਯਸ੍ਸ ਝਾਨਸ੍ਸ…ਪੇ… ਤਤਿਯਸ੍ਸ ਝਾਨਸ੍ਸ…ਪੇ… ਚਤੁਤ੍ਥਸ੍ਸ ਝਾਨਸ੍ਸ ਪਟਿਲਾਭੋ ਵਾ ਵਿਪਾਕੋ ਵਾ – ਇਮੇ ਅਜ੍ਝਤ੍ਤਵੁਟ੍ਠਾਨਪਟਿਪ੍ਪਸ੍ਸਦ੍ਧੀ ਚਤ੍ਤਾਰੋ ਵਿਮੋਕ੍ਖਾ.
ਕਤਮੇ ਬਹਿਦ੍ਧਾਵੁਟ੍ਠਾਨਪਟਿਪ੍ਪਸ੍ਸਦ੍ਧੀ ਚਤ੍ਤਾਰੋ ਵਿਮੋਕ੍ਖਾ? ਆਕਾਸਾਨਞ੍ਚਾਯਤਨਸਮਾਪਤ੍ਤਿਯਾ ਪਟਿਲਾਭੋ ਵਾ ਵਿਪਾਕੋ ਵਾ, ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿਯਾ…ਪੇ… ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਯਾ…ਪੇ… ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਪਟਿਲਾਭੋ ਵਾ ਵਿਪਾਕੋ ਵਾ – ਇਮੇ ਬਹਿਦ੍ਧਾਵੁਟ੍ਠਾਨਪਟਿਪ੍ਪਸ੍ਸਦ੍ਧੀ ਚਤ੍ਤਾਰੋ ਵਿਮੋਕ੍ਖਾ.
ਕਤਮੇ ਦੁਭਤੋ ਵੁਟ੍ਠਾਨਪਟਿਪ੍ਪਸ੍ਸਦ੍ਧੀ ਚਤ੍ਤਾਰੋ ਵਿਮੋਕ੍ਖਾ? ਸੋਤਾਪਤ੍ਤਿਮਗ੍ਗਸ੍ਸ ਸੋਤਾਪਤ੍ਤਿਫਲਂ, ਸਕਦਾਗਾਮਿਮਗ੍ਗਸ੍ਸ ਸਕਦਾਗਾਮਿਫਲਂ, ਅਨਾਗਾਮਿਮਗ੍ਗਸ੍ਸ ਅਨਾਗਾਮਿਫਲਂ, ਅਰਹਤ੍ਤਮਗ੍ਗਸ੍ਸ ਅਰਹਤ੍ਤਫਲਂ – ਇਮੇ ਦੁਭਤੋ ਵੁਟ੍ਠਾਨਪਟਿਪ੍ਪਸ੍ਸਦ੍ਧੀ ਚਤ੍ਤਾਰੋ ਵਿਮੋਕ੍ਖਾ.
੨੧੨. ਕਥਂ ਰੂਪੀ ਰੂਪਾਨਿ ਪਸ੍ਸਤੀਤਿ – ਵਿਮੋਕ੍ਖੋ? ਇਧੇਕਚ੍ਚੋ ਅਜ੍ਝਤ੍ਤਂ ਪਚ੍ਚਤ੍ਤਂ ਨੀਲਨਿਮਿਤ੍ਤਂ ਮਨਸਿਕਰੋਤਿ, ਨੀਲਸਞ੍ਞਂ ਪਟਿਲਭਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਰੋਤਿ, ਸੂਪਧਾਰਿਤਂ ਉਪਧਾਰੇਤਿ, ਸ੍ਵਾਵਤ੍ਥਿਤਂ ਅਵਤ੍ਥਾਪੇਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਤ੍ਵਾ ਸੂਪਧਾਰਿਤਂ [ਸੁਪਧਾਰਿਤਂ (ਕ.)] ਉਪਧਾਰੇਤ੍ਵਾ ਸ੍ਵਾਵਤ੍ਥਿਤਂ ਅਵਤ੍ਥਾਪੇਤ੍ਵਾ ਬਹਿਦ੍ਧਾ ਨੀਲਨਿਮਿਤ੍ਤੇ ਚਿਤ੍ਤਂ ਉਪਸਂਹਰਤਿ, ਨੀਲਸਞ੍ਞਂ ਪਟਿਲਭਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਰੋਤਿ, ਸੂਪਧਾਰਿਤਂ ਉਪਧਾਰੇਤਿ, ਸ੍ਵਾਵਤ੍ਥਿਤਂ ਅਵਤ੍ਥਾਪੇਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਤ੍ਵਾ ਉਪਧਾਰੇਤ੍ਵਾ ਸ੍ਵਾਵਤ੍ਥਿਤਂ ਅਵਤ੍ਥਾਪੇਤ੍ਵਾ ਆਸੇਵਤਿ ਭਾਵੇਤਿ ਬਹੁਲੀਕਰੋਤਿ. ਤਸ੍ਸ ਏਵਂ ਹੋਤਿ – ‘‘ਅਜ੍ਝਤ੍ਤਞ੍ਚ ਬਹਿਦ੍ਧਾ ਚ ਉਭਯਮਿਦਂ ਰੂਪ’’ਨ੍ਤਿ, ਰੂਪਸਞ੍ਞੀ ਹੋਤਿ. ਇਧੇਕਚ੍ਚੋ ਅਜ੍ਝਤ੍ਤਂ ਪਚ੍ਚਤ੍ਤਂ ਪੀਤਨਿਮਿਤ੍ਤਂ…ਪੇ… ਲੋਹਿਤਨਿਮਿਤ੍ਤਂ…ਪੇ… ਓਦਾਤਨਿਮਿਤ੍ਤਂ ਮਨਸਿਕਰੋਤਿ, ਓਦਾਤਸਞ੍ਞਂ ਪਟਿਲਭਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਰੋਤਿ, ਸੂਪਧਾਰਿਤਂ ਉਪਧਾਰੇਤਿ, ਸ੍ਵਾਵਤ੍ਥਿਤਂ ਅਵਤ੍ਥਾਪੇਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਤ੍ਵਾ ਸੂਪਧਾਰਿਤਂ ਉਪਧਾਰੇਤ੍ਵਾ ਸ੍ਵਾਵਤ੍ਥਿਤਂ ਅਵਤ੍ਥਾਪੇਤ੍ਵਾ ਬਹਿਦ੍ਧਾ ਓਦਾਤਨਿਮਿਤ੍ਤੇ ਚਿਤ੍ਤਂ ਉਪਸਂਹਰਤਿ, ਓਦਾਤਸਞ੍ਞਂ ਪਟਿਲਭਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਰੋਤਿ, ਸੂਪਧਾਰਿਤਂ ਉਪਧਾਰੇਤਿ, ਸ੍ਵਾਵਤ੍ਥਿਤਂ ਅਵਤ੍ਥਾਪੇਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਤ੍ਵਾ ਸੂਪਧਾਰਿਤਂ ਉਪਧਾਰੇਤ੍ਵਾ ਸ੍ਵਾਵਤ੍ਥਿਤਂ ਅਵਤ੍ਥਾਪੇਤ੍ਵਾ ਆਸੇਵਤਿ ਭਾਵੇਤਿ ਬਹੁਲੀਕਰੋਤਿ. ਤਸ੍ਸ ਏਵਂ ਹੋਤਿ – ‘‘ਅਜ੍ਝਤ੍ਤਞ੍ਚ ਬਹਿਦ੍ਧਾ ਚ ਉਭਯਮਿਦਂ ਰੂਪ’’ਨ੍ਤਿ, ਰੂਪਸਞ੍ਞੀ ਹੋਤਿ. ਏਵਂ ਰੂਪੀ ਰੂਪਾਨਿ ਪਸ੍ਸਤੀਤਿ – ਵਿਮੋਕ੍ਖੋ.
ਕਥਂ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤੀਤਿ – ਵਿਮੋਕ੍ਖੋ? ਇਧੇਕਚ੍ਚੋ ਅਜ੍ਝਤ੍ਤਂ ਪਚ੍ਚਤ੍ਤਂ ਨੀਲਨਿਮਿਤ੍ਤਂ ਨ ਮਨਸਿਕਰੋਤਿ, ਨੀਲਸਞ੍ਞਂ ਨ ਪਟਿਲਭਤਿ; ਬਹਿਦ੍ਧਾ ਨੀਲਨਿਮਿਤ੍ਤੇ ਚਿਤ੍ਤਂ ਉਪਸਂਹਰਤਿ, ਨੀਲਸਞ੍ਞਂ ਪਟਿਲਭਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਰੋਤਿ, ਸੂਪਧਾਰਿਤਂ ਉਪਧਾਰੇਤਿ, ਸ੍ਵਾਵਤ੍ਥਿਤਂ ਅਵਤ੍ਥਾਪੇਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਤ੍ਵਾ ਸੂਪਧਾਰਿਤਂ ਉਪਧਾਰੇਤ੍ਵਾ ਸ੍ਵਾਵਤ੍ਥਿਤਂ ਅਵਤ੍ਥਾਪੇਤ੍ਵਾ ਆਸੇਵਤਿ ਭਾਵੇਤਿ ਬਹੁਲੀਕਰੋਤਿ. ਤਸ੍ਸ ਏਵਂ ਹੋਤਿ – ‘‘ਅਜ੍ਝਤ੍ਤਂ ਅਰੂਪਂ, ਬਹਿਦ੍ਧਾ ਰੂਪਮਿਦ’’ਨ੍ਤਿ, ਰੂਪਸਞ੍ਞੀ ਹੋਤਿ. ਇਧੇਕਚ੍ਚੋ ਅਜ੍ਝਤ੍ਤਂ ਪਚ੍ਚਤ੍ਤਂ ਪੀਤਨਿਮਿਤ੍ਤਂ…ਪੇ… ਲੋਹਿਤਨਿਮਿਤ੍ਤਂ…ਪੇ… ਓਦਾਤਨਿਮਿਤ੍ਤਂ ਨ ਮਨਸਿਕਰੋਤਿ, ਓਦਾਤਸਞ੍ਞਂ ਨ ਪਟਿਲਭਤਿ; ਬਹਿਦ੍ਧਾ ਓਦਾਤਨਿਮਿਤ੍ਤੇ ਚਿਤ੍ਤਂ ਉਪਸਂਹਰਤਿ, ਓਦਾਤਸਞ੍ਞਂ ਪਟਿਲਭਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਰੋਤਿ, ਸੂਪਧਾਰਿਤਂ ਉਪਧਾਰੇਤਿ, ਸ੍ਵਾਵਤ੍ਥਿਤਂ ਅਵਤ੍ਥਾਪੇਤਿ. ਸੋ ਤਂ ਨਿਮਿਤ੍ਤਂ ਸੁਗ੍ਗਹਿਤਂ ਕਤ੍ਵਾ ਸੂਪਧਾਰਿਤਂ ਉਪਧਾਰੇਤ੍ਵਾ ਸ੍ਵਾਵਤ੍ਥਿਤਂ ਅਵਤ੍ਥਾਪੇਤ੍ਵਾ ਆਸੇਵਤਿ ਭਾਵੇਤਿ ਬਹੁਲੀਕਰੋਤਿ. ਤਸ੍ਸ ਏਵਂ ਹੋਤਿ – ‘‘ਅਜ੍ਝਤ੍ਤਂ ਅਰੂਪਂ ਬਹਿਦ੍ਧਾ ਰੂਪਮਿਦ’’ਨ੍ਤਿ, ਰੂਪਸਞ੍ਞੀ ਹੋਤਿ. ਏਵਂ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤੀਤਿ – ਵਿਮੋਕ੍ਖੋ.
ਕਥਂ ‘‘ਸੁਭ’’ਨ੍ਤੇਵ ਅਧਿਮੁਤ੍ਤੋ ਹੋਤੀਤਿ – ਵਿਮੋਕ੍ਖੋ? ਇਧ ਭਿਕ੍ਖੁ ਮੇਤ੍ਤਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍ਵਾ ਵਿਹਰਤਿ, ਤਥਾ ਦੁਤਿਯਂ, ਤਥਾ ਤਤਿਯਂ, ਤਥਾ ਚਤੁਤ੍ਥਂ. ਇਤਿ ਉਦ੍ਧਮਧੋ ਤਿਰਿਯਂ ਸਬ੍ਬਧਿ ਸਬ੍ਬਤ੍ਤਤਾਯ ਸਬ੍ਬਾਵਨ੍ਤਂ ਲੋਕਂ ਮੇਤ੍ਤਾਸਹਗਤੇਨ ਚੇਤਸਾ ਵਿਪੁਲੇਨ ਮਹਗ੍ਗਤੇਨ ਅਪ੍ਪਮਾਣੇਨ ਅਵੇਰੇਨ ਅਬ੍ਯਾਪਜ੍ਜੇਨ [ਅਬ੍ਯਾਪਜ੍ਝੇਨ (ਸ੍ਯਾ.)] ਫਰਿਤ੍ਵਾ ਵਿਹਰਤਿ. ਮੇਤ੍ਤਾਯ ਭਾਵਿਤਤ੍ਤਾ ਸਤ੍ਤਾ ਅਪ੍ਪਟਿਕੂਲਾ ਹੋਨ੍ਤਿ. ਕਰੁਣਾਸਹਗਤੇਨ ਚੇਤਸਾ…ਪੇ… ਕਰੁਣਾਯ ਭਾਵਿਤਤ੍ਤਾ ਸਤ੍ਤਾ ਅਪ੍ਪਟਿਕੂਲਾ ਹੋਨ੍ਤਿ. ਮੁਦਿਤਾਸਹਗਤੇਨ ਚੇਤਸਾ…ਪੇ… ਮੁਦਿਤਾਯ ਭਾਵਿਤਤ੍ਤਾ ਸਤ੍ਤਾ ਅਪ੍ਪਟਿਕੂਲਾ ਹੋਨ੍ਤਿ. ਉਪੇਕ੍ਖਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍ਵਾ ਵਿਹਰਤਿ…ਪੇ… ਉਪੇਕ੍ਖਾਯ ਭਾਵਿਤਤ੍ਤਾ ਸਤ੍ਤਾ ਅਪ੍ਪਟਿਕੂਲਾ ਹੋਨ੍ਤਿ. ਏਵਂ ‘‘ਸੁਭਂ’’ ਤੇਵ ਅਧਿਮੁਤ੍ਤੋ ਹੋਤੀਤਿ – ਵਿਮੋਕ੍ਖੋ.
੨੧੩. ਕਤਮੋ ਆਕਾਸਾਨਞ੍ਚਾਯਤਨਸਮਾਪਤ੍ਤਿ ਵਿਮੋਕ੍ਖੋ? ਇਧ ਭਿਕ੍ਖੁ ਸਬ੍ਬਸੋ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ਅਮਨਸਿਕਾਰਾ ‘‘ਅਨਨ੍ਤੋ ਆਕਾਸੋ’’ਤਿ ਆਕਾਸਾਨਞ੍ਚਾਯਤਨਂ ਉਪਸਮ੍ਪਜ੍ਜ ਵਿਹਰਤਿ – ਅਯਂ ਆਕਾਸਾਨਞ੍ਚਾਯਤਨਸਮਾਪਤ੍ਤਿ ਵਿਮੋਕ੍ਖੋ.
ਕਤਮੋ ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿ ਵਿਮੋਕ੍ਖੋ? ਇਧ ਭਿਕ੍ਖੁ ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ‘‘ਅਨਨ੍ਤਂ ਵਿਞ੍ਞਾਣ’’ਨ੍ਤਿ ਵਿਞ੍ਞਾਣਞ੍ਚਾਯਤਨਂ ਉਪਸਮ੍ਪਜ੍ਜ ਵਿਹਰਤਿ – ਅਯਂ ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿ ਵਿਮੋਕ੍ਖੋ.
ਕਤਮੋ ਆਕਿਞ੍ਚਞ੍ਞਾਯਤਨਸਮਾਪਤ੍ਤਿ ਵਿਮੋਕ੍ਖੋ? ਇਧ ਭਿਕ੍ਖੁ ਸਬ੍ਬਸੋ ਵਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ ‘‘ਨਤ੍ਥਿ ਕਿਞ੍ਚੀ’’ਤਿ ਆਕਿਞ੍ਚਞ੍ਞਾਯਤਨਂ ਉਪਸਮ੍ਪਜ੍ਜ ਵਿਹਰਤਿ – ਅਯਂ ਆਕਿਞ੍ਚਞ੍ਞਾਯਤਨਸਮਾਪਤ੍ਤਿ ਵਿਮੋਕ੍ਖੋ.
ਕਤਮੋ ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿ ਵਿਮੋਕ੍ਖੋ? ਇਧ ਭਿਕ੍ਖੁ ਸਬ੍ਬਸੋ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇਵਸਞ੍ਞਾਨਾਸਞ੍ਞਾਯਤਨਂ ਉਪਸਮ੍ਪਜ੍ਜ ਵਿਹਰਤਿ – ਅਯਂ ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿ ਵਿਮੋਕ੍ਖੋ.
ਕਤਮੋ ਸਞ੍ਞਾਵੇਦਯਿਤਨਿਰੋਧਸਮਾਪਤ੍ਤਿ ਵਿਮੋਕ੍ਖੋ? ਇਧ ਭਿਕ੍ਖੁ ਸਬ੍ਬਸੋ ਨੇਵਸਞ੍ਞਾਨਾਸਞ੍ਞਾਯਤਨਂ ਸਮਤਿਕ੍ਕਮ੍ਮ ਸਞ੍ਞਾਵੇਦਯਿਤਨਿਰੋਧਂ ਉਪਸਮ੍ਪਜ੍ਜ ਵਿਹਰਤਿ – ਅਯਂ ਸਞ੍ਞਾਵੇਦਯਿਤਨਿਰੋਧਸਮਾਪਤ੍ਤਿ ਵਿਮੋਕ੍ਖੋ.
ਕਤਮੋ ਸਮਯਵਿਮੋਕ੍ਖੋ? ਚਤ੍ਤਾਰਿ ਚ ਝਾਨਾਨਿ ਚਤਸ੍ਸੋ ਚ ਅਰੂਪਸਮਾਪਤ੍ਤਿਯੋ – ਅਯਂ ਸਮਯਵਿਮੋਕ੍ਖੋ.
ਕਤਮੋ ਅਸਮਯਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਅਸਮਯਵਿਮੋਕ੍ਖੋ.
ਕਤਮੋ ਸਾਮਯਿਕੋ ਵਿਮੋਕ੍ਖੋ? ਚਤ੍ਤਾਰਿ ਚ ਝਾਨਾਨਿ, ਚਤਸ੍ਸੋ ਚ ਅਰੂਪਸਮਾਪਤ੍ਤਿਯੋ – ਅਯਂ ਸਾਮਯਿਕੋ ਵਿਮੋਕ੍ਖੋ.
ਕਤਮੋ ਅਸਾਮਯਿਕੋ ਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਅਸਾਮਯਿਕੋ ਵਿਮੋਕ੍ਖੋ.
ਕਤਮੋ ਕੁਪ੍ਪੋ ਵਿਮੋਕ੍ਖੋ? ਚਤ੍ਤਾਰਿ ਚ ਝਾਨਾਨਿ, ਚਤਸ੍ਸੋ ਚ ਅਰੂਪਸਮਾਪਤ੍ਤਿਯੋ – ਅਯਂ ਕੁਪ੍ਪੋ ਵਿਮੋਕ੍ਖੋ.
ਕਤਮੋ ਅਕੁਪ੍ਪੋ ਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਅਕੁਪ੍ਪੋ ਵਿਮੋਕ੍ਖੋ.
ਕਤਮੋ ਲੋਕਿਯੋ ਵਿਮੋਕ੍ਖੋ? ਚਤ੍ਤਾਰਿ ਚ ਝਾਨਾਨਿ, ਚਤਸ੍ਸੋ ਚ ਅਰੂਪਸਮਾਪਤ੍ਤਿਯੋ – ਅਯਂ ਲੋਕਿਯੋ ਵਿਮੋਕ੍ਖੋ.
ਕਤਮੋ ਲੋਕੁਤ੍ਤਰੋ ਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਲੋਕੁਤ੍ਤਰੋ ਵਿਮੋਕ੍ਖੋ.
ਕਤਮੋ ਸਾਸਵੋ ਵਿਮੋਕ੍ਖੋ? ਚਤ੍ਤਾਰਿ ਚ ਝਾਨਾਨਿ, ਚਤਸ੍ਸੋ ਚ ਅਰੂਪਸਮਾਪਤ੍ਤਿਯੋ – ਅਯਂ ਸਾਸਵੋ ਵਿਮੋਕ੍ਖੋ.
ਕਤਮੋ ਅਨਾਸਵੋ ਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਅਨਾਸਵੋ ਵਿਮੋਕ੍ਖੋ.
ਕਤਮੋ ਸਾਮਿਸੋ ਵਿਮੋਕ੍ਖੋ? ਰੂਪਪ੍ਪਟਿਸਞ੍ਞੁਤ੍ਤੋ ਵਿਮੋਕ੍ਖੋ – ਅਯਂ ਸਾਮਿਸੋ ਵਿਮੋਕ੍ਖੋ.
ਕਤਮੋ ਨਿਰਾਮਿਸੋ ਵਿਮੋਕ੍ਖੋ? ਅਰੂਪਪ੍ਪਟਿਸਞ੍ਞੁਤ੍ਤੋ ਵਿਮੋਕ੍ਖੋ – ਅਯਂ ਨਿਰਾਮਿਸੋ ਵਿਮੋਕ੍ਖੋ.
ਕਤਮੋ ਨਿਰਾਮਿਸਾ ਨਿਰਾਮਿਸਤਰੋ ਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਨਿਰਾਮਿਸਾਨਿਰਾਮਿਸਤਰੋ ਵਿਮੋਕ੍ਖੋ.
ਕਤਮੋ ਪਣਿਹਿਤੋ ਵਿਮੋਕ੍ਖੋ? ਚਤ੍ਤਾਰਿ ਚ ਝਾਨਾਨਿ, ਚਤਸ੍ਸੋ ਚ ਅਰੂਪਸਮਾਪਤ੍ਤਿਯੋ – ਅਯਂ ਪਣਿਹਿਤੋ ਵਿਮੋਕ੍ਖੋ. ਕਤਮੋ ਅਪ੍ਪਣਿਹਿਤੋ ਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਅਪ੍ਪਣਿਹਿਤੋ ਵਿਮੋਕ੍ਖੋ.
ਕਤਮੋ ਪਣਿਹਿਤਪ੍ਪਟਿਪ੍ਪਸ੍ਸਦ੍ਧਿ ਵਿਮੋਕ੍ਖੋ? ਪਠਮਸ੍ਸ ਝਾਨਸ੍ਸ ਪਟਿਲਾਭੋ ਵਾ ਵਿਪਾਕੋ ਵਾ …ਪੇ… ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਪਟਿਲਾਭੋ ਵਾ ਵਿਪਾਕੋ ਵਾ – ਅਯਂ ਪਣਿਹਿਤਪ੍ਪਟਿਪ੍ਪਸ੍ਸਦ੍ਧਿ ਵਿਮੋਕ੍ਖੋ.
ਕਤਮੋ ਸਞ੍ਞੁਤ੍ਤੋ ਵਿਮੋਕ੍ਖੋ? ਚਤ੍ਤਾਰਿ ਚ ਝਾਨਾਨਿ, ਚਤਸ੍ਸੋ ਚ ਅਰੂਪਸਮਾਪਤ੍ਤਿਯੋ – ਅਯਂ ਸਞ੍ਞੁਤ੍ਤੋ ਵਿਮੋਕ੍ਖੋ.
ਕਤਮੋ ਵਿਸਞ੍ਞੁਤ੍ਤੋ ਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਵਿਸਞ੍ਞੁਤ੍ਤੋ ਵਿਮੋਕ੍ਖੋ.
ਕਤਮੋ ਏਕਤ੍ਤਵਿਮੋਕ੍ਖੋ? ਚਤ੍ਤਾਰੋ ਚ ਅਰਿਯਮਗ੍ਗਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਅਯਂ ਏਕਤ੍ਤਵਿਮੋਕ੍ਖੋ.
ਕਤਮੋ ਨਾਨਤ੍ਤਵਿਮੋਕ੍ਖੋ? ਚਤ੍ਤਾਰਿ ਚ ਝਾਨਾਨਿ, ਚਤਸ੍ਸੋ ਚ ਅਰੂਪਸਮਾਪਤ੍ਤਿਯੋ – ਅਯਂ ਨਾਨਤ੍ਤਵਿਮੋਕ੍ਖੋ.
੨੧੪. ਕਤਮੋ ਸਞ੍ਞਾਵਿਮੋਕ੍ਖੋ? ਸਿਯਾ ਏਕੋ ਸਞ੍ਞਾਵਿਮੋਕ੍ਖੋ ਦਸ ਸਞ੍ਞਾਵਿਮੋਕ੍ਖਾ ਹੋਨ੍ਤਿ, ਦਸ ਸਞ੍ਞਾਵਿਮੋਕ੍ਖਾ ਏਕੋ ਸਞ੍ਞਾਵਿਮੋਕ੍ਖੋ ਹੋਤਿ, ਵਤ੍ਥੁਵਸੇਨ ਪਰਿਯਾਯੇਨ. ਕਥਞ੍ਚ ਸਿਯਾ? ਅਨਿਚ੍ਚਾਨੁਪਸ੍ਸਨਾਞਾਂ ਨਿਚ੍ਚਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਦੁਕ੍ਖਾਨੁਪਸ੍ਸਨਾਞਾਂ ਸੁਖਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਅਨਤ੍ਤਾਨੁਪਸ੍ਸਨਾਞਾਣਂ ਅਤ੍ਤਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਨਿਬ੍ਬਿਦਾਨੁਪਸ੍ਸਨਾਞਾਣਂ ਨਨ੍ਦਿਯਾ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਵਿਰਾਗਾਨੁਪਸ੍ਸਨਾਞਾਣਂ ਰਾਗਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਨਿਰੋਧਾਨੁਪਸ੍ਸਨਾਞਾਣਂ ਸਮੁਦਯਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ ਆਦਾਨਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਨਿਮਿਤ੍ਤਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਪਣਿਧਿਯਾ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਏਵਂ ਸਿਯਾ ਏਕੋ ਸਞ੍ਞਾਵਿਮੋਕ੍ਖੋ ਦਸ ਸਞ੍ਞਾਵਿਮੋਕ੍ਖਾ ਹੋਨ੍ਤਿ, ਦਸ ਸਞ੍ਞਾਵਿਮੋਕ੍ਖਾ ਏਕੋ ਸਞ੍ਞਾਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਰੂਪੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ…ਪੇ… ਰੂਪੇ ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਏਵਂ ਸਿਯਾ ਏਕੋ ਸਞ੍ਞਾਵਿਮੋਕ੍ਖੋ ਦਸ ਸਞ੍ਞਾਵਿਮੋਕ੍ਖਾ ਹੋਨ੍ਤਿ, ਦਸ ਸਞ੍ਞਾਵਿਮੋਕ੍ਖਾ ਏਕੋ ਸਞ੍ਞਾਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਵੇਦਨਾਯ…ਪੇ… ਸਞ੍ਞਾਯ… ਸਙ੍ਖਾਰੇਸੁ… ਵਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ…ਪੇ… ਜਰਾਮਰਣੇ ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਸਞ੍ਞਾਯ ਮੁਚ੍ਚਤੀਤਿ – ਸਞ੍ਞਾਵਿਮੋਕ੍ਖੋ. ਏਵਂ ਸਿਯਾ, ਏਕੋ ਸਞ੍ਞਾਵਿਮੋਕ੍ਖੋ ਦਸ ਸਞ੍ਞਾਵਿਮੋਕ੍ਖਾ ਹੋਨ੍ਤਿ, ਦਸ ਸਞ੍ਞਾਵਿਮੋਕ੍ਖਾ ਏਕੋ ਸਞ੍ਞਾਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ – ਅਯਂ ਸਞ੍ਞਾਵਿਮੋਕ੍ਖੋ.
੨੧੫. ਕਤਮੋ ਞਾਣਵਿਮੋਕ੍ਖੋ? ਸਿਯਾ ਏਕੋ ਞਾਣਵਿਮੋਕ੍ਖੋ ਦਸ ਞਾਣਵਿਮੋਕ੍ਖਾ ਹੋਨ੍ਤਿ, ਦਸ ਞਾਣਵਿਮੋਕ੍ਖਾ ਏਕੋ ਞਾਣਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ ਸਿਯਾਤਿ. ਕਥਞ੍ਚ ਸਿਯਾ? ਅਨਿਚ੍ਚਾਨੁਪਸ੍ਸਨਾ ਯਥਾਭੂਤਂ ਞਾਣਂ ਨਿਚ੍ਚਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਦੁਕ੍ਖਾਨੁਪਸ੍ਸਨਾ ਯਥਾਭੂਤਂ ਞਾਣਂ ਸੁਖਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਅਨਤ੍ਤਾਨੁਪਸ੍ਸਨਾ ਯਥਾਭੂਤਂ ਞਾਣਂ ਅਤ੍ਤਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਨਿਬ੍ਬਿਦਾਨੁਪਸ੍ਸਨਾ ਯਥਾਭੂਤਂ ਞਾਣਂ ਨਨ੍ਦਿਯਾ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਵਿਰਾਗਾਨੁਪਸ੍ਸਨਾ ਯਥਾਭੂਤਂ ਞਾਣਂ ਰਾਗਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਨਿਰੋਧਾਨੁਪਸ੍ਸਨਾ ਯਥਾਭੂਤਂ ਞਾਣਂ ਸਮੁਦਯਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਯਥਾਭੂਤਂ ਞਾਣਂ ਆਦਾਨਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਅਨਿਮਿਤ੍ਤਾਨੁਪਸ੍ਸਨਾ ਯਥਾਭੂਤਂ ਞਾਣਂ ਨਿਮਿਤ੍ਤਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਅਪ੍ਪਣਿਹਿਤਾਨੁਪਸ੍ਸਨਾ ਥਾਭੂਤਂ ਞਾਣਂ ਪਣਿਧਿਯਾ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਸੁਞ੍ਞਤਾਨੁਪਸ੍ਸਨਾ ਯਥਾਭੂਤਂ ਞਾਣਂ ਅਭਿਨਿਵੇਸਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਏਵਂ ਸਿਯਾ ਏਕੋ ਞਾਣਵਿਮੋਕ੍ਖੋ ਦਸ ਞਾਣਵਿਮੋਕ੍ਖਾ ਹੋਨ੍ਤਿ, ਦਸ ਞਾਣਵਿਮੋਕ੍ਖਾ ਏਕੋ ਞਾਣਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਰੂਪੇ ਅਨਿਚ੍ਚਾਨੁਪਸ੍ਸਨਾ ਯਥਾਭੂਤਂ ਞਾਣਂ ਨਿਚ੍ਚਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ…ਪੇ… ਰੂਪੇ ਸੁਞ੍ਞਤਾਨੁਪਸ੍ਸਨਾ ਯਥਾਭੂਤਂ ਞਾਣਂ ਅਭਿਨਿਵੇਸਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਏਵਂ ਸਿਯਾ ਏਕੋ ਞਾਣਵਿਮੋਕ੍ਖੋ ਦਸ ਞਾਣਵਿਮੋਕ੍ਖਾ ਹੋਨ੍ਤਿ, ਦਸ ਞਾਣਵਿਮੋਕ੍ਖਾ ਏਕੋ ਞਾਣਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਵੇਦਨਾਯ …ਪੇ… ਸਞ੍ਞਾਯ… ਸਙ੍ਖਾਰੇਸੁ… ਵਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ ਯਥਾਭੂਤਂ ਞਾਣਂ ਨਿਚ੍ਚਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ…ਪੇ… ਜਰਾਮਰਣੇ ਸੁਞ੍ਞਤਾਨੁਪਸ੍ਸਨਾ ਯਥਾਭੂਤਂ ਞਾਣਂ ਅਭਿਨਿਵੇਸਤੋ ਸਮ੍ਮੋਹਾ ਅਞ੍ਞਾਣਾ ਮੁਚ੍ਚਤੀਤਿ – ਞਾਣਵਿਮੋਕ੍ਖੋ. ਏਵਂ ਸਿਯਾ ਏਕੋ ਞਾਣਵਿਮੋਕ੍ਖੋ ਦਸ ਞਾਣਵਿਮੋਕ੍ਖਾ ਹੋਨ੍ਤਿ, ਦਸ ਞਾਣਵਿਮੋਕ੍ਖਾ ਏਕੋ ਞਾਣਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ – ਅਯਂ ਞਾਣਵਿਮੋਕ੍ਖੋ.
੨੧੬. ਕਤਮੋ ਸੀਤਿਸਿਯਾਵਿਮੋਕ੍ਖੋ? ਸਿਯਾ ਏਕੋ ਸੀਤਿਸਿਯਾਵਿਮੋਕ੍ਖੋ ਦਸ ਸੀਤਿਸਿਯਾਵਿਮੋਕ੍ਖਾ ਹੋਨ੍ਤਿ, ਦਸ ਸੀਤਿਸਿਯਾਵਿਮੋਕ੍ਖਾ ਏਕੋ ਸੀਤਿਸਿਯਾਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ ਸਿਯਾਤਿ. ਕਥਞ੍ਚ ਸਿਯਾ? ਅਨਿਚ੍ਚਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਨਿਚ੍ਚਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਦੁਕ੍ਖਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਸੁਖਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਅਨਤ੍ਤਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਅਤ੍ਤਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਨਿਬ੍ਬਿਦਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਨਨ੍ਦਿਯਾ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਵਿਰਾਗਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਰਾਗਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਨਿਰੋਧਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਸਮੁਦਯਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਆਦਾਨਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਅਨਿਮਿਤ੍ਤਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਨਿਮਿਤ੍ਤਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਅਪ੍ਪਣਿਹਿਤਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਪਣਿਧਿਯਾ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਸੁਞ੍ਞਤਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਅਭਿਨਿਵੇਸਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਏਵਂ ਸਿਯਾ ਏਕੋ ਸੀਤਿਸਿਯਾਵਿਮੋਕ੍ਖੋ ਦਸ ਸੀਤਿਸਿਯਾਵਿਮੋਕ੍ਖਾ ਹੋਨ੍ਤਿ, ਦਸ ਸੀਤਿਸਿਯਾਵਿਮੋਕ੍ਖਾ ਏਕੋ ਸੀਤਿਸਿਯਾਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਰੂਪੇ ਅਨਿਚ੍ਚਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਨਿਚ੍ਚਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ…ਪੇ… ਰੂਪੇ ਸੁਞ੍ਞਤਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਅਭਿਨਿਵੇਸਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਏਵਂ ਸਿਯਾ ਏਕੋ ਸੀਤਿਸਿਯਾਵਿਮੋਕ੍ਖੋ ਦਸ ਸੀਤਿਸਿਯਾਵਿਮੋਕ੍ਖਾ ਹੋਨ੍ਤਿ, ਦਸ ਸੀਤਿਸਿਯਾਵਿਮੋਕ੍ਖਾ ਏਕੋ ਸੀਤਿਸਿਯਾਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਵੇਦਨਾਯ…ਪੇ… ਸਞ੍ਞਾਯ… ਸਙ੍ਖਾਰੇਸੁ… ਵਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਨਿਚ੍ਚਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ…ਪੇ… ਜਰਾਮਰਣੇ ਸੁਞ੍ਞਤਾਨੁਪਸ੍ਸਨਾ ਅਨੁਤ੍ਤਰਂ ਸੀਤਿਭਾਵਂ ਞਾਣਂ ਅਭਿਨਿਵੇਸਤੋ ਸਨ੍ਤਾਪਪਰਿਲ਼ਾਹਦਰਥਾ ਮੁਚ੍ਚਤੀਤਿ – ਸੀਤਿਸਿਯਾਵਿਮੋਕ੍ਖੋ. ਏਵਂ ਸਿਯਾ ਏਕੋ ਸੀਤਿਸਿਯਾਵਿਮੋਕ੍ਖੋ ਦਸ ਸੀਤਿਸਿਯਾਵਿਮੋਕ੍ਖਾ ਹੋਨ੍ਤਿ, ਦਸ ਸੀਤਿਸਿਯਾਵਿਮੋਕ੍ਖਾ ਏਕੋ ਸੀਤਿਸਿਯਾਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ – ਅਯਂ ਸੀਤਿਸਿਯਾਵਿਮੋਕ੍ਖੋ.
੨੧੭. ਕਤਮੋ ਝਾਨਵਿਮੋਕ੍ਖੋ? ਨੇਕ੍ਖਮ੍ਮਂ ਝਾਯਤੀਤਿ [ਜਾਯਤੀਤਿ (ਸ੍ਯਾ.)] ਝਾਨਂ. ਕਾਮਚ੍ਛਨ੍ਦਂ ਝਾਪੇਤੀਤਿ – ਝਾਨਂ. ਝਾਯਨ੍ਤੋ [ਜਾਯਨ੍ਤੋ (ਸ੍ਯਾ.)] ਮੁਚ੍ਚਤੀਤਿ – ਝਾਨਵਿਮੋਕ੍ਖੋ. ਝਾਪੇਨ੍ਤੋ ਮੁਚ੍ਚਤੀਤਿ – ਝਾਨਵਿਮੋਕ੍ਖੋ. ਝਾਯਨ੍ਤੀਤਿ – ਧਮ੍ਮਾ. ਝਾਪੇਤੀਤਿ – ਕਿਲੇਸੇ. ਝਾਤੇ ਚ ਝਾਪੇ ਚ ਜਾਨਾਤੀਤਿ – ਝਾਨਵਿਮੋਕ੍ਖੋ. ਅਬ੍ਯਾਪਾਦੋ ਝਾਯਤੀਤਿ – ਝਾਨਂ. ਬ੍ਯਾਪਾਦਂ ਝਾਪੇਤੀਤਿ – ਝਾਨਂ. ਝਾਯਨ੍ਤੋ ਮੁਚ੍ਚਤੀਤਿ – ਝਾਨਵਿਮੋਕ੍ਖੋ. ਝਾਪੇਨ੍ਤੋ ਮੁਚ੍ਚਤੀਤਿ – ਝਾਨਵਿਮੋਕ੍ਖੋ. ਝਾਯਨ੍ਤੀਤਿ – ਧਮ੍ਮਾ. ਝਾਪੇਤੀਤਿ – ਕਿਲੇਸੇ. ਝਾਤੇ ਚ ਝਾਪੇ ਚ ਜਾਨਾਤੀਤਿ – ਝਾਨਵਿਮੋਕ੍ਖੋ. ਆਲੋਕਸਞ੍ਞਾ ਝਾਯਤੀਤਿ – ਝਾਨਂ. ਥਿਨਮਿਦ੍ਧਂ ਝਾਪੇਤੀਤਿ – ਝਾਨਂ…ਪੇ… ਅਵਿਕ੍ਖੇਪੋ ਝਾਯਤੀਤਿ – ਝਾਨਂ. ਉਦ੍ਧਚ੍ਚਂ ਝਾਪੇਤੀਤਿ – ਝਾਨਂ. ਧਮ੍ਮਵਵਤ੍ਥਾਨਂ ਝਾਯਤੀਤਿ – ਝਾਨਂ. ਵਿਚਿਕਿਚ੍ਛਂ ਝਾਪੇਤੀਤਿ – ਝਾਨਂ. ਞਾਣਂ ਝਾਯਤੀਤਿ – ਝਾਨਂ. ਅਵਿਜ੍ਜਂ ਝਾਪੇਤੀਤਿ – ਝਾਨਂ. ਪਾਮੋਜ੍ਜਂ ਝਾਯਤੀਤਿ – ਝਾਨਂ. ਅਰਤਿਂ ਝਾਪੇਤੀਤਿ – ਝਾਨਂ. ਪਠਮਂ ਝਾਨਂ ਝਾਯਤੀਤਿ – ਝਾਨਂ. ਨੀਵਰਣੇ ਝਾਪੇਤੀਤਿ – ਝਾਨਂ…ਪੇ… ਅਰਹਤ੍ਤਮਗ੍ਗੋ ਝਾਯਤੀਤਿ – ਝਾਨਂ. ਸਬ੍ਬਕਿਲੇਸੇ ਝਾਪੇਤੀਤਿ – ਝਾਨਂ. ਝਾਯਨ੍ਤੋ ਮੁਚ੍ਚਤੀਤਿ – ਝਾਨਵਿਮੋਕ੍ਖੋ. ਝਾਪੇਨ੍ਤੋ ਮੁਚ੍ਚਤੀਤਿ – ਝਾਨਵਿਮੋਕ੍ਖੋ. ਝਾਯਨ੍ਤੀਤਿ – ਧਮ੍ਮਾ. ਝਾਪੇਤੀਤਿ – ਕਿਲੇਸੇ. ਝਾਤੇ ਚ ਝਾਪੇ ਚ ਜਾਨਾਤੀਤਿ – ਝਾਨਵਿਮੋਕ੍ਖੋ – ਅਯਂ ਝਾਨਵਿਮੋਕ੍ਖੋ.
੨੧੮. ਕਤਮੋ ਅਨੁਪਾਦਾ ਚਿਤ੍ਤਸ੍ਸ ਵਿਮੋਕ੍ਖੋ? ਸਿਯਾ ਏਕੋ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ ਦਸ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖਾ ਹੋਨ੍ਤਿ, ਦਸ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖਾ ਏਕੋ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ ਸਿਯਾਤਿ. ਕਥਞ੍ਚ ਸਿਯਾ? ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਦੁਕ੍ਖਾਨੁਪਸ੍ਸਨਾਞਾਣਂ ਸੁਖਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਅਨਤ੍ਤਾਨੁਪਸ੍ਸਨਾਞਾਣਂ ਅਤ੍ਤਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਨਿਬ੍ਬਿਦਾਨੁਪਸ੍ਸਨਾਞਾਣਂ ਨਨ੍ਦਿਯਾ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਵਿਰਾਗਾਨੁਪਸ੍ਸਨਾਞਾਣਂ ਰਾਗਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਨਿਰੋਧਾਨੁਪਸ੍ਸਨਾਞਾਣਂ ਸਮੁਦਯਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ ਆਦਾਨਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਨਿਮਿਤ੍ਤਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਪਣਿਧਿਯਾ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਏਵਂ ਸਿਯਾ ਏਕੋ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ ਦਸ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖਾ ਹੋਨ੍ਤਿ, ਦਸ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖਾ ਏਕੋ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਰੂਪੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ…ਪੇ… ਰੂਪੇ ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਏਵਂ ਸਿਯਾ ਏਕੋ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ ਦਸ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖਾ ਹੋਨ੍ਤਿ, ਦਸ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖਾ ਏਕੋ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਵੇਦਨਾਯ…ਪੇ… ਸਞ੍ਞਾਯ… ਸਙ੍ਖਾਰੇਸੁ… ਵਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ…ਪੇ… ਜਰਾਮਰਣੇ ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਉਪਾਦਾਨਾ ਮੁਚ੍ਚਤੀਤਿ – ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ. ਏਵਂ ਸਿਯਾ ਏਕੋ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ ਦਸ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖਾ ਹੋਨ੍ਤਿ, ਦਸ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖਾ ਏਕੋ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ ਹੋਤਿ ਵਤ੍ਥੁਵਸੇਨ ਪਰਿਯਾਯੇਨ.
ਅਨਿਚ੍ਚਾਨੁਪਸ੍ਸਨਾਞਾਣਂ ਕਤਿਹੁਪਾਦਾਨੇਹਿ ਮੁਚ੍ਚਤਿ? ਦੁਕ੍ਖਾਨੁਪਸ੍ਸਨਾਞਾਣਂ ਕਤਿਹੁਪਾਦਾਨੇਹਿ ਮੁਚ੍ਚਤਿ? ਅਨਤ੍ਤਾਨੁਪਸ੍ਸਨਾਞਾਣਂ ਕਤਿਹੁਪਾਦਾਨੇਹਿ ਮੁਚ੍ਚਤਿ? ਨਿਬ੍ਬਿਦਾਨੁਪਸ੍ਸਨਾਞਾਣਂ…ਪੇ… ਵਿਰਾਗਾਨੁਪਸ੍ਸਨਾਞਾਣਂ… ਨਿਰੋਧਾਨੁਪਸ੍ਸਨਾਞਾਣਂ… ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ… ਅਨਿਮਿਤ੍ਤਾਨੁਪਸ੍ਸਨਾਞਾਣਂ… ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ… ਸੁਞ੍ਞਤਾਨੁਪਸ੍ਸਨਾਞਾਣਂ ਕਤਿਹੁਪਾਦਾਨੇਹਿ ਮੁਚ੍ਚਤੀਤਿ?
ਅਨਿਚ੍ਚਾਨੁਪਸ੍ਸਨਾਞਾਣਂ ਤੀਹੁਪਾਦਾਨੇਹਿ ਮੁਚ੍ਚਤਿ. ਦੁਕ੍ਖਾਨੁਪਸ੍ਸਨਾਞਾਣਂ ਏਕੁਪਾਦਾਨਾ ਮੁਚ੍ਚਤਿ. ਅਨਤ੍ਤਾਨੁਪਸ੍ਸਨਾਞਾਣਂ ਤੀਹੁਪਾਦਾਨੇਹਿ ਮੁਚ੍ਚਤਿ. ਨਿਬ੍ਬਿਦਾਨੁਪਸ੍ਸਨਾਞਾਣਂ ਏਕੁਪਾਦਾਨਾ ਮੁਚ੍ਚਤਿ. ਵਿਰਾਗਾਨੁਪਸ੍ਸਨਾਞਾਣਂ ਏਕੁਪਾਦਾਨਾ ਮੁਚ੍ਚਤਿ. ਨਿਰੋਧਾਨੁਪਸ੍ਸਨਾਞਾਣਂ ਚਤੂਹੁਪਾਦਾਨੇਹਿ ਮੁਚ੍ਚਤਿ. ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ ਚਤੂਹੁਪਾਦਾਨੇਹਿ ਮੁਚ੍ਚਤਿ. ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਤੀਹੁਪਾਦਾਨੇਹਿ ਮੁਚ੍ਚਤਿ. ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਏਕੁਪਾਦਾਨਾ ਮੁਚ੍ਚਤਿ. ਸੁਞ੍ਞਤਾਨੁਪਸ੍ਸਨਾਞਾਣਂ ਤੀਹੁਪਾਦਾਨੇਹਿ ਮੁਚ੍ਚਤਿ.
ਅਨਿਚ੍ਚਾਨੁਪਸ੍ਸਨਾਞਾਣਂ ਕਤਮੇਹਿ ਤੀਹੁਪਾਦਾਨੇਹਿ ਮੁਚ੍ਚਤਿ? ਦਿਟ੍ਠੁਪਾਦਾਨਾ, ਸੀਲਬ੍ਬਤੁਪਾਦਾਨਾ, ਅਤ੍ਤਵਾਦੁਪਾਦਾਨਾ – ਅਨਿਚ੍ਚਾਨੁਪਸ੍ਸਨਾਞਾਣਂ ਇਮੇਹਿ ਤੀਹੁਪਾਦਾਨੇਹਿ ਮੁਚ੍ਚਤਿ. ਦੁਕ੍ਖਾਨੁਪਸ੍ਸਨਾਞਾਣਂ ਕਤਮਾ ਏਕੁਪਾਦਾਨਾ [ਏਕੂਪਾਦਾਨਾ (ਸੀ. ਅਟ੍ਠ.)] ਮੁਚ੍ਚਤਿ? ਕਾਮੁਪਾਦਾਨਾ – ਦੁਕ੍ਖਾਨੁਪਸ੍ਸਨਾਞਾਣਂ ਇਦਂ ਏਕੁਪਾਦਾਨਾ ਮੁਚ੍ਚਤਿ. [ਇਮਾ ਏਕੁਪਾਦਾਨਾ (ਸ੍ਯਾ.)] ਅਨਤ੍ਤਾਨੁਪਸ੍ਸਨਾਞਾਣਂ ਕਤਮੇਹਿ ਤੀਹੁਪਾਦਾਨੇਹਿ ਮੁਚ੍ਚਤਿ? ਦਿਟ੍ਠੁਪਾਦਾਨਾ, ਸੀਲਬ੍ਬਤੁਪਾਦਾਨਾ, ਅਤ੍ਤਵਾਦੁਪਾਦਾਨਾ – ਅਨਤ੍ਤਾਨੁਪਸ੍ਸਨਾਞਾਣਂ ਇਮੇਹਿ ਤੀਹੁਪਾਦਾਨੇਹਿ ਮੁਚ੍ਚਤਿ. ਨਿਬ੍ਬਿਦਾਨੁਪਸ੍ਸਨਾਞਾਣਂ ਕਤਮਾ ਏਕੁਪਾਦਾਨਾ ਮੁਚ੍ਚਤਿ? ਕਾਮੁਪਾਦਾਨਾ – ਨਿਬ੍ਬਿਦਾਨੁਪਸ੍ਸਨਾਞਾਣਂ ਇਦਂ ਏਕੁਪਾਦਾਨਾ ਮੁਚ੍ਚਤਿ. ਵਿਰਾਗਾਨੁਪਸ੍ਸਨਾਞਾਣਂ ਕਤਮਾ ਏਕੁਪਾਦਾਨਾ ਮੁਚ੍ਚਤਿ? ਕਾਮੁਪਾਦਾਨਾ – ਵਿਰਾਗਾਨੁਪਸ੍ਸਨਾਞਾਣਂ ਇਦਂ ਏਕੁਪਾਦਾਨਾ ਮੁਚ੍ਚਤਿ. ਨਿਰੋਧਾਨੁਪਸ੍ਸਨਾਞਾਣਂ ਕਤਮੇਹਿ ਚਤੂਹੁਪਾਦਾਨੇਹਿ ਮੁਚ੍ਚਤਿ? ਕਾਮੁਪਾਦਾਨਾ, ਦਿਟ੍ਠੁਪਾਦਾਨਾ, ਸੀਲਬ੍ਬਤੁਪਾਦਾਨਾ, ਅਤ੍ਤਵਾਦੁਪਾਦਾਨਾ – ਨਿਰੋਧਾਨੁਪਸ੍ਸਨਾਞਾਣਂ ਇਮੇਹਿ ਚਤੂਹੁਪਾਦਾਨੇਹਿ ਮੁਚ੍ਚਤਿ. ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ ਕਤਮੇਹਿ ਚਤੂਹੁਪਾਦਾਨੇਹਿ ਮੁਚ੍ਚਤਿ? ਕਾਮੁਪਾਦਾਨਾ, ਦਿਟ੍ਠੁਪਾਦਾਨਾ, ਸੀਲਬ੍ਬਤੁਪਾਦਾਨਾ, ਅਤ੍ਤਵਾਦੁਪਾਦਾਨਾ – ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ ਇਮੇਹਿ ਚਤੂਹੁਪਾਦਾਨੇਹਿ ਮੁਚ੍ਚਤਿ. ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਕਤਮੇਹਿ ਤੀਹੁਪਾਦਾਨੇਹਿ ਮੁਚ੍ਚਤਿ? ਦਿਟ੍ਠੁਪਾਦਾਨਾ, ਸੀਲਬ੍ਬਤੁਪਾਦਾਨਾ, ਅਤ੍ਤਵਾਦੁਪਾਦਾਨਾ – ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਇਮੇਹਿ ਤੀਹੁਪਾਦਾਨੇਹਿ ਮੁਚ੍ਚਤਿ. ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਕਤਮਾ ਏਕੁਪਾਦਾਨਾ ਮੁਚ੍ਚਤਿ? ਕਾਮੁਪਾਦਾਨਾ – ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਇਦਂ ਏਕੁਪਾਦਾਨਾ ਮੁਚ੍ਚਤਿ. ਸੁਞ੍ਞਤਾਨੁਪਸ੍ਸਨਾਞਾਣਂ ਕਤਮੇਹਿ ਤੀਹੁਪਾਦਾਨੇਹਿ ਮੁਚ੍ਚਤਿ? ਦਿਟ੍ਠੁਪਾਦਾਨਾ, ਸੀਲਬ੍ਬਤੁਪਾਦਾਨਾ, ਅਤ੍ਤਵਾਦੁਪਾਦਾਨਾ – ਸੁਞ੍ਞਤਾਨੁਪਸ੍ਸਨਾਞਾਣਂ ਇਮੇਹਿ ਤੀਹੁਪਾਦਾਨੇਹਿ ਮੁਚ੍ਚਤਿ.
ਯਞ੍ਚ ਅਨਿਚ੍ਚਾਨੁਪਸ੍ਸਨਾਞਾਣਂ, ਯਞ੍ਚ ਅਨਤ੍ਤਾਨੁਪਸ੍ਸਨਾਞਾਣਂ, ਯਞ੍ਚ ਅਨਿਮਿਤ੍ਤਾਨੁਪਸ੍ਸਨਾਞਾਣਂ, ਯਞ੍ਚ ਸੁਞ੍ਞਤਾਨੁਪਸ੍ਸਨਾਞਾਣਂ – ਇਮਾਨਿ ਚਤ੍ਤਾਰਿ ਞਾਣਾਨਿ ਤੀਹੁਪਾਦਾਨੇਹਿ ਮੁਚ੍ਚਨ੍ਤਿ – ਦਿਟ੍ਠੁਪਾਦਾਨਾ, ਸੀਲਬ੍ਬਤੁਪਾਦਾਨਾ, ਅਤ੍ਤਵਾਦੁਪਾਦਾਨਾ. ਯਞ੍ਚ ਦੁਕ੍ਖਾਨੁਪਸ੍ਸਨਾਞਾਣਂ, ਯਂ ਚ ਨਿਬ੍ਬਿਦਾਨੁਪਸ੍ਸਨਾਞਾਣਂ, ਯਞ੍ਚ ਵਿਰਾਗਾਨੁਪਸ੍ਸਨਾਞਾਣਂ, ਯਞ੍ਚ ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ – ਇਮਾਨਿ ਚਤ੍ਤਾਰਿ ਞਾਣਾਨਿ ਏਕੁਪਾਦਾਨਾ ਮੁਚ੍ਚਨ੍ਤਿ – ਕਾਮੁਪਾਦਾਨਾ. ਯਞ੍ਚ ਨਿਰੋਧਾਨੁਪਸ੍ਸਨਾਞਾਣਂ, ਯਞ੍ਚ ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ – ਇਮਾਨਿ ਦ੍ਵੇ ਞਾਣਾਨਿ ਚਤੂਹੁਪਾਦਾਨੇਹਿ ਮੁਚ੍ਚਨ੍ਤਿ – ਕਾਮੁਪਾਦਾਨਾ, ਦਿਟ੍ਠੁਪਾਦਾਨਾ, ਸੀਲਬ੍ਬਤੁਪਾਦਾਨਾ, ਅਤ੍ਤਵਾਦੁਪਾਦਾਨਾ – ਅਯਂ ਅਨੁਪਾਦਾਚਿਤ੍ਤਸ੍ਸ ਵਿਮੋਕ੍ਖੋ.
ਵਿਮੋਕ੍ਖਕਥਾਯ ਪਠਮਭਾਣਵਾਰੋ.
੨੧੯. ਤੀਣਿ ਖੋ ਪਨਿਮਾਨਿ ਵਿਮੋਕ੍ਖਮੁਖਾਨਿ ਲੋਕਨਿਯ੍ਯਾਨਾਯ ਸਂਵਤ੍ਤਨ੍ਤਿ. ਸਬ੍ਬਸਙ੍ਖਾਰੇ ਪਰਿਚ੍ਛੇਦਪਰਿਵਟੁਮਤੋ [ਪਰਿਚ੍ਛੇਦਪਰਿਵਟ੍ਟੁਮਤੋ (ਸ੍ਯਾ.)] ਸਮਨੁਪਸ੍ਸਨਤਾਯ ਅਨਿਮਿਤ੍ਤਾਯ ਚ ਧਾਤੁਯਾ ਚਿਤ੍ਤਸਮ੍ਪਕ੍ਖਨ੍ਦਨਤਾਯ, ਸਬ੍ਬਸਙ੍ਖਾਰੇਸੁ ਮਨੋਸਮੁਤ੍ਤੇਜਨਤਾਯ ਅਪ੍ਪਣਿਹਿਤਾਯ ਚ ਧਾਤੁਯਾ ਚਿਤ੍ਤਸਮ੍ਪਕ੍ਖਨ੍ਦਨਤਾਯ, ਸਬ੍ਬਧਮ੍ਮੇ ਪਰਤੋ ਸਮਨੁਪਸ੍ਸਨਤਾਯ ਸੁਞ੍ਞਤਾਯ ਚ ਧਾਤੁਯਾ ਚਿਤ੍ਤਸਮ੍ਪਕ੍ਖਨ੍ਦਨਤਾਯ – ਇਮਾਨਿ ਤੀਣਿ ਵਿਮੋਕ੍ਖਮੁਖਾਨਿ ਲੋਕਨਿਯ੍ਯਾਨਾਯ ਸਂਵਤ੍ਤਨ੍ਤਿ.
ਅਨਿਚ੍ਚਤੋ ਮਨਸਿਕਰੋਤੋ ਕਥਂ ਸਙ੍ਖਾਰਾ ਉਪਟ੍ਠਨ੍ਤਿ? ਦੁਕ੍ਖਤੋ ਮਨਸਿਕਰੋਤੋ ਕਥਂ ਸਙ੍ਖਾਰਾ ਉਪਟ੍ਠਨ੍ਤਿ? ਅਨਤ੍ਤਤੋ ਮਨਸਿਕਰੋਤੋ ਕਥਂ ਸਙ੍ਖਾਰਾ ਉਪਟ੍ਠਨ੍ਤਿ? ਅਨਿਚ੍ਚਤੋ ਮਨਸਿਕਰੋਤੋ ਖਯਤੋ ਸਙ੍ਖਾਰਾ ਉਪਟ੍ਠਨ੍ਤਿ, ਦੁਕ੍ਖਤੋ ਮਨਸਿਕਰੋਤੋ ਭਯਤੋ ਸਙ੍ਖਾਰਾ ਉਪਟ੍ਠਨ੍ਤਿ, ਅਨਤ੍ਤਤੋ ਮਨਸਿਕਰੋਤੋ ਸੁਞ੍ਞਤੋ ਸਙ੍ਖਾਰਾ ਉਪਟ੍ਠਨ੍ਤਿ.
ਅਨਿਚ੍ਚਤੋ ਮਨਸਿਕਰੋਤੋ ਕਿਂ ਬਹੁਲਂ ਚਿਤ੍ਤਂ ਹੋਤਿ? ਦੁਕ੍ਖਤੋ ਮਨਸਿਕਰੋਤੋ ਕਿਂ ਬਹੁਲਂ ਚਿਤ੍ਤਂ ਹੋਤਿ? ਅਨਤ੍ਤਤੋ ਮਨਸਿਕਰੋਤੋ ਕਿਂ ਬਹੁਲਂ ਚਿਤ੍ਤਂ ਹੋਤਿ? ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਂ ਚਿਤ੍ਤਂ ਹੋਤਿ. ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਂ ਚਿਤ੍ਤਂ ਹੋਤਿ. ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਂ ਚਿਤ੍ਤਂ ਹੋਤਿ.
ਅਨਿਚ੍ਚਤੋ ਮਨਸਿਕਰੋਨ੍ਤੋ ਅਧਿਮੋਕ੍ਖਬਹੁਲੋ ਕਤਮਿਨ੍ਦ੍ਰਿਯਂ ਪਟਿਲਭਤਿ? ਦੁਕ੍ਖਤੋ ਮਨਸਿਕਰੋਨ੍ਤੋ ਪਸ੍ਸਦ੍ਧਿਬਹੁਲੋ ਕਤਮਿਨ੍ਦ੍ਰਿਯਂ ਪਟਿਲਭਤਿ? ਅਨਤ੍ਤਤੋ ਮਨਸਿਕਰੋਨ੍ਤੋ ਵੇਦਬਹੁਲੋ ਕਤਮਿਨ੍ਦ੍ਰਿਯਂ ਪਟਿਲਭਤਿ? ਅਨਿਚ੍ਚਤੋ ਮਨਸਿਕਰੋਨ੍ਤੋ ਅਧਿਮੋਕ੍ਖਬਹੁਲੋ ਸਦ੍ਧਿਨ੍ਦ੍ਰਿਯਂ ਪਟਿਲਭਤਿ. ਦੁਕ੍ਖਤੋ ਮਨਸਿਕਰੋਨ੍ਤੋ ਪਸ੍ਸਦ੍ਧਿਬਹੁਲੋ ਸਮਾਧਿਨ੍ਦ੍ਰਿਯਂ ਪਟਿਲਭਤਿ. ਅਨਤ੍ਤਤੋ ਮਨਸਿਕਰੋਨ੍ਤੋ ਵੇਦਬਹੁਲੋ ਪਞ੍ਞਿਨ੍ਦ੍ਰਿਯਂ ਪਟਿਲਭਤਿ.
ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਸ੍ਸ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ, ਭਾਵਨਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ [ਤਦਨ੍ਵਯਾਨਿ (ਸ੍ਯਾ.)] ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੋ ਭਾਵੇਤਿ? ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਸ੍ਸ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ, ਭਾਵਨਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੋ ਭਾਵੇਤਿ? ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਸ੍ਸ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ, ਭਾਵਨਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੋ ਭਾਵੇਤਿ? ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਸ੍ਸ ਸਦ੍ਧਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਭਾਵਨਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਯੋ ਸਮ੍ਮਾਪਟਿਪਨ੍ਨੋ ਸੋ ਭਾਵੇਤਿ; ਨਤ੍ਥਿ ਮਿਚ੍ਛਾਪਟਿਪਨ੍ਨਸ੍ਸ ਇਨ੍ਦ੍ਰਿਯਭਾਵਨਾ. ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਸ੍ਸ ਸਮਾਧਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਭਾਵਨਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਯੋ ਸਮ੍ਮਾਪਟਿਪਨ੍ਨੋ ਸੋ ਭਾਵੇਤਿ; ਨਤ੍ਥਿ ਮਿਚ੍ਛਾਪਟਿਪਨ੍ਨਸ੍ਸ ਇਨ੍ਦ੍ਰਿਯਭਾਵਨਾ. ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਸ੍ਸ ਪਞ੍ਞਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਭਾਵਨਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਯੋ ਸਮ੍ਮਾਪਟਿਪਨ੍ਨੋ ਸੋ ਭਾਵੇਤਿ; ਨਤ੍ਥਿ ਮਿਚ੍ਛਾਪਟਿਪਨ੍ਨਸ੍ਸ ਇਨ੍ਦ੍ਰਿਯਭਾਵਨਾ.
੨੨੦. ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਸ੍ਸ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ? ਭਾਵਨਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ? ਪਟਿਵੇਧਕਾਲੇ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ? ਪਟਿਵੇਧਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ? ਕੇਨਟ੍ਠੇਨ ਭਾਵਨਾ? ਕੇਨਟ੍ਠੇਨ ਪਟਿਵੇਧੋ? ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਸ੍ਸ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ? ਭਾਵਨਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ? ਪਟਿਵੇਧਕਾਲੇ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ? ਪਟਿਵੇਧਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ? ਕੇਨਟ੍ਠੇਨ ਭਾਵਨਾ? ਕੇਨਟ੍ਠੇਨ ਪਟਿਵੇਧੋ? ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਸ੍ਸ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ? ਭਾਵਨਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ? ਪਟਿਵੇਧਕਾਲੇ ਕਤਮਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ? ਪਟਿਵੇਧਾਯ ਕਤਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ? ਕੇਨਟ੍ਠੇਨ ਭਾਵਨਾ? ਕੇਨਟ੍ਠੇਨ ਪਟਿਵੇਧੋ?
ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਸ੍ਸ ਸਦ੍ਧਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਭਾਵਨਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਪਟਿਵੇਧਕਾਲੇ ਪਞ੍ਞਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਪਟਿਵੇਧਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਦਸ੍ਸਨਟ੍ਠੇਨ ਪਟਿਵੇਧੋ. ਏਵਂ ਪਟਿਵਿਜ੍ਝਨ੍ਤੋਪਿ ਭਾਵੇਤਿ, ਭਾਵੇਨ੍ਤੋਪਿ ਪਟਿਵਿਜ੍ਝਤਿ. ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਸ੍ਸ ਸਮਾਧਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਭਾਵਨਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਪਟਿਵੇਧਕਾਲੇ ਪਞ੍ਞਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਪਟਿਵੇਧਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਦਸ੍ਸਨਟ੍ਠੇਨ ਪਟਿਵੇਧੋ. ਏਵਂ ਪਟਿਵਿਜ੍ਝਨ੍ਤੋਪਿ ਭਾਵੇਤਿ, ਭਾਵੇਨ੍ਤੋਪਿ ਪਟਿਵਿਜ੍ਝਤਿ. ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਸ੍ਸ ਪਞ੍ਞਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਭਾਵਨਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਪਟਿਵੇਧਕਾਲੇਪਿ ਪਞ੍ਞਿਨ੍ਦ੍ਰਿਯਂ ਆਧਿਪਤੇਯ੍ਯਂ ਹੋਤਿ. ਪਟਿਵੇਧਾਯ ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਦਸ੍ਸਨਟ੍ਠੇਨ ਪਟਿਵੇਧੋ. ਏਵਂ ਪਟਿਵਿਜ੍ਝਨ੍ਤੋਪਿ ਭਾਵੇਤਿ, ਭਾਵੇਨ੍ਤੋਪਿ ਪਟਿਵਿਜ੍ਝਤਿ.
੨੨੧. ਅਨਿਚ੍ਚਤੋ ਮਨਸਿਕਰੋਤੋ ਕਤਮਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ? ਕਤਮਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸਦ੍ਧਾਵਿਮੁਤ੍ਤੋ [ਸਦ੍ਧਾਧਿਮੁਤ੍ਤੋ (ਸ੍ਯਾ.)] ਹੋਤਿ? ਦੁਕ੍ਖਤੋ ਮਨਸਿਕਰੋਤੋ ਕਤਮਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ? ਕਤਮਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਕਾਯਸਕ੍ਖੀ [ਕਾਯਸਕ੍ਖਿ (ਸ੍ਯਾ. ਕ.) ਅਭਿ. ਪੁ. ਪ. ੯੫ ਪਸ੍ਸਿਤਬ੍ਬਾ] ਹੋਤਿ? ਅਨਤ੍ਤਤੋ ਮਨਸਿਕਰੋਤੋ ਕਤਮਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ? ਕਤਮਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਦਿਟ੍ਠਿਪ੍ਪਤ੍ਤੋ ਹੋਤਿ?
ਅਨਿਚ੍ਚਤੋ ਮਨਸਿਕਰੋਤੋ ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਦ੍ਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸਦ੍ਧਾਵਿਮੁਤ੍ਤੋ ਹੋਤਿ. ਦੁਕ੍ਖਤੋ ਮਨਸਿਕਰੋਤੋ ਸਮਾਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਮਾਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਕਾਯਸਕ੍ਖੀ ਹੋਤਿ. ਅਨਤ੍ਤਤੋ ਮਨਸਿਕਰੋਤੋ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਪਞ੍ਞਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਦਿਟ੍ਠਿਪ੍ਪਤ੍ਤੋ ਹੋਤਿ.
ਸਦ੍ਦਹਨ੍ਤੋ ਵਿਮੁਤ੍ਤੋਤਿ – ਸਦ੍ਧਾਵਿਮੁਤ੍ਤੋ. ਫੁਟ੍ਠਤ੍ਤਾ ਸਚ੍ਛਿਕਤੋਤਿ [ਸਚ੍ਛਿਕਰੋਤੀਤਿ (ਸ੍ਯਾ. ਪੀ.)] – ਕਾਯਸਕ੍ਖੀ. ਦਿਟ੍ਠਤ੍ਤਾ ਪਤ੍ਤੋਤਿ – ਦਿਟ੍ਠਿਪ੍ਪਤ੍ਤੋ. ਸਦ੍ਦਹਨ੍ਤੋ ਵਿਮੁਚ੍ਚਤੀਤਿ – ਸਦ੍ਧਾਵਿਮੁਤ੍ਤੋ. ਝਾਨਫਸ੍ਸਂ ਪਠਮਂ ਫੁਸਤਿ, ਪਚ੍ਛਾ ਨਿਰੋਧਂ ਨਿਬ੍ਬਾਨਂ ਸਚ੍ਛਿਕਰੋਤੀਤਿ – ਕਾਯਸਕ੍ਖੀ. ‘‘ਦੁਕ੍ਖਾ ਸਙ੍ਖਾਰਾ, ਸੁਖੋ ਨਿਰੋਧੋ’’ਤਿ ਞਾਤਂ ਹੋਤਿ ਦਿਟ੍ਠਂ ਵਿਦਿਤਂ ਸਚ੍ਛਿਕਤਂ ਫਸ੍ਸਿਤਂ ਪਞ੍ਞਾਯਾਤਿ – ਦਿਟ੍ਠਿਪ੍ਪਤ੍ਤੋ. ਯੋ ਚਾਯਂ ਪੁਗ੍ਗਲੋ ਸਦ੍ਧਾਵਿਮੁਤ੍ਤੋ, ਯੋ ਚ ਕਾਯਸਕ੍ਖੀ, ਯੋ ਚ ਦਿਟ੍ਠਿਪ੍ਪਤ੍ਤੋ, ਸਿਯਾ ਇਮੇ ਤਯੋ ਪੁਗ੍ਗਲਾ ਸਦ੍ਧਾਵਿਮੁਤ੍ਤਾਪਿ ਕਾਯਸਕ੍ਖੀਪਿ ਦਿਟ੍ਠਿਪ੍ਪਤ੍ਤਾਪਿ ਵਤ੍ਥੁਵਸੇਨ ਪਰਿਯਾਯੇਨ ਸਿਯਾਤਿ. ਕਥਞ੍ਚ ਸਿਯਾ? ਅਨਿਚ੍ਚਤੋ ਮਨਸਿਕਰੋਤੋ ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਦ੍ਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸਦ੍ਧਾਵਿਮੁਤ੍ਤੋ ਹੋਤਿ. ਦੁਕ੍ਖਤੋ ਮਨਸਿਕਰੋਤੋ ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਦ੍ਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸਦ੍ਧਾਵਿਮੁਤ੍ਤੋ ਹੋਤਿ. ਅਨਤ੍ਤਤੋ ਮਨਸਿਕਰੋਤੋ ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਦ੍ਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸਦ੍ਧਾਵਿਮੁਤ੍ਤੋ ਹੋਤਿ. ਏਵਂ ਇਮੇ ਤਯੋ ਪੁਗ੍ਗਲਾ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ.
ਦੁਕ੍ਖਤੋ ਮਨਸਿਕਰੋਤੋ ਸਮਾਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਮਾਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਕਾਯਸਕ੍ਖੀ ਹੋਤਿ. ਅਨਤ੍ਤਤੋ ਮਨਸਿਕਰੋਤੋ ਸਮਾਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਮਾਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਕਾਯਸਕ੍ਖੀ ਹੋਤਿ. ਅਨਿਚ੍ਚਤੋ ਮਨਸਿਕਰੋਤੋ ਸਮਾਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਮਾਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਕਾਯਸਕ੍ਖੀ ਹੋਤਿ. ਏਵਂ ਇਮੇ ਤਯੋ ਪੁਗ੍ਗਲਾ ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ.
ਅਨਤ੍ਤਤੋ ਮਨਸਿਕਰੋਤੋ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਪਞ੍ਞਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਦਿਟ੍ਠਿਪ੍ਪਤ੍ਤੋ ਹੋਤਿ. ਅਨਿਚ੍ਚਤੋ ਮਨਸਿਕਰੋਤੋ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਪਞ੍ਞਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਦਿਟ੍ਠਿਪ੍ਪਤ੍ਤੋ ਹੋਤਿ. ਦੁਕ੍ਖਤੋ ਮਨਸਿਕਰੋਤੋ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਪਞ੍ਞਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਦਿਟ੍ਠਿਪ੍ਪਤ੍ਤੋ ਹੋਤਿ. ਏਵਂ ਇਮੇ ਤਯੋ ਪੁਗ੍ਗਲਾ ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਯੋ ਚਾਯਂ ਪੁਗ੍ਗਲੋ ਸਦ੍ਧਾਵਿਮੁਤ੍ਤੋ, ਯੋ ਚ ਕਾਯਸਕ੍ਖੀ, ਯੋ ਚ ਦਿਟ੍ਠਿਪ੍ਪਤ੍ਤੋ, ਏਵਂ ਸਿਯਾ ਇਮੇ ਤਯੋ ਪੁਗ੍ਗਲਾ ਸਦ੍ਧਾਵਿਮੁਤ੍ਤਾਪਿ ਕਾਯਸਕ੍ਖੀਪਿ ਦਿਟ੍ਠਿਪ੍ਪਤ੍ਤਾਪਿ ਵਤ੍ਥੁਵਸੇਨ ਪਰਿਯਾਯੇਨ. ਯੋ ਚਾਯਂ ਪੁਗ੍ਗਲੋ ਸਦ੍ਧਾਵਿਮੁਤ੍ਤੋ, ਯੋ ਚ ਕਾਯਸਕ੍ਖੀ, ਯੋ ਚ ਦਿਟ੍ਠਿਪ੍ਪਤ੍ਤੋ, ਸਿਯਾ ਇਮੇ ਤਯੋ ਪੁਗ੍ਗਲਾ…ਪੇ… ਅਞ੍ਞੋਯੇਵ ਸਦ੍ਧਾਵਿਮੁਤ੍ਤੋ, ਅਞ੍ਞੋ ਕਾਯਸਕ੍ਖੀ, ਅਞ੍ਞੋ ਦਿਟ੍ਠਿਪ੍ਪਤ੍ਤੋ ਸਿਯਾਤਿ. ਕਥਞ੍ਚ ਸਿਯਾ? ਅਨਿਚ੍ਚਤੋ ਮਨਸਿਕਰੋਤੋ ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਦ੍ਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸਦ੍ਧਾਵਿਮੁਤ੍ਤੋ ਹੋਤਿ. ਦੁਕ੍ਖਤੋ ਮਨਸਿਕਰੋਤੋ ਸਮਾਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਸਮਾਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਕਾਯਸਕ੍ਖੀ ਹੋਤਿ. ਅਨਤ੍ਤਤੋ ਮਨਸਿਕਰੋਤੋ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ. ਪਞ੍ਞਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਦਿਟ੍ਠਿਪ੍ਪਤ੍ਤੋ ਹੋਤਿ. ਯੋ ਚਾਯਂ ਪੁਗ੍ਗਲੋ ਸਦ੍ਧਾਵਿਮੁਤ੍ਤੋ, ਯੋ ਚ ਕਾਯਸਕ੍ਖੀ, ਯੋ ਚ ਦਿਟ੍ਠਿਪ੍ਪਤ੍ਤੋ, ਏਵਂ ਸਿਯਾ ਇਮੇ ਤਯੋ ਪੁਗ੍ਗਲਾ ਸਦ੍ਧਾਵਿਮੁਤ੍ਤਾਪਿ ਕਾਯਸਕ੍ਖੀਪਿ ਦਿਟ੍ਠਿਪ੍ਪਤ੍ਤਾਪਿ ਵਤ੍ਥੁਵਸੇਨ ਪਰਿਯਾਯੇਨ. ਅਞ੍ਞੋਯੇਵ ਸਦ੍ਧਾਵਿਮੁਤ੍ਤੋ, ਅਞ੍ਞੋ ਕਾਯਸਕ੍ਖੀ, ਅਞ੍ਞੋ ਦਿਟ੍ਠਿਪ੍ਪਤ੍ਤੋ.
ਅਨਿਚ੍ਚਤੋ ਮਨਸਿਕਰੋਤੋ ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ, ਸਦ੍ਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸੋਤਾਪਤ੍ਤਿਮਗ੍ਗਂ ਪਟਿਲਭਤਿ; ਤੇਨ ਵੁਚ੍ਚਤਿ – ‘‘ਸਦ੍ਧਾਨੁਸਾਰੀ’’. ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਚਤੁਨ੍ਨਂ ਇਨ੍ਦ੍ਰਿਯਾਨਂ ਭਾਵਨਾ ਹੋਤਿ. ਯੇ ਹਿ ਕੇਚਿ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸੋਤਾਪਤ੍ਤਿਮਗ੍ਗਂ ਪਟਿਲਭਨ੍ਤਿ, ਸਬ੍ਬੇ ਤੇ ਸਦ੍ਧਾਨੁਸਾਰਿਨੋ.
ਅਨਿਚ੍ਚਤੋ ਮਨਸਿਕਰੋਤੋ ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ, ਸਦ੍ਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸੋਤਾਪਤ੍ਤਿਫਲਂ ਸਚ੍ਛਿਕਤਂ ਹੋਤਿ; ਤੇਨ ਵੁਚ੍ਚਤਿ – ‘‘ਸਦ੍ਧਾਵਿਮੁਤ੍ਤੋ’’. ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਚਤ੍ਤਾਰਿਨ੍ਦ੍ਰਿਯਾਨਿ ਭਾਵਿਤਾਨਿ ਹੋਨ੍ਤਿ ਸੁਭਾਵਿਤਾਨਿ. ਯੇਹਿ ਕੇਚਿ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸੋਤਾਪਤ੍ਤਿਫਲਂ ਸਚ੍ਛਿਕਤਾ, ਸਬ੍ਬੇ ਤੇ ਸਦ੍ਧਾਵਿਮੁਤ੍ਤਾ.
ਅਨਿਚ੍ਚਤੋ ਮਨਸਿਕਰੋਤੋ ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ, ਸਦ੍ਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸਕਦਾਗਾਮਿਮਗ੍ਗਂ ਪਟਿਲਭਤਿ…ਪੇ… ਸਕਦਾਗਾਮਿਫਲਂ ਸਚ੍ਛਿਕਤਂ ਹੋਤਿ…ਪੇ… ਅਨਾਗਾਮਿਮਗ੍ਗਂ ਪਟਿਲਭਤਿ… ਅਨਾਗਾਮਿਫਲਂ ਸਚ੍ਛਿਕਤਂ ਹੋਤਿ…ਪੇ… ਅਰਹਤ੍ਤਮਗ੍ਗਂ ਪਟਿਲਭਤਿ… ਅਰਹਤ੍ਤਂ [ਅਰਹਤ੍ਤਫਲਂ (ਸ੍ਯਾ. ਕ.) ਅਟ੍ਠਕਥਾ ਓਲੋਕੇਤਬ੍ਬਾ] ਸਚ੍ਛਿਕਤਂ ਹੋਤਿ; ਤੇਨ ਵੁਚ੍ਚਤਿ – ‘‘ਸਦ੍ਧਾਵਿਮੁਤ੍ਤੋ’’. ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ…ਪੇ… ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਚਤ੍ਤਾਰਿਨ੍ਦ੍ਰਿਯਾਨਿ ਭਾਵਿਤਾਨਿ ਹੋਨ੍ਤਿ ਸੁਭਾਵਿਤਾਨਿ. ਯੇਹਿ ਕੇਚਿ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਅਰਹਤ੍ਤਂ ਸਚ੍ਛਿਕਤਾ, ਸਬ੍ਬੇ ਤੇ ਸਦ੍ਧਾਵਿਮੁਤ੍ਤਾ.
ਦੁਕ੍ਖਤੋ ਮਨਸਿਕਰੋਤੋ ਸਮਾਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ, ਸਮਾਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸੋਤਾਪਤ੍ਤਿਮਗ੍ਗਂ ਪਟਿਲਭਤਿ; ਤੇਨ ਵੁਚ੍ਚਤਿ – ‘‘ਕਾਯਸਕ੍ਖੀ’’. ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਚਤੁਨ੍ਨਂ ਇਨ੍ਦ੍ਰਿਯਾਨਂ ਭਾਵਨਾ ਹੋਤਿ. ਯੇ ਹਿ ਕੇਚਿ ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਸੋਤਾਪਤ੍ਤਿਮਗ੍ਗਂ ਪਟਿਲਭਨ੍ਤਿ, ਸਬ੍ਬੇ ਤੇ ਕਾਯਸਕ੍ਖੀ.
ਦੁਕ੍ਖਤੋ ਮਨਸਿਕਰੋਤੋ ਸਮਾਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ, ਸਮਾਧਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸੋਤਾਪਤ੍ਤਿਫਲਂ ਸਚ੍ਛਿਕਤਂ ਹੋਤਿ…ਪੇ… ਸਕਦਾਗਾਮਿਮਗ੍ਗਂ ਪਟਿਲਭਤਿ…ਪੇ… ਸਕਦਾਗਾਮਿਫਲਂ ਸਚ੍ਛਿਕਤਂ ਹੋਤਿ…ਪੇ… ਅਨਾਗਾਮਿਮਗ੍ਗਂ ਪਟਿਲਭਤਿ…ਪੇ… ਅਨਾਗਾਮਿਫਲਂ ਸਚ੍ਛਿਕਤਂ ਹੋਤਿ…ਪੇ… ਅਰਹਤ੍ਤਮਗ੍ਗਂ ਪਟਿਲਭਤਿ…ਪੇ… ਅਰਹਤ੍ਤਂ ਸਚ੍ਛਿਕਤਂ ਹੋਤਿ; ਤੇਨ ਵੁਚ੍ਚਤਿ – ‘‘ਕਾਯਸਕ੍ਖੀ’’. ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਚਤ੍ਤਾਰਿਨ੍ਦ੍ਰਿਯਾਨਿ ਭਾਵਿਤਾਨਿ ਹੋਨ੍ਤਿ ਸੁਭਾਵਿਤਾਨਿ. ਯੇਹਿ ਕੇਚਿ ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਅਰਹਤ੍ਤਂ ਸਚ੍ਛਿਕਤਾ, ਸਬ੍ਬੇ ਤੇ ਕਾਯਸਕ੍ਖੀ.
ਅਨਤ੍ਤਤੋ ਮਨਸਿਕਰੋਤੋ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ, ਪਞ੍ਞਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸੋਤਾਪਤ੍ਤਿਮਗ੍ਗਂ ਪਟਿਲਭਤਿ; ਤੇਨ ਵੁਚ੍ਚਤਿ – ‘‘ਧਮ੍ਮਾਨੁਸਾਰੀ’’. ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ…ਪੇ… ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਚਤੁਨ੍ਨਂ ਇਨ੍ਦ੍ਰਿਯਾਨਂ ਭਾਵਨਾ ਹੋਤਿ. ਯੇ ਹਿ ਕੇਚਿ ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਸੋਤਾਪਤ੍ਤਿਮਗ੍ਗਂ ਪਟਿਲਭਨ੍ਤਿ, ਸਬ੍ਬੇ ਤੇ ਧਮ੍ਮਾਨੁਸਾਰਿਨੋ.
ਅਨਤ੍ਤਤੋ ਮਨਸਿਕਰੋਤੋ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ, ਪਞ੍ਞਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸੋਤਾਪਤ੍ਤਿਫਲਂ ਸਚ੍ਛਿਕਤਂ ਹੋਤਿ; ਤੇਨ ਵੁਚ੍ਚਤਿ – ‘‘ਦਿਟ੍ਠਿਪ੍ਪਤ੍ਤੋ’’. ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ…ਪੇ… ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਚਤ੍ਤਾਰਿਨ੍ਦ੍ਰਿਯਾਨਿ ਭਾਵਿਤਾਨਿ ਹੋਨ੍ਤਿ ਸੁਭਾਵਿਤਾਨਿ. ਯੇਹਿ ਕੇਚਿ ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਸੋਤਾਪਤ੍ਤਿਫਲਂ ਸਚ੍ਛਿਕਤਾ, ਸਬ੍ਬੇ ਤੇ ਦਿਟ੍ਠਿਪ੍ਪਤ੍ਤਾ.
ਅਨਤ੍ਤਤੋ ਮਨਸਿਕਰੋਤੋ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤਿ, ਪਞ੍ਞਿਨ੍ਦ੍ਰਿਯਸ੍ਸ ਅਧਿਮਤ੍ਤਤ੍ਤਾ ਸਕਦਾਗਾਮਿਮਗ੍ਗਂ ਪਟਿਲਭਤਿ…ਪੇ… ਸਕਦਾਗਾਮਿਫਲਂ ਸਚ੍ਛਿਕਤਂ ਹੋਤਿ…ਪੇ… ਅਨਾਗਾਮਿਮਗ੍ਗਂ ਪਟਿਲਭਤਿ…ਪੇ… ਅਨਾਗਾਮਿਫਲਂ ਸਚ੍ਛਿਕਤਂ ਹੋਤਿ…ਪੇ… ਅਰਹਤ੍ਤਮਗ੍ਗਂ ਪਟਿਲਭਤਿ…ਪੇ… ਅਰਹਤ੍ਤਂ ਸਚ੍ਛਿਕਤਂ ਹੋਤਿ; ਤੇਨ ਵੁਚ੍ਚਤਿ – ‘‘ਦਿਟ੍ਠਿਪ੍ਪਤ੍ਤੋ’’. ਚਤ੍ਤਾਰਿਨ੍ਦ੍ਰਿਯਾਨਿ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ. ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਚਤ੍ਤਾਰਿਨ੍ਦ੍ਰਿਯਾਨਿ ਭਾਵਿਤਾਨਿ ਹੋਨ੍ਤਿ ਸੁਭਾਵਿਤਾਨਿ. ਯੇਹਿ ਕੇਚਿ ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਅਰਹਤ੍ਤਂ ਸਚ੍ਛਿਕਤਾ, ਸਬ੍ਬੇ ਤੇ ਦਿਟ੍ਠਿਪ੍ਪਤ੍ਤਾ.
੨੨੨. ਯੇ ਹਿ ਕੇਚਿ ਨੇਕ੍ਖਮ੍ਮਂ ਭਾਵਿਤਾ ਵਾ ਭਾਵੇਨ੍ਤਿ ਵਾ ਭਾਵਿਸ੍ਸਨ੍ਤਿ ਵਾ, ਅਧਿਗਤਾ ਵਾ ਅਧਿਗਚ੍ਛਨ੍ਤਿ ਵਾ ਅਧਿਗਮਿਸ੍ਸਨ੍ਤਿ ਵਾ, ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਪਟਿਲਦ੍ਧਾ ਵਾ ਪਟਿਲਭਨ੍ਤਿ ਵਾ ਪਟਿਲਭਿਸ੍ਸਨ੍ਤਿ ਵਾ, ਪਟਿਵਿਦ੍ਧਾ ਵਾ ਪਟਿਵਿਜ੍ਝਨ੍ਤਿ ਵਾ ਪਟਿਵਿਜ੍ਝਿਸ੍ਸਨ੍ਤਿ ਵਾ, ਸਚ੍ਛਿਕਤਾ ਵਾ ਸਚ੍ਛਿਕਰੋਨ੍ਤਿ ਵਾ ਸਚ੍ਛਿਕਰਿਸ੍ਸਨ੍ਤਿ ਵਾ, ਫਸ੍ਸਿਤਾ ਵਾ ਫਸ੍ਸਨ੍ਤਿ ਵਾ ਫਸ੍ਸਿਸ੍ਸਨ੍ਤਿ ਵਾ, ਵਸਿਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਪਾਰਮਿਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਵੇਸਾਰਜ੍ਜਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਸਬ੍ਬੇ ਤੇ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ, ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ, ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਯੇ ਹਿ ਕੇਚਿ ਅਬ੍ਯਾਪਾਦਂ…ਪੇ… ਆਲੋਕਸਞ੍ਞਂ… ਅਵਿਕ੍ਖੇਪਂ… ਧਮ੍ਮਵਵਤ੍ਥਾਨਂ… ਞਾਣਂ… ਪਾਮੋਜ੍ਜਂ… ਪਠਮਂ ਝਾਨਂ… ਦੁਤਿਯਂ ਝਾਨਂ… ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ… ਆਕਾਸਾਨਞ੍ਚਾਯਤਨਸਮਾਪਤ੍ਤਿਂ… ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿਂ … ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਂ… ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਂ… ਅਨਿਚ੍ਚਾਨੁਪਸ੍ਸਨਂ… ਦੁਕ੍ਖਾਨੁਪਸ੍ਸਨਂ… ਅਨਤ੍ਤਾਨੁਪਸ੍ਸਨਂ… ਨਿਬ੍ਬਿਦਾਨੁਪਸ੍ਸਨਂ… ਵਿਰਾਗਾਨੁਪਸ੍ਸਨਂ … ਨਿਰੋਧਾਨੁਪਸ੍ਸਨਂ… ਪਟਿਨਿਸ੍ਸਗ੍ਗਾਨੁਪਸ੍ਸਨਂ… ਖਯਾਨੁਪਸ੍ਸਨਂ… ਵਯਾਨੁਪਸ੍ਸਨਂ… ਵਿਪਰਿਣਾਮਾਨੁਪਸ੍ਸਨਂ… ਅਨਿਮਿਤ੍ਤਾਨੁਪਸ੍ਸਨਂ… ਅਪ੍ਪਣਿਹਿਤਾਨੁਪਸ੍ਸਨਂ… ਸੁਞ੍ਞਤਾਨੁਪਸ੍ਸਨਂ… ਅਧਿਪਞ੍ਞਾਧਮ੍ਮਵਿਪਸ੍ਸਨਂ… ਯਥਾਭੂਤਞਾਣਦਸ੍ਸਨਂ… ਆਦੀਨਵਾਨੁਪਸ੍ਸਨਂ… ਪਟਿਸਙ੍ਖਾਨੁਪਸ੍ਸਨਂ… ਵਿਵਟ੍ਟਨਾਨੁਪਸ੍ਸਨਂ… ਸੋਤਾਪਤ੍ਤਿਮਗ੍ਗਂ… ਸਕਦਾਗਾਮਿਮਗ੍ਗਂ… ਅਨਾਗਾਮਿਮਗ੍ਗਂ… ਅਰਹਤ੍ਤਮਗ੍ਗਂ….
ਯੇ ਹਿ ਕੇਚਿ ਚਤ੍ਤਾਰੋ ਸਤਿਪਟ੍ਠਾਨੇ… ਚਤ੍ਤਾਰੋ ਸਮ੍ਮਪ੍ਪਧਾਨੇ… ਚਤ੍ਤਾਰੋ ਇਦ੍ਧਿਪਾਦੇ… ਪਞ੍ਚਿਨ੍ਦ੍ਰਿਯਾਨਿ… ਪਞ੍ਚ ਬਲਾਨਿ… ਸਤ੍ਤ ਬੋਜ੍ਝਙ੍ਗੇ… ਅਰਿਯਂ ਅਟ੍ਠਙ੍ਗਿਕਂ ਮਗ੍ਗਂ… ਯੇ ਹਿ ਕੇਚਿ ਅਟ੍ਠ ਵਿਮੋਕ੍ਖੇ ਭਾਵਿਤਾ ਵਾ ਭਾਵੇਨ੍ਤਿ ਵਾ ਭਾਵਿਸ੍ਸਨ੍ਤਿ ਵਾ, ਅਧਿਗਤਾ ਵਾ ਅਧਿਗਚ੍ਛਨ੍ਤਿ ਵਾ ਅਧਿਗਮਿਸ੍ਸਨ੍ਤਿ ਵਾ, ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਪਟਿਲਦ੍ਧਾ ਵਾ ਪਟਿਲਭਨ੍ਤਿ ਵਾ ਪਟਿਲਭਿਸ੍ਸਨ੍ਤਿ ਵਾ, ਪਟਿਵਿਦ੍ਧਾ ਵਾ ਪਟਿਵਿਜ੍ਝਨ੍ਤਿ ਵਾ ਪਟਿਵਿਜ੍ਝਿਸ੍ਸਨ੍ਤਿ ਵਾ, ਸਚ੍ਛਿਕਤਾ ਵਾ ਸਚ੍ਛਿਕਰੋਨ੍ਤਿ ਵਾ ਸਚ੍ਛਿਕਰਿਸ੍ਸਨ੍ਤਿ ਵਾ, ਫਸ੍ਸਿਤਾ ਵਾ ਫਸ੍ਸਨ੍ਤਿ ਵਾ ਫਸ੍ਸਿਸ੍ਸਨ੍ਤਿ ਵਾ, ਵਸਿਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ ਪਾਰਮਿਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਵੇਸਾਰਜ੍ਜਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਸਬ੍ਬੇ ਤੇ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ, ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ, ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਯੇ ਹਿ ਕੇਚਿ ਚਤਸ੍ਸੋ ਪਟਿਸਮ੍ਭਿਦਾ ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ…ਪੇ… ਸਬ੍ਬੇ ਤੇ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ, ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ, ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਯੇ ਹਿ ਕੇਚਿ ਤਿਸ੍ਸੋ ਵਿਜ੍ਜਾ ਪਟਿਵਿਦ੍ਧਾ ਵਾ ਪਟਿਵਿਜ੍ਝਨ੍ਤਿ ਵਾ ਪਟਿਵਿਜ੍ਝਿਸ੍ਸਨ੍ਤਿ ਵਾ…ਪੇ… ਸਬ੍ਬੇ ਤੇ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ, ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ, ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਯੇ ਹਿ ਕੇਚਿ ਤਿਸ੍ਸੋ ਸਿਕ੍ਖਾ ਸਿਕ੍ਖਿਤਾ ਵਾ ਸਿਕ੍ਖਨ੍ਤਿ ਵਾ ਸਿਕ੍ਖਿਸ੍ਸਨ੍ਤਿ ਵਾ, ਸਚ੍ਛਿਕਤਾ ਵਾ ਸਚ੍ਛਿਕਰੋਨ੍ਤਿ ਵਾ ਸਚ੍ਛਿਕਰਿਸ੍ਸਨ੍ਤਿ ਵਾ, ਫਸ੍ਸਿਤਾ ਵਾ ਫਸ੍ਸਨ੍ਤਿ ਵਾ ਫਸ੍ਸਿਸ੍ਸਨ੍ਤਿ ਵਾ, ਵਸਿਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਪਾਰਮਿਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਵੇਸਾਰਜ੍ਜਪ੍ਪਤ੍ਤਾ ਵਾ ਪਾਪੁਣਨ੍ਤਿ ਵਾ ਪਾਪੁਣਿਸ੍ਸਨ੍ਤਿ ਵਾ, ਸਬ੍ਬੇ ਤੇ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ, ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ, ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਯੇ ਹਿ ਕੇਚਿ ਦੁਕ੍ਖਂ ਪਰਿਜਾਨਨ੍ਤਿ ਸਮੁਦਯਂ ਪਜਹਨ੍ਤਿ ਨਿਰੋਧਂ ਸਚ੍ਛਿਕਰੋਨ੍ਤਿ ਮਗ੍ਗਂ ਭਾਵੇਨ੍ਤਿ, ਸਬ੍ਬੇ ਤੇ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ, ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ, ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਕਤਿਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ? ਕਤਿਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਤਿ? ਚਤੂਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ. ਚਤੂਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਤਿ. ਦੁਕ੍ਖਸਚ੍ਚਂ ਪਰਿਞ੍ਞਾਪਟਿਵੇਧਂ ਪਟਿਵਿਜ੍ਝਤਿ, ਸਮੁਦਯਸਚ੍ਚਂ ਪਹਾਨਪ੍ਪਟਿਵੇਧਂ ਪਟਿਵਿਜ੍ਝਤਿ, ਨਿਰੋਧਸਚ੍ਚਂ ਸਚ੍ਛਿਕਿਰਿਯਾਪਟਿਵੇਧਂ ਪਟਿਵਿਜ੍ਝਤਿ, ਮਗ੍ਗਸਚ੍ਚਂ ਭਾਵਨਾਪਟਿਵੇਧਂ ਪਟਿਵਿਜ੍ਝਤਿ. ਇਮੇਹਿ ਚਤੂਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ. ਇਮੇਹਿ ਚਤੂਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਨ੍ਤੋ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤੋ, ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ, ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤੋ.
ਕਤਿਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ? ਕਤਿਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਤਿ? ਨਵਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ, ਨਵਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਤਿ. ਦੁਕ੍ਖਸਚ੍ਚਂ ਪਰਿਞ੍ਞਾਪਟਿਵੇਧਂ ਪਟਿਵਿਜ੍ਝਤਿ, ਸਮੁਦਯਸਚ੍ਚਂ ਪਹਾਨਪ੍ਪਟਿਵੇਧਂ ਪਟਿਵਿਜ੍ਝਤਿ, ਨਿਰੋਧਸਚ੍ਚਂ ਸਚ੍ਛਿਕਿਰਿਯਾਪਟਿਵੇਧਂ ਪਟਿਵਿਜ੍ਝਤਿ, ਮਗ੍ਗਸਚ੍ਚਂ ਭਾਵਨਾਪਟਿਵੇਧਂ ਪਟਿਵਿਜ੍ਝਤਿ. ਅਭਿਞ੍ਞਾਪਟਿਵੇਧੋ ਚ ਸਬ੍ਬਧਮ੍ਮਾਨਂ, ਪਰਿਞ੍ਞਾਪਟਿਵੇਧੋ ਚ ਸਬ੍ਬਸਙ੍ਖਾਰਾਨਂ, ਪਹਾਨਪ੍ਪਟਿਵੇਧੋ ਚ ਸਬ੍ਬਾਕੁਸਲਾਨਂ, ਭਾਵਨਾਪਟਿਵੇਧੋ ਚ ਚਤੁਨ੍ਨਂ ਮਗ੍ਗਾਨਂ, ਸਚ੍ਛਿਕਿਰਿਯਾਪਟਿਵੇਧੋ ਚ ਨਿਰੋਧਸ੍ਸ. ਇਮੇਹਿ ਨਵਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ. ਇਮੇਹਿ ਨਵਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਨ੍ਤੋ ਸਦ੍ਧਿਨ੍ਦ੍ਰਿਯਸ੍ਸ ਵਸੇਨ ਸਦ੍ਧਾਵਿਮੁਤ੍ਤੋ, ਸਮਾਧਿਨ੍ਦ੍ਰਿਯਸ੍ਸ ਵਸੇਨ ਕਾਯਸਕ੍ਖੀ, ਪਞ੍ਞਿਨ੍ਦ੍ਰਿਯਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤੋ.
ਦੁਤਿਯਭਾਣਵਾਰੋ.
੨੨੩. ਅਨਿਚ੍ਚਤੋ ਮਨਸਿਕਰੋਤੋ ਕਥਂ ਸਙ੍ਖਾਰਾ ਉਪਟ੍ਠਨ੍ਤਿ? ਦੁਕ੍ਖਤੋ ਮਨਸਿਕਰੋਤੋ ਕਥਂ ਸਙ੍ਖਾਰਾ ਉਪਟ੍ਠਨ੍ਤਿ? ਅਨਤ੍ਤਤੋ ਮਨਸਿਕਰੋਤੋ ਕਥਂ ਸਙ੍ਖਾਰਾ ਉਪਟ੍ਠਨ੍ਤਿ? ਅਨਿਚ੍ਚਤੋ ਮਨਸਿਕਰੋਤੋ ਖਯਤੋ ਸਙ੍ਖਾਰਾ ਉਪਟ੍ਠਨ੍ਤਿ. ਦੁਕ੍ਖਤੋ ਮਨਸਿਕਰੋਤੋ ਭਯਤੋ ਸਙ੍ਖਾਰਾ ਉਪਟ੍ਠਨ੍ਤਿ. ਅਨਤ੍ਤਤੋ ਮਨਸਿਕਰੋਤੋ ਸੁਞ੍ਞਤੋ ਸਙ੍ਖਾਰਾ ਉਪਟ੍ਠਨ੍ਤਿ.
ਅਨਿਚ੍ਚਤੋ ਮਨਸਿਕਰੋਤੋ ਕਿਂ ਬਹੁਲਂ ਚਿਤ੍ਤਂ ਹੋਤਿ? ਦੁਕ੍ਖਤੋ ਮਨਸਿਕਰੋਤੋ ਕਿਂ ਬਹੁਲਂ ਚਿਤ੍ਤਂ ਹੋਤਿ? ਅਨਤ੍ਤਤੋ ਮਨਸਿਕਰੋਤੋ ਕਿਂ ਬਹੁਲਂ ਚਿਤ੍ਤਂ ਹੋਤਿ? ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਂ ਚਿਤ੍ਤਂ ਹੋਤਿ. ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਂ ਚਿਤ੍ਤਂ ਹੋਤਿ. ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਂ ਚਿਤ੍ਤਂ ਹੋਤਿ.
ਅਨਿਚ੍ਚਤੋ ਮਨਸਿਕਰੋਨ੍ਤੋ ਅਧਿਮੋਕ੍ਖਬਹੁਲੋ ਕਤਮਂ ਵਿਮੋਕ੍ਖਂ ਪਟਿਲਭਤਿ? ਦੁਕ੍ਖਤੋ ਮਨਸਿਕਰੋਨ੍ਤੋ ਪਸ੍ਸਦ੍ਧਿਬਹੁਲੋ ਕਤਮਂ ਵਿਮੋਕ੍ਖਂ ਪਟਿਲਭਤਿ? ਅਨਤ੍ਤਤੋ ਮਨਸਿਕਰੋਨ੍ਤੋ ਵੇਦਬਹੁਲੋ ਕਤਮਂ ਵਿਮੋਕ੍ਖਂ ਪਟਿਲਭਤਿ? ਅਨਿਚ੍ਚਤੋ ਮਨਸਿਕਰੋਨ੍ਤੋ ਅਧਿਮੋਕ੍ਖਬਹੁਲੋ ਅਨਿਮਿਤ੍ਤਂ ਵਿਮੋਕ੍ਖਂ ਪਟਿਲਭਤਿ. ਦੁਕ੍ਖਤੋ ਮਨਸਿਕਰੋਨ੍ਤੋ ਪਸ੍ਸਦ੍ਧਿਬਹੁਲੋ ਅਪ੍ਪਣਿਹਿਤਂ ਵਿਮੋਕ੍ਖਂ ਪਟਿਲਭਤਿ. ਅਨਤ੍ਤਤੋ ਮਨਸਿਕਰੋਨ੍ਤੋ ਵੇਦਬਹੁਲੋ ਸੁਞ੍ਞਤਂ ਵਿਮੋਕ੍ਖਂ ਪਟਿਲਭਤਿ.
੨੨੪. ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਸ੍ਸ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਕਤਿ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੋ ਭਾਵੇਤਿ? ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਸ੍ਸ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਕਤਿ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੋ ਭਾਵੇਤਿ? ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਸ੍ਸ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਕਤਿ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੋ ਭਾਵੇਤਿ?
ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਸ੍ਸ ਅਨਿਮਿਤ੍ਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ. ਭਾਵਨਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਯੋ ਸਮ੍ਮਾਪਟਿਪਨ੍ਨੋ ਸੋ ਭਾਵੇਤਿ; ਨਤ੍ਥਿ ਮਿਚ੍ਛਾਪਟਿਪਨ੍ਨਸ੍ਸ ਵਿਮੋਕ੍ਖਭਾਵਨਾ. ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਸ੍ਸ ਅਪ੍ਪਣਿਹਿਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ. ਭਾਵਨਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਯੋ ਸਮ੍ਮਾਪਟਿਪਨ੍ਨੋ ਸੋ ਭਾਵੇਤਿ; ਨਤ੍ਥਿ ਮਿਚ੍ਛਾਪਟਿਪਨ੍ਨਸ੍ਸ ਵਿਮੋਕ੍ਖਭਾਵਨਾ. ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਸ੍ਸ ਸੁਞ੍ਞਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ. ਭਾਵਨਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ. ਏਕਰਸਟ੍ਠੇਨ ਭਾਵਨਾ. ਯੋ ਸਮ੍ਮਾਪਟਿਪਨ੍ਨੋ ਸੋ ਭਾਵੇਤਿ; ਨਤ੍ਥਿ ਮਿਚ੍ਛਾਪਟਿਪਨ੍ਨਸ੍ਸ ਵਿਮੋਕ੍ਖਭਾਵਨਾ.
ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਸ੍ਸ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਕਤਿ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਪਟਿਵੇਧਕਾਲੇ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਪਟਿਵੇਧਾਯ ਕਤਿ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੇਨਟ੍ਠੇਨ ਪਟਿਵੇਧੋ? ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਸ੍ਸ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਕਤਿ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਪਟਿਵੇਧਕਾਲੇ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਪਟਿਵੇਧਾਯ ਕਤਿ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੇਨਟ੍ਠੇਨ ਪਟਿਵੇਧੋ? ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਸ੍ਸ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਕਤਿ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਪਟਿਵੇਧਕਾਲੇ ਕਤਮੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਪਟਿਵੇਧਾਯ ਕਤਿਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਕੇਨਟ੍ਠੇਨ ਭਾਵਨਾ, ਕੇਨਟ੍ਠੇਨ ਪਟਿਵੇਧੋ?
੨੨੫. ਅਨਿਚ੍ਚਤੋ ਮਨਸਿਕਰੋਤੋ ਅਧਿਮੋਕ੍ਖਬਹੁਲਸ੍ਸ ਅਨਿਮਿਤ੍ਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਪਟਿਵੇਧਕਾਲੇਪਿ ਅਨਿਮਿਤ੍ਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਪਟਿਵੇਧਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਏਕਰਸਟ੍ਠੇਨ ਭਾਵਨਾ, ਦਸ੍ਸਨਟ੍ਠੇਨ ਪਟਿਵੇਧੋ, ਏਵਂ ਪਟਿਵਿਜ੍ਝਨ੍ਤੋਪਿ ਭਾਵੇਤਿ, ਭਾਵੇਨ੍ਤੋਪਿ ਪਟਿਵਿਜ੍ਝਤਿ. ਦੁਕ੍ਖਤੋ ਮਨਸਿਕਰੋਤੋ ਪਸ੍ਸਦ੍ਧਿਬਹੁਲਸ੍ਸ ਅਪ੍ਪਣਿਹਿਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਪਟਿਵੇਧਕਾਲੇਪਿ ਅਪ੍ਪਣਿਹਿਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਪਟਿਵੇਧਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਏਕਰਸਟ੍ਠੇਨ ਭਾਵਨਾ, ਦਸ੍ਸਨਟ੍ਠੇਨ ਪਟਿਵੇਧੋ, ਏਵਂ ਪਟਿਵਿਜ੍ਝਨ੍ਤੋਪਿ ਭਾਵੇਤਿ, ਭਾਵੇਨ੍ਤੋਪਿ ਪਟਿਵਿਜ੍ਝਤਿ. ਅਨਤ੍ਤਤੋ ਮਨਸਿਕਰੋਤੋ ਵੇਦਬਹੁਲਸ੍ਸ ਸੁਞ੍ਞਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਭਾਵਨਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਪਟਿਵੇਧਕਾਲੇਪਿ ਸੁਞ੍ਞਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਪਟਿਵੇਧਾਯ ਦ੍ਵੇ ਵਿਮੋਕ੍ਖਾ ਤਦਨ੍ਵਯਾ ਹੋਨ੍ਤਿ, ਸਹਜਾਤਪਚ੍ਚਯਾ ਹੋਨ੍ਤਿ, ਅਞ੍ਞਮਞ੍ਞਪਚ੍ਚਯਾ ਹੋਨ੍ਤਿ, ਨਿਸ੍ਸਯਪਚ੍ਚਯਾ ਹੋਨ੍ਤਿ, ਸਮ੍ਪਯੁਤ੍ਤਪਚ੍ਚਯਾ ਹੋਨ੍ਤਿ, ਏਕਰਸਾ ਹੋਨ੍ਤਿ, ਏਕਰਸਟ੍ਠੇਨ ਭਾਵਨਾ, ਦਸ੍ਸਨਟ੍ਠੇਨ ਪਟਿਵੇਧੋ, ਏਵਂ ਪਟਿਵਿਜ੍ਝਨ੍ਤੋਪਿ ਭਾਵੇਤਿ, ਭਾਵੇਨ੍ਤੋਪਿ ਪਟਿਵਿਜ੍ਝਤਿ.
੨੨੬. ਅਨਿਚ੍ਚਤੋ ਮਨਸਿਕਰੋਤੋ ਕਤਮੋ ਵਿਮੋਕ੍ਖੋ ਅਧਿਮਤ੍ਤੋ ਹੋਤਿ? ਕਤਮਵਿਮੋਕ੍ਖਸ੍ਸ ਅਧਿਮਤ੍ਤਤ੍ਤਾ ਸਦ੍ਧਾਵਿਮੁਤ੍ਤੋ ਹੋਤਿ? ਦੁਕ੍ਖਤੋ ਮਨਸਿਕਰੋਤੋ ਕਤਮੋ ਵਿਮੋਕ੍ਖੋ ਅਧਿਮਤ੍ਤੋ ਹੋਤਿ? ਕਤਮਵਿਮੋਕ੍ਖਸ੍ਸ ਅਧਿਮਤ੍ਤਤ੍ਤਾ ਕਾਯਸਕ੍ਖੀ ਹੋਤਿ? ਅਨਤ੍ਤਤੋ ਮਨਸਿਕਰੋਤੋ ਕਤਮੋ ਵਿਮੋਕ੍ਖੋ ਅਧਿਮਤ੍ਤੋ ਹੋਤਿ? ਕਤਮਵਿਮੋਕ੍ਖਸ੍ਸ ਅਧਿਮਤ੍ਤਤ੍ਤਾ ਦਿਟ੍ਠਿਪ੍ਪਤ੍ਤੋ ਹੋਤਿ?
ਅਨਿਚ੍ਚਤੋ ਮਨਸਿਕਰੋਤੋ ਅਨਿਮਿਤ੍ਤੋ ਵਿਮੋਕ੍ਖੋ ਅਧਿਮਤ੍ਤੋ ਹੋਤਿ. ਅਨਿਮਿਤ੍ਤਵਿਮੋਕ੍ਖਸ੍ਸ ਅਧਿਮਤ੍ਤਤ੍ਤਾ ਸਦ੍ਧਾਵਿਮੁਤ੍ਤੋ ਹੋਤਿ. ਦੁਕ੍ਖਤੋ ਮਨਸਿਕਰੋਤੋ ਅਪ੍ਪਣਿਹਿਤੋ ਵਿਮੋਕ੍ਖੋ ਅਧਿਮਤ੍ਤੋ ਹੋਤਿ. ਅਪ੍ਪਣਿਹਿਤਵਿਮੋਕ੍ਖਸ੍ਸ ਅਧਿਮਤ੍ਤਤ੍ਤਾ ਕਾਯਸਕ੍ਖੀ ਹੋਤਿ. ਅਨਤ੍ਤਤੋ ਮਨਸਿਕਰੋਤੋ ਸੁਞ੍ਞਤੋ ਵਿਮੋਕ੍ਖੋ ਅਧਿਮਤ੍ਤੋ ਹੋਤਿ. ਸੁਞ੍ਞਤਵਿਮੋਕ੍ਖਸ੍ਸ ਅਧਿਮਤ੍ਤਤ੍ਤਾ ਦਿਟ੍ਠਿਪ੍ਪਤ੍ਤੋ ਹੋਤਿ.
ਸਦ੍ਦਹਨ੍ਤੋ ਵਿਮੁਤ੍ਤੋਤਿ – ਸਦ੍ਧਾਵਿਮੁਤ੍ਤੋ. ਫੁਟ੍ਠਤ੍ਤਾ ਸਚ੍ਛਿਕਤੋਤਿ – ਕਾਯਸਕ੍ਖੀ. ਦਿਟ੍ਠਤ੍ਤਾ ਪਤ੍ਤੋਤਿ – ਦਿਟ੍ਠਿਪ੍ਪਤ੍ਤੋ. ਸਦ੍ਦਹਨ੍ਤੋ ਵਿਮੁਚ੍ਚਤੀਤਿ – ਸਦ੍ਧਾਵਿਮੁਤ੍ਤੋ. ਝਾਨਫਸ੍ਸਂ ਪਠਮਂ ਫੁਸਤਿ, ਪਚ੍ਛਾ ਨਿਰੋਧਂ ਨਿਬ੍ਬਾਨਂ ਸਚ੍ਛਿਕਰੋਤੀਤਿ – ਕਾਯਸਕ੍ਖੀ. ‘‘ਦੁਕ੍ਖਾ ਸਙ੍ਖਾਰਾ, ਸੁਖੋ ਨਿਰੋਧੋ’’ਤਿ ਵਿਞ੍ਞਾਤਂ ਹੋਤਿ ਦਿਟ੍ਠਂ ਵਿਦਿਤਂ ਸਚ੍ਛਿਕਤਂ ਫਸ੍ਸਿਤਂ ਪਞ੍ਞਾਯਾਤਿ – ਦਿਟ੍ਠਿਪ੍ਪਤ੍ਤੋ…ਪੇ… ਯੇ ਹਿ ਕੇਚਿ ਨੇਕ੍ਖਮ੍ਮਂ ਭਾਵਿਤਾ ਵਾ ਭਾਵੇਨ੍ਤਿ ਵਾ ਭਾਵਿਸ੍ਸਨ੍ਤਿ ਵਾ…ਪੇ… ਸਬ੍ਬੇ ਤੇ ਅਨਿਮਿਤ੍ਤਵਿਮੋਕ੍ਖਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ, ਅਪ੍ਪਣਿਹਿਤਵਿਮੋਕ੍ਖਸ੍ਸ ਵਸੇਨ ਕਾਯਸਕ੍ਖੀ, ਸੁਞ੍ਞਤਵਿਮੋਕ੍ਖਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਯੇ ਹਿ ਕੇਚਿ ਅਬ੍ਯਾਪਾਦਂ… ਆਲੋਕਸਞ੍ਞਂ… ਅਵਿਕ੍ਖੇਪਂ… ਯੇ ਹਿ ਕੇਚਿ ਦੁਕ੍ਖਂ ਪਰਿਜਾਨਨ੍ਤਿ, ਸਮੁਦਯਂ ਪਜਹਨ੍ਤਿ, ਨਿਰੋਧਂ ਸਚ੍ਛਿਕਰੋਨ੍ਤਿ, ਮਗ੍ਗਂ ਭਾਵੇਨ੍ਤਿ, ਸਬ੍ਬੇ ਤੇ ਅਨਿਮਿਤ੍ਤਵਿਮੋਕ੍ਖਸ੍ਸ ਵਸੇਨ ਸਦ੍ਧਾਵਿਮੁਤ੍ਤਾ, ਅਪ੍ਪਣਿਹਿਤਵਿਮੋਕ੍ਖਸ੍ਸ ਵਸੇਨ ਕਾਯਸਕ੍ਖੀ, ਸੁਞ੍ਞਤਵਿਮੋਕ੍ਖਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤਾ.
ਕਤਿਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ? ਕਤਿਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਤਿ? ਚਤੂਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ. ਚਤੂਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਤਿ. ਦੁਕ੍ਖਸਚ੍ਚਂ ਪਰਿਞ੍ਞਾਪਟਿਵੇਧਂ ਪਟਿਵਿਜ੍ਝਤਿ, ਸਮੁਦਯਸਚ੍ਚਂ ਪਹਾਨਪਟਿਵੇਧਂ ਪਟਿਵਿਜ੍ਝਤਿ. ਨਿਰੋਧਸਚ੍ਚਂ ਸਚ੍ਛਿਕਿਰਿਯਾਪਟਿਵੇਧਂ ਪਟਿਵਿਜ੍ਝਤਿ. ਮਗ੍ਗਸਚ੍ਚਂ ਭਾਵਨਾਪਟਿਵੇਧਂ ਪਟਿਵਿਜ੍ਝਤਿ. ਇਮੇਹਿ ਚਤੂਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ. ਇਮੇਹਿ ਚਤੂਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਨ੍ਤੋ ਅਨਿਮਿਤ੍ਤਵਿਮੋਕ੍ਖਸ੍ਸ ਵਸੇਨ ਸਦ੍ਧਾਵਿਮੁਤ੍ਤੋ, ਅਪ੍ਪਣਿਹਿਤਵਿਮੋਕ੍ਖਸ੍ਸ ਵਸੇਨ ਕਾਯਸਕ੍ਖੀ, ਸੁਞ੍ਞਤਵਿਮੋਕ੍ਖਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤੋ.
ਕਤਿਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ? ਕਤਿਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਤਿ? ਨਵਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ. ਨਵਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਤਿ. ਦੁਕ੍ਖਸਚ੍ਚਂ ਪਰਿਞ੍ਞਾਪਟਿਵੇਧਂ ਪਟਿਵਿਜ੍ਝਤਿ…ਪੇ… ਸਚ੍ਛਿਕਿਰਿਯਾਪਟਿਵੇਧੋ ਚ ਨਿਰੋਧਸ੍ਸ. ਇਮੇਹਿ ਨਵਹਾਕਾਰੇਹਿ ਸਚ੍ਚਪ੍ਪਟਿਵੇਧੋ ਹੋਤਿ. ਇਮੇਹਿ ਨਵਹਾਕਾਰੇਹਿ ਸਚ੍ਚਾਨਿ ਪਟਿਵਿਜ੍ਝਨ੍ਤੋ ਅਨਿਮਿਤ੍ਤਵਿਮੋਕ੍ਖਸ੍ਸ ਵਸੇਨ ਸਦ੍ਧਾਵਿਮੁਤ੍ਤੋ, ਅਪ੍ਪਣਿਹਿਤਵਿਮੋਕ੍ਖਸ੍ਸ ਵਸੇਨ ਕਾਯਸਕ੍ਖੀ, ਸੁਞ੍ਞਤਵਿਮੋਕ੍ਖਸ੍ਸ ਵਸੇਨ ਦਿਟ੍ਠਿਪ੍ਪਤ੍ਤੋ.
੨੨੭. ਅਨਿਚ੍ਚਤੋ ਮਨਸਿਕਰੋਨ੍ਤੋ ਕਤਮੇ ਧਮ੍ਮੇ ਯਥਾਭੂਤਂ ਜਾਨਾਤਿ ਪਸ੍ਸਤਿ? ਕਥਂ ਸਮ੍ਮਾਦਸ੍ਸਨਂ ਹੋਤਿ? ਕਥਂ ਤਦਨ੍ਵਯੇਨ ਸਬ੍ਬੇ ਸਙ੍ਖਾਰਾ ਅਨਿਚ੍ਚਤੋ ਸੁਦਿਟ੍ਠਾ ਹੋਨ੍ਤਿ? ਕਤ੍ਥ ਕਙ੍ਖਾ ਪਹੀਯਤਿ? ਦੁਕ੍ਖਤੋ ਮਨਸਿਕਰੋਨ੍ਤੋ ਕਤਮੇ ਧਮ੍ਮੇ ਯਥਾਭੂਤਂ ਜਾਨਾਤਿ ਪਸ੍ਸਤਿ? ਕਥਂ ਸਮ੍ਮਾਦਸ੍ਸਨਂ ਹੋਤਿ? ਕਥਂ ਤਦਨ੍ਵਯੇਨ ਸਬ੍ਬੇ ਸਙ੍ਖਾਰਾ ਦੁਕ੍ਖਤੋ ਸੁਦਿਟ੍ਠਾ ਹੋਨ੍ਤਿ? ਕਤ੍ਥ ਕਙ੍ਖਾ ਪਹੀਯਤਿ? ਅਨਤ੍ਤਤੋ ਮਨਸਿਕਰੋਨ੍ਤੋ ਕਤਮੇ ਧਮ੍ਮੇ ਯਥਾਭੂਤਂ ਜਾਨਾਤਿ ਪਸ੍ਸਤਿ? ਕਥਂ ਸਮ੍ਮਾਦਸ੍ਸਨਂ ਹੋਤਿ? ਕਥਂ ਤਦਨ੍ਵਯੇਨ ਸਬ੍ਬੇ ਧਮ੍ਮਾ ਅਨਤ੍ਤਤੋ ਸੁਦਿਟ੍ਠਾ ਹੋਨ੍ਤਿ? ਕਤ੍ਥ ਕਙ੍ਖਾ ਪਹੀਯਤਿ?
ਅਨਿਚ੍ਚਤੋ ਮਨਸਿਕਰੋਨ੍ਤੋ ਨਿਮਿਤ੍ਤਂ ਯਥਾਭੂਤਂ ਜਾਨਾਤਿ ਪਸ੍ਸਤਿ; ਤੇਨ ਵੁਚ੍ਚਤਿ – ਸਮ੍ਮਾਦਸ੍ਸਨਂ. ਏਵਂ ਤਦਨ੍ਵਯੇਨ ਸਬ੍ਬੇ ਸਙ੍ਖਾਰਾ ਅਨਿਚ੍ਚਤੋ ਸੁਦਿਟ੍ਠਾ ਹੋਨ੍ਤਿ. ਏਤ੍ਥ ਕਙ੍ਖਾ ਪਹੀਯਤਿ. ਦੁਕ੍ਖਤੋ ਮਨਸਿਕਰੋਨ੍ਤੋ ਪਵਤ੍ਤਂ ਯਥਾਭੂਤਂ ਜਾਨਾਤਿ ਪਸ੍ਸਤਿ; ਤੇਨ ਵੁਚ੍ਚਤਿ – ਸਮ੍ਮਾਦਸ੍ਸਨਂ. ਏਵਂ ਤਦਨ੍ਵਯੇਨ ਸਬ੍ਬੇ ਸਙ੍ਖਾਰਾ ਦੁਕ੍ਖਤੋ ਸੁਦਿਟ੍ਠਾ ਹੋਨ੍ਤਿ. ਏਤ੍ਥ ਕਙ੍ਖਾ ਪਹੀਯਤਿ. ਅਨਤ੍ਤਤੋ ਮਨਸਿਕਰੋਨ੍ਤੋ ਨਿਮਿਤ੍ਤਞ੍ਚ ਪਵਤ੍ਤਞ੍ਚ ਯਥਾਭੂਤਂ ਜਾਨਾਤਿ ਪਸ੍ਸਤਿ; ਤੇਨ ਵੁਚ੍ਚਤਿ – ਸਮ੍ਮਾਦਸ੍ਸਨਂ. ਏਵਂ ਤਦਨ੍ਵਯੇਨ ਸਬ੍ਬੇ ਧਮ੍ਮਾ ਅਨਤ੍ਤਤੋ ਸੁਦਿਟ੍ਠਾ ਹੋਨ੍ਤਿ. ਏਤ੍ਥ ਕਙ੍ਖਾ ਪਹੀਯਤਿ.
ਯਞ੍ਚ ਯਥਾਭੂਤਂ ਞਾਣਂ ਯਞ੍ਚ ਸਮ੍ਮਾਦਸ੍ਸਨਂ ਯਾ ਚ ਕਙ੍ਖਾਵਿਤਰਣਾ, ਇਮੇ ਧਮ੍ਮਾ ਨਾਨਤ੍ਥਾ ਚੇਵ ਨਾਨਾਬ੍ਯਞ੍ਜਨਾ ਚ, ਉਦਾਹੁ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਨ੍ਤਿ? ਯਞ੍ਚ ਯਥਾਭੂਤਂ ਞਾਣਂ ਯਞ੍ਚ ਸਮ੍ਮਾਦਸ੍ਸਨਂ ਯਾ ਚ ਕਙ੍ਖਾਵਿਤਰਣਾ, ਇਮੇ ਧਮ੍ਮਾ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਂ.
ਅਨਿਚ੍ਚਤੋ ਮਨਸਿਕਰੋਤੋ ਕਿਂ ਭਯਤੋ ਉਪਟ੍ਠਾਤਿ? ਦੁਕ੍ਖਤੋ ਮਨਸਿਕਰੋਤੋ ਕਿਂ ਭਯਤੋ ਉਪਟ੍ਠਾਤਿ? ਅਨਤ੍ਤਤੋ ਮਨਸਿਕਰੋਤੋ ਕਿਂ ਭਯਤੋ ਉਪਟ੍ਠਾਤਿ? ਅਨਿਚ੍ਚਤੋ ਮਨਸਿਕਰੋਤੋ ਨਿਮਿਤ੍ਤਂ ਭਯਤੋ ਉਪਟ੍ਠਾਤਿ. ਦੁਕ੍ਖਤੋ ਮਨਸਿਕਰੋਤੋ ਪਵਤ੍ਤਂ ਭਯਤੋ ਉਪਟ੍ਠਾਤਿ. ਅਨਤ੍ਤਤੋ ਮਨਸਿਕਰੋਤੋ ਨਿਮਿਤ੍ਤਞ੍ਚ ਪਵਤ੍ਤਞ੍ਚ ਭਯਤੋ ਉਪਟ੍ਠਾਤਿ.
ਯਾ ਚ ਭਯਤੁਪਟ੍ਠਾਨੇ ਪਞ੍ਞਾ ਯਞ੍ਚ ਆਦੀਨਵੇ ਞਾਣਂ ਯਾ ਚ ਨਿਬ੍ਬਿਦਾ, ਇਮੇ ਧਮ੍ਮਾ ਨਾਨਤ੍ਥਾ ਚੇਵ ਨਾਨਾਬ੍ਯਞ੍ਜਨਾ ਚ, ਉਦਾਹੁ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਨ੍ਤਿ? ਯਾ ਚ ਭਯਤੁਪਟ੍ਠਾਨੇ ਪਞ੍ਞਾ ਯਞ੍ਚ ਆਦੀਨਵੇ ਞਾਣਂ ਯਾ ਚ ਨਿਬ੍ਬਿਦਾ, ਇਮੇ ਧਮ੍ਮਾ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਂ.
ਯਾ ਚ ਅਨਤ੍ਤਾਨੁਪਸ੍ਸਨਾ ਯਾ ਚ ਸੁਞ੍ਞਤਾਨੁਪਸ੍ਸਨਾ, ਇਮੇ ਧਮ੍ਮਾ ਨਾਨਤ੍ਥਾ ਚੇਵ ਨਾਨਾਬ੍ਯਞ੍ਜਨਾ ਚ, ਉਦਾਹੁ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਨ੍ਤਿ? ਯਾ ਚ ਅਨਤ੍ਤਾਨੁਪਸ੍ਸਨਾ ਯਾ ਚ ਸੁਞ੍ਞਤਾਨੁਪਸ੍ਸਨਾ, ਇਮੇ ਧਮ੍ਮਾ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਂ.
ਅਨਿਚ੍ਚਤੋ ਮਨਸਿਕਰੋਤੋ ਕਿਂ ਪਟਿਸਙ੍ਖਾ ਞਾਣਂ ਉਪ੍ਪਜ੍ਜਤਿ? ਦੁਕ੍ਖਤੋ ਮਨਸਿਕਰੋਤੋ ਕਿਂ ਪਟਿਸਙ੍ਖਾ ਞਾਣਂ ਉਪ੍ਪਜ੍ਜਤਿ? ਅਨਤ੍ਤਤੋ ਮਨਸਿਕਰੋਤੋ ਕਿਂ ਪਟਿਸਙ੍ਖਾ ਞਾਣਂ ਉਪ੍ਪਜ੍ਜਤਿ? ਅਨਿਚ੍ਚਤੋ ਮਨਸਿਕਰੋਤੋ ਨਿਮਿਤ੍ਤਂ ਪਟਿਸਙ੍ਖਾ ਞਾਣਂ ਉਪ੍ਪਜ੍ਜਤਿ. ਦੁਕ੍ਖਤੋ ਮਨਸਿਕਰੋਤੋ ਪਵਤ੍ਤਂ ਪਟਿਸਙ੍ਖਾ ਞਾਣਂ ਉਪ੍ਪਜ੍ਜਤਿ. ਅਨਤ੍ਤਤੋ ਮਨਸਿਕਰੋਤੋ ਨਿਮਿਤ੍ਤਞ੍ਚ ਪਵਤ੍ਤਞ੍ਚ ਪਟਿਸਙ੍ਖਾ ਞਾਣਂ ਉਪ੍ਪਜ੍ਜਤਿ.
ਯਾ ਚ ਮੁਚ੍ਚਿਤੁਕਮ੍ਯਤਾ ਯਾ ਚ ਪਟਿਸਙ੍ਖਾਨੁਪਸ੍ਸਨਾ ਯਾ ਚ ਸਙ੍ਖਾਰੁਪੇਕ੍ਖਾ, ਇਮੇ ਧਮ੍ਮਾ ਨਾਨਤ੍ਥਾ ਚੇਵ ਨਾਨਾਬ੍ਯਞ੍ਜਨਾ ਚ, ਉਦਾਹੁ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਨ੍ਤਿ? ਯਾ ਚ ਮੁਚ੍ਚਿਤੁਕਮ੍ਯਤਾ ਯਾ ਚ ਪਟਿਸਙ੍ਖਾਨੁਪਸ੍ਸਨਾ ਯਾ ਚ ਸਙ੍ਖਾਰੁਪੇਕ੍ਖਾ, ਇਮੇ ਧਮ੍ਮਾ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਂ.
ਅਨਿਚ੍ਚਤੋ ਮਨਸਿਕਰੋਤੋ ਕੁਤੋ ਚਿਤ੍ਤਂ ਵੁਟ੍ਠਾਤਿ, ਕਤ੍ਥ ਚਿਤ੍ਤਂ ਪਕ੍ਖਨ੍ਦਤਿ? ਦੁਕ੍ਖਤੋ ਮਨਸਿਕਰੋਤੋ ਕੁਤੋ ਚਿਤ੍ਤਂ ਵੁਟ੍ਠਾਤਿ, ਕਤ੍ਥ ਚਿਤ੍ਤਂ ਪਕ੍ਖਨ੍ਦਤਿ? ਅਨਤ੍ਤਤੋ ਮਨਸਿਕਰੋਤੋ ਕੁਤੋ ਚਿਤ੍ਤਂ ਵੁਟ੍ਠਾਤਿ, ਕਤ੍ਥ ਚਿਤ੍ਤਂ ਪਕ੍ਖਨ੍ਦਤਿ? ਅਨਿਚ੍ਚਤੋ ਮਨਸਿਕਰੋਤੋ ਨਿਮਿਤ੍ਤਾ ਚਿਤ੍ਤਂ ਵੁਟ੍ਠਾਤਿ, ਅਨਿਮਿਤ੍ਤੇ ਚਿਤ੍ਤਂ ਪਕ੍ਖਨ੍ਦਤਿ. ਦੁਕ੍ਖਤੋ ਮਨਸਿਕਰੋਤੋ ਪਵਤ੍ਤਾ ਚਿਤ੍ਤਂ ਵੁਟ੍ਠਾਤਿ, ਅਪ੍ਪਵਤ੍ਤੇ ਚਿਤ੍ਤਂ ਪਕ੍ਖਨ੍ਦਤਿ. ਅਨਤ੍ਤਤੋ ਮਨਸਿਕਰੋਤੋ ਨਿਮਿਤ੍ਤਾ ਚ ਪਵਤ੍ਤਾ ਚ ਚਿਤ੍ਤਂ ਵੁਟ੍ਠਾਤਿ, ਅਨਿਮਿਤ੍ਤੇ ਅਪ੍ਪਵਤ੍ਤੇ ਨਿਰੋਧੇ ਨਿਬ੍ਬਾਨਧਾਤੁਯਾ [ਨਿਰੋਧਨਿਬ੍ਬਾਨਧਾਤੁਯਾ (ਸੀ.)] ਚਿਤ੍ਤਂ ਪਕ੍ਖਨ੍ਦਤਿ.
ਯਾ ਚ ਬਹਿਦ੍ਧਾਵੁਟ੍ਠਾਨਵਿਵਟ੍ਟਨੇ ਪਞ੍ਞਾ ਯੇ ਚ ਗੋਤ੍ਰਭੂ ਧਮ੍ਮਾ, ਇਮੇ ਧਮ੍ਮਾ ਨਾਨਤ੍ਥਾ ਚੇਵ ਨਾਨਾਬ੍ਯਞ੍ਜਨਾ ਚ, ਉਦਾਹੁ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਨ੍ਤਿ? ਯਾ ਚ ਬਹਿਦ੍ਧਾਵੁਟ੍ਠਾਨਵਿਵਟ੍ਟਨੇ ਪਞ੍ਞਾ ਯੇ ਚ ਗੋਤ੍ਰਭੂ ਧਮ੍ਮਾ, ਇਮੇ ਧਮ੍ਮਾ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਂ.
ਅਨਿਚ੍ਚਤੋ ਮਨਸਿਕਰੋਨ੍ਤੋ ਕਤਮੇਨ ਵਿਮੋਕ੍ਖੇਨ ਵਿਮੁਚ੍ਚਤਿ? ਦੁਕ੍ਖਤੋ ਮਨਸਿਕਰੋਨ੍ਤੋ ਕਤਮੇਨ ਵਿਮੋਕ੍ਖੇਨ ਵਿਮੁਚ੍ਚਤਿ? ਅਨਤ੍ਤਤੋ ਮਨਸਿਕਰੋਨ੍ਤੋ ਕਤਮੇਨ ਵਿਮੋਕ੍ਖੇਨ ਵਿਮੁਚ੍ਚਤਿ? ਅਨਿਚ੍ਚਤੋ ਮਨਸਿਕਰੋਨ੍ਤੋ ਅਨਿਮਿਤ੍ਤਵਿਮੋਕ੍ਖੇਨ ਵਿਮੁਚ੍ਚਤਿ. ਦੁਕ੍ਖਤੋ ਮਨਸਿਕਰੋਨ੍ਤੋ ਅਪ੍ਪਣਿਹਿਤਵਿਮੋਕ੍ਖੇਨ ਵਿਮੁਚ੍ਚਤਿ. ਅਨਤ੍ਤਤੋ ਮਨਸਿਕਰੋਨ੍ਤੋ ਸੁਞ੍ਞਤਵਿਮੋਕ੍ਖੇਨ ਵਿਮੁਚ੍ਚਤਿ. ਯਾ ਚ ਦੁਭਤੋਵੁਟ੍ਠਾਨਵਿਵਟ੍ਟਨੇ ਪਞ੍ਞਾ ਯਞ੍ਚ ਮਗ੍ਗੇ ਞਾਣਂ, ਇਮੇ ਧਮ੍ਮਾ ਨਾਨਤ੍ਥਾ ਚੇਵ ਨਾਨਾਬ੍ਯਞ੍ਜਨਾ ਚ, ਉਦਾਹੁ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਨ੍ਤਿ? ਯਾ ਚ ਦੁਭਤੋਵੁਟ੍ਠਾਨਵਿਵਟ੍ਟਨੇ ਪਞ੍ਞਾ ਯਞ੍ਚ ਮਗ੍ਗੇ ਞਾਣਂ, ਇਮੇ ਧਮ੍ਮਾ ਏਕਤ੍ਥਾ, ਬ੍ਯਞ੍ਜਨਮੇਵ ਨਾਨਂ.
੨੨੮. ਕਤਿਹਾਕਾਰੇਹਿ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ [ਨਾਨਾਖਣੇ (ਸ੍ਯਾ. ਕ.)] ਹੋਨ੍ਤਿ? ਕਤਿਹਾਕਾਰੇਹਿ ਤਯੋ ਵਿਮੋਕ੍ਖਾ ਏਕਕ੍ਖਣੇ ਹੋਨ੍ਤਿ? ਚਤੂਹਾਕਾਰੇਹਿ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ. ਸਤ੍ਤਹਾਕਾਰੇਹਿ ਤਯੋ ਵਿਮੋਕ੍ਖਾ ਏਕਕ੍ਖਣੇ ਹੋਨ੍ਤਿ.
ਕਤਮੇਹਿ ਚਤੂਹਾਕਾਰੇਹਿ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ? ਆਧਿਪਤੇਯ੍ਯਟ੍ਠੇਨ, ਅਧਿਟ੍ਠਾਨਟ੍ਠੇਨ, ਅਭਿਨੀਹਾਰਟ੍ਠੇਨ, ਨਿਯ੍ਯਾਨਟ੍ਠੇਨ. ਕਥਂ ਆਧਿਪਤੇਯ੍ਯਟ੍ਠੇਨ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ? ਅਨਿਚ੍ਚਤੋ ਮਨਸਿਕਰੋਤੋ ਅਨਿਮਿਤ੍ਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਦੁਕ੍ਖਤੋ ਮਨਸਿਕਰੋਤੋ ਅਪ੍ਪਣਿਹਿਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ, ਅਨਤ੍ਤਤੋ ਮਨਸਿਕਰੋਤੋ ਸੁਞ੍ਞਤੋ ਵਿਮੋਕ੍ਖੋ ਆਧਿਪਤੇਯ੍ਯੋ ਹੋਤਿ. ਏਵਂ ਆਧਿਪਤੇਯ੍ਯਟ੍ਠੇਨ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ.
ਕਥਂ ਅਧਿਟ੍ਠਾਨਟ੍ਠੇਨ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ? ਅਨਿਚ੍ਚਤੋ ਮਨਸਿਕਰੋਨ੍ਤੋ ਅਨਿਮਿਤ੍ਤਵਿਮੋਕ੍ਖਸ੍ਸ ਵਸੇਨ ਚਿਤ੍ਤਂ ਅਧਿਟ੍ਠਾਤਿ, ਦੁਕ੍ਖਤੋ ਮਨਸਿਕਰੋਨ੍ਤੋ ਅਪ੍ਪਣਿਹਿਤਵਿਮੋਕ੍ਖਸ੍ਸ ਵਸੇਨ ਚਿਤ੍ਤਂ ਅਧਿਟ੍ਠਾਤਿ, ਅਨਤ੍ਤਤੋ ਮਨਸਿਕਰੋਨ੍ਤੋ ਸੁਞ੍ਞਤਵਿਮੋਕ੍ਖਸ੍ਸ ਵਸੇਨ ਚਿਤ੍ਤਂ ਅਧਿਟ੍ਠਾਤਿ. ਏਵਂ ਅਧਿਟ੍ਠਾਨਟ੍ਠੇਨ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ.
ਕਥਂ ਅਭਿਨੀਹਾਰਟ੍ਠੇਨ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ? ਅਨਿਚ੍ਚਤੋ ਮਨਸਿਕਰੋਨ੍ਤੋ ਅਨਿਮਿਤ੍ਤਵਿਮੋਕ੍ਖਸ੍ਸ ਵਸੇਨ ਚਿਤ੍ਤਂ ਅਭਿਨੀਹਰਤਿ, ਦੁਕ੍ਖਤੋ ਮਨਸਿਕਰੋਨ੍ਤੋ ਅਪ੍ਪਣਿਹਿਤਵਿਮੋਕ੍ਖਸ੍ਸ ਵਸੇਨ ਚਿਤ੍ਤਂ ਅਭਿਨੀਹਰਤਿ, ਅਨਤ੍ਤਤੋ ਮਨਸਿਕਰੋਨ੍ਤੋ ਸੁਞ੍ਞਤਵਿਮੋਕ੍ਖਸ੍ਸ ਵਸੇਨ ਚਿਤ੍ਤਂ ਅਭਿਨੀਹਰਤਿ. ਏਵਂ ਅਭਿਨੀਹਾਰਟ੍ਠੇਨ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ.
ਕਥਂ ਨਿਯ੍ਯਾਨਟ੍ਠੇਨ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ? ਅਨਿਚ੍ਚਤੋ ਮਨਸਿਕਰੋਨ੍ਤੋ ਅਨਿਮਿਤ੍ਤਵਿਮੋਕ੍ਖਸ੍ਸ ਵਸੇਨ ਨਿਰੋਧਂ ਨਿਬ੍ਬਾਨਂ ਨਿਯ੍ਯਾਤਿ, ਦੁਕ੍ਖਤੋ ਮਨਸਿਕਰੋਨ੍ਤੋ ਅਪ੍ਪਣਿਹਿਤਵਿਮੋਕ੍ਖਸ੍ਸ ਵਸੇਨ ਨਿਰੋਧਂ ਨਿਬ੍ਬਾਨਂ ਨਿਯ੍ਯਾਤਿ, ਅਨਤ੍ਤਤੋ ਮਨਸਿਕਰੋਨ੍ਤੋ ਸੁਞ੍ਞਤਵਿਮੋਕ੍ਖਸ੍ਸ ਵਸੇਨ ਨਿਰੋਧਂ ਨਿਬ੍ਬਾਨਂ ਨਿਯ੍ਯਾਤਿ. ਏਵਂ ਨਿਯ੍ਯਾਨਟ੍ਠੇਨ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ. ਇਮੇਹਿ ਚਤੂਹਾਕਾਰੇਹਿ ਤਯੋ ਵਿਮੋਕ੍ਖਾ ਨਾਨਾਕ੍ਖਣੇ ਹੋਨ੍ਤਿ.
ਕਤਮੇਹਿ ਸਤ੍ਤਹਾਕਾਰੇਹਿ ਤਯੋ ਵਿਮੋਕ੍ਖਾ ਏਕਕ੍ਖਣੇ ਹੋਨ੍ਤਿ? ਸਮੋਧਾਨਟ੍ਠੇਨ, ਅਧਿਗਮਨਟ੍ਠੇਨ, ਪਟਿਲਾਭਟ੍ਠੇਨ ਪਟਿਵੇਧਟ੍ਠੇਨ, ਸਚ੍ਛਿਕਿਰਿਯਟ੍ਠੇਨ, ਫਸ੍ਸਨਟ੍ਠੇਨ, ਅਭਿਸਮਯਟ੍ਠੇਨ. ਕਥਂ ਸਮੋਧਾਨਟ੍ਠੇਨ ਅਧਿਗਮਨਟ੍ਠੇਨ ਪਟਿਲਾਭਟ੍ਠੇਨ ਪਟਿਵੇਧਟ੍ਠੇਨ ਸਚ੍ਛਿਕਿਰਿਯਟ੍ਠੇਨ ਫਸ੍ਸਨਟ੍ਠੇਨ ਅਭਿਸਮਯਟ੍ਠੇਨ ਤਯੋ ਵਿਮੋਕ੍ਖਾ ਏਕਕ੍ਖਣੇ ਹੋਨ੍ਤਿ? ਅਨਿਚ੍ਚਤੋ ਮਨਸਿਕਰੋਨ੍ਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਯਤੋ ਮੁਚ੍ਚਤਿ, ਤਤ੍ਥ ਨ ਪਣਿਦਹਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਯਤ੍ਥ ਨ ਪਣਿਦਹਤਿ, ਤੇਨ ਸੁਞ੍ਞੋਤਿ – ਸੁਞ੍ਞਤੋ ਵਿਮੋਕ੍ਖੋ. ਯੇਨ ਸੁਞ੍ਞੋ, ਤੇਨ ਨਿਮਿਤ੍ਤੇਨ ਅਨਿਮਿਤ੍ਤੋਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਏਵਂ ਸਮੋਧਾਨਟ੍ਠੇਨ ਅਧਿਗਮਨਟ੍ਠੇਨ ਪਟਿਲਾਭਟ੍ਠੇਨ ਪਟਿਵੇਧਟ੍ਠੇਨ ਸਚ੍ਛਿਕਿਰਿਯਟ੍ਠੇਨ ਫਸ੍ਸਨਟ੍ਠੇਨ ਅਭਿਸਮਯਟ੍ਠੇਨ ਤਯੋ ਵਿਮੋਕ੍ਖਾ ਏਕਕ੍ਖਣੇ ਹੋਨ੍ਤਿ.
ਦੁਕ੍ਖਤੋ ਮਨਸਿਕਰੋਨ੍ਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਯਤ੍ਥ ਨ ਪਣਿਦਹਤਿ, ਤੇਨ ਸੁਞ੍ਞੋਤਿ – ਸੁਞ੍ਞਤੋ ਵਿਮੋਕ੍ਖੋ. ਯੇਨ ਸੁਞ੍ਞੋ, ਤੇਨ ਨਿਮਿਤ੍ਤੇਨ ਅਨਿਮਿਤ੍ਤੋਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਯੇਨ ਨਿਮਿਤ੍ਤੇਨ ਅਨਿਮਿਤ੍ਤੋ, ਤਤ੍ਥ ਨ ਪਣਿਦਹਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਏਵਂ ਸਮੋਧਾਨਟ੍ਠੇਨ ਅਧਿਗਮਨਟ੍ਠੇਨ ਪਟਿਲਾਭਟ੍ਠੇਨ ਪਟਿਵੇਧਟ੍ਠੇਨ ਸਚ੍ਛਿਕਿਰਿਯਟ੍ਠੇਨ ਫਸ੍ਸਨਟ੍ਠੇਨ ਅਭਿਸਮਯਟ੍ਠੇਨ ਤਯੋ ਵਿਮੋਕ੍ਖਾ ਏਕਕ੍ਖਣੇ ਹੋਨ੍ਤਿ.
ਅਨਤ੍ਤਤੋ ਮਨਸਿਕਰੋਨ੍ਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਯੇਨ ਸੁਞ੍ਞੋ, ਤੇਨ ਨਿਮਿਤ੍ਤੇਨ ਅਨਿਮਿਤ੍ਤੋਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਯੇਨ ਨਿਮਿਤ੍ਤੇਨ ਅਨਿਮਿਤ੍ਤੋ, ਤਤ੍ਥ ਨ ਪਣਿਦਹਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਯਤ੍ਥ ਨ ਪਣਿਦਹਤਿ, ਤੇਨ ਸੁਞ੍ਞੋਤਿ – ਸੁਞ੍ਞਤੋ ਵਿਮੋਕ੍ਖੋ. ਏਵਂ ਸਮੋਧਾਨਟ੍ਠੇਨ ਅਧਿਗਮਨਟ੍ਠੇਨ ਪਟਿਲਾਭਟ੍ਠੇਨ ਪਟਿਵੇਧਟ੍ਠੇਨ ਸਚ੍ਛਿਕਿਰਿਯਟ੍ਠੇਨ ਫਸ੍ਸਨਟ੍ਠੇਨ ਅਭਿਸਮਯਟ੍ਠੇਨ ਤਯੋ ਵਿਮੋਕ੍ਖਾ ਏਕਕ੍ਖਣੇ ਹੋਨ੍ਤਿ. ਇਮੇਹਿ ਸਤ੍ਤਹਾਕਾਰੇਹਿ ਤਯੋ ਵਿਮੋਕ੍ਖਾ ਏਕਕ੍ਖਣੇ ਹੋਨ੍ਤਿ.
੨੨੯. ਅਤ੍ਥਿ ਵਿਮੋਕ੍ਖੋ, ਅਤ੍ਥਿ ਮੁਖਂ, ਅਤ੍ਥਿ ਵਿਮੋਕ੍ਖਮੁਖਂ, ਅਤ੍ਥਿ ਵਿਮੋਕ੍ਖਪਚ੍ਚਨੀਕਂ, ਅਤ੍ਥਿ ਵਿਮੋਕ੍ਖਾਨੁਲੋਮਂ, ਅਤ੍ਥਿ ਵਿਮੋਕ੍ਖਵਿਵਟ੍ਟੋ, ਅਤ੍ਥਿ ਵਿਮੋਕ੍ਖਭਾਵਨਾ, ਅਤ੍ਥਿ ਵਿਮੋਕ੍ਖਪ੍ਪਟਿਪ੍ਪਸ੍ਸਦ੍ਧਿ.
ਕਤਮੋ ਵਿਮੋਕ੍ਖੋ? ਸੁਞ੍ਞਤੋ ਵਿਮੋਕ੍ਖੋ, ਅਨਿਮਿਤ੍ਤੋ ਵਿਮੋਕ੍ਖੋ, ਅਪ੍ਪਣਿਹਿਤੋ ਵਿਮੋਕ੍ਖੋ. ਕਤਮੋ ਸੁਞ੍ਞਤੋ ਵਿਮੋਕ੍ਖੋ? ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਦੁਕ੍ਖਾਨੁਪਸ੍ਸਨਾਞਾਣਂ ਸੁਖਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਅਨਤ੍ਤਾਨੁਪਸ੍ਸਨਾਞਾਣਂ ਅਤ੍ਤਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਨਿਬ੍ਬਿਦਾਨੁਪਸ੍ਸਨਾਞਾਣਂ ਨਨ੍ਦਿਯਾ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਵਿਰਾਗਾਨੁਪਸ੍ਸਨਾਞਾਣਂ ਰਾਗਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਨਿਰੋਧਾਨੁਪਸ੍ਸਨਾਞਾਣਂ ਸਮੁਦਯਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ ਆਦਾਨਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਨਿਮਿਤ੍ਤਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਪਣਿਧਿਯਾ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਸੁਞ੍ਞਤਾਨੁਪਸ੍ਸਨਾਞਾਣਂ ਸਬ੍ਬਾਭਿਨਿਵੇਸੇਹਿ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ.
ਰੂਪੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ…ਪੇ… ਰੂਪੇ ਸੁਞ੍ਞਤਾਨੁਪਸ੍ਸਨਾਞਾਣਂ ਸਬ੍ਬਾਭਿਨਿਵੇਸੇਹਿ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਵੇਦਨਾਯ…ਪੇ… ਸਞ੍ਞਾਯ… ਸਙ੍ਖਾਰੇਸੁ… ਵਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਅਭਿਨਿਵੇਸਾ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ…ਪੇ… ਜਰਾਮਰਣੇ ਸੁਞ੍ਞਤਾਨੁਪਸ੍ਸਨਾਞਾਣਂ ਸਬ੍ਬਾਭਿਨਿਵੇਸੇਹਿ ਮੁਚ੍ਚਤੀਤਿ – ਸੁਞ੍ਞਤੋ ਵਿਮੋਕ੍ਖੋ. ਅਯਂ ਸੁਞ੍ਞਤੋ ਵਿਮੋਕ੍ਖੋ.
ਕਤਮੋ ਅਨਿਮਿਤ੍ਤੋ ਵਿਮੋਕ੍ਖੋ? ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਦੁਕ੍ਖਾਨੁਪਸ੍ਸਨਾਞਾਣਂ ਸੁਖਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਅਨਤ੍ਤਾਨੁਪਸ੍ਸਨਾਞਾਣਂ ਅਤ੍ਤਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਨਿਬ੍ਬਿਦਾਨੁਪਸ੍ਸਨਾਞਾਣਂ ਨਨ੍ਦਿਯਾ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਵਿਰਾਗਾਨੁਪਸ੍ਸਨਾਞਾਣਂ ਰਾਗਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਨਿਰੋਧਾਨੁਪਸ੍ਸਨਾਞਾਣਂ ਸਮੁਦਯਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ ਆਦਾਨਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਸਬ੍ਬਨਿਮਿਤ੍ਤੇਹਿ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਪਣਿਧਿਯਾ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ.
ਰੂਪੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ …ਪੇ… ਰੂਪੇ ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਸਬ੍ਬਨਿਮਿਤ੍ਤੇਹਿ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਰੂਪੇ ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਪਣਿਧਿਯਾ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਰੂਪੇ ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਵੇਦਨਾਯ…ਪੇ… ਸਞ੍ਞਾਯ… ਸਙ੍ਖਾਰੇਸੁ… ਵਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ…ਪੇ… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾਞਾਣਂ ਸਬ੍ਬਨਿਮਿਤ੍ਤੇਹਿ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਜਰਾਮਰਣੇ ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਪਣਿਧਿਯਾ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਜਰਾਮਰਣੇ ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਨਿਮਿਤ੍ਤਾ ਮੁਚ੍ਚਤੀਤਿ – ਅਨਿਮਿਤ੍ਤੋ ਵਿਮੋਕ੍ਖੋ. ਅਯਂ ਅਨਿਮਿਤ੍ਤੋ ਵਿਮੋਕ੍ਖੋ.
ਕਤਮੋ ਅਪ੍ਪਣਿਹਿਤੋ ਵਿਮੋਕ੍ਖੋ? ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਦੁਕ੍ਖਾਨੁਪਸ੍ਸਨਾਞਾਣਂ ਸੁਖਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਅਨਤ੍ਤਾਨੁਪਸ੍ਸਨਾਞਾਣਂ ਅਤ੍ਤਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਨਿਬ੍ਬਿਦਾਨੁਪਸ੍ਸਨਾਞਾਣਂ ਨਨ੍ਦਿਯਾ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਵਿਰਾਗਾਨੁਪਸ੍ਸਨਾਞਾਣਂ ਰਾਗਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਨਿਰੋਧਾਨੁਪਸ੍ਸਨਾਞਾਣਂ ਸਮੁਦਯਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਪਟਿਨਿਸ੍ਸਗ੍ਗਾਨੁਪਸ੍ਸਨਾਞਾਣਂ ਆਦਾਨਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਅਨਿਮਿਤ੍ਤਾਨੁਪਸ੍ਸਨਾਞਾਣਂ ਨਿਮਿਤ੍ਤਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਸਬ੍ਬਪਣਿਧੀਹਿ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ.
ਰੂਪੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ…ਪੇ… ਰੂਪੇ ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਸਬ੍ਬਪਣਿਧੀਹਿ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਰੂਪੇ ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਵੇਦਨਾਯ…ਪੇ… ਸਞ੍ਞਾਯ… ਸਙ੍ਖਾਰੇਸੁ… ਵਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾਞਾਣਂ ਨਿਚ੍ਚਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ…ਪੇ… ਜਰਾਮਰਣੇ ਅਪ੍ਪਣਿਹਿਤਾਨੁਪਸ੍ਸਨਾਞਾਣਂ ਸਬ੍ਬਪਣਿਧੀਹਿ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਜਰਾਮਰਣੇ ਸੁਞ੍ਞਤਾਨੁਪਸ੍ਸਨਾਞਾਣਂ ਅਭਿਨਿਵੇਸਤੋ ਪਣਿਧਿਯਾ ਮੁਚ੍ਚਤੀਤਿ – ਅਪ੍ਪਣਿਹਿਤੋ ਵਿਮੋਕ੍ਖੋ. ਅਯਂ ਅਪ੍ਪਣਿਹਿਤੋ ਵਿਮੋਕ੍ਖੋ. ਅਯਂ ਵਿਮੋਕ੍ਖੋ.
੨੩੦. ਕਤਮਂ ਮੁਖਂ? ਯੇ ਤਤ੍ਥ ਜਾਤਾ ਅਨਵਜ੍ਜਾ ਕੁਸਲਾ ਬੋਧਿਪਕ੍ਖਿਯਾਧਮ੍ਮਾ, ਇਦਂ ਮੁਖਂ.
ਕਤਮਂ ਵਿਮੋਕ੍ਖਮੁਖਂ? ਯਂ ਤੇਸਂ ਧਮ੍ਮਾਨਂ ਆਰਮ੍ਮਣਂ ਨਿਰੋਧੋ ਨਿਬ੍ਬਾਨਂ, ਇਦਂ ਵਿਮੋਕ੍ਖਮੁਖਂ. ਵਿਮੋਕ੍ਖਞ੍ਚ ਮੁਖਞ੍ਚ ਵਿਮੋਕ੍ਖਮੁਖਂ, ਇਦਂ ਵਿਮੋਕ੍ਖਮੁਖਂ.
ਕਤਮਂ ਵਿਮੋਕ੍ਖਪਚ੍ਚਨੀਕਂ? ਤੀਣਿ ਅਕੁਸਲਮੂਲਾਨਿ ਵਿਮੋਕ੍ਖਪਚ੍ਚਨੀਕਾਨਿ, ਤੀਣਿ ਦੁਚ੍ਚਰਿਤਾਨਿ ਵਿਮੋਕ੍ਖਪਚ੍ਚਨੀਕਾਨਿ, ਸਬ੍ਬੇਪਿ ਅਕੁਸਲਾ ਧਮ੍ਮਾ ਵਿਮੋਕ੍ਖਪਚ੍ਚਨੀਕਾ, ਇਦਂ ਵਿਮੋਕ੍ਖਪਚ੍ਚਨੀਕਂ.
ਕਤਮਂ ਵਿਮੋਕ੍ਖਾਨੁਲੋਮਂ? ਤੀਣਿ ਕੁਸਲਮੂਲਾਨਿ ਵਿਮੋਕ੍ਖਾਨੁਲੋਮਾਨਿ, ਤੀਣਿ ਸੁਚਰਿਤਾਨਿ ਵਿਮੋਕ੍ਖਾਨੁਲੋਮਾਨਿ, ਸਬ੍ਬੇਪਿ ਕੁਸਲਾ ਧਮ੍ਮਾ ਵਿਮੋਕ੍ਖਾਨੁਲੋਮਾ, ਇਦਂ ਵਿਮੋਕ੍ਖਾਨੁਲੋਮਂ.
ਕਤਮੋ ਵਿਮੋਕ੍ਖਵਿਵਟ੍ਟੋ? ਸਞ੍ਞਾਵਿਵਟ੍ਟੋ, ਚੇਤੋਵਿਵਟ੍ਟੋ, ਚਿਤ੍ਤਵਿਵਟ੍ਟੋ, ਞਾਣਵਿਵਟ੍ਟੋ, ਵਿਮੋਕ੍ਖਵਿਵਟ੍ਟੋ, ਸਚ੍ਚਵਿਵਟ੍ਟੋ. ਸਞ੍ਜਾਨਨ੍ਤੋ ਵਿਵਟ੍ਟਤੀਤਿ – ਸਞ੍ਞਾਵਿਵਟ੍ਟੋ. ਚੇਤਯਨ੍ਤੋ ਵਿਵਟ੍ਟਤੀਤਿ – ਚੇਤੋਵਿਵਟ੍ਟੋ. ਵਿਜਾਨਨ੍ਤੋ ਵਿਵਟ੍ਟਤੀਤਿ – ਚਿਤ੍ਤਵਿਵਟ੍ਟੋ. ਞਾਣਂ ਕਰੋਨ੍ਤੋ ਵਿਵਟ੍ਟਤੀਤਿ – ਞਾਣਵਿਵਟ੍ਟੋ. ਵੋਸਜ੍ਜਨ੍ਤੋ ਵਿਵਟ੍ਟਤੀਤਿ – ਵਿਮੋਕ੍ਖਵਿਵਟ੍ਟੋ. ਤਥਟ੍ਠੇਨ ਵਿਵਟ੍ਟਤੀਤਿ – ਸਚ੍ਚਵਿਵਟ੍ਟੋ.
ਯਤ੍ਥ ਸਞ੍ਞਾਵਿਵਟ੍ਟੋ ਤਤ੍ਥ ਚੇਤੋਵਿਵਟ੍ਟੋ, ਯਤ੍ਥ ਚੇਤੋਵਿਵਟ੍ਟੋ ਤਤ੍ਥ ਸਞ੍ਞਾਵਿਵਟ੍ਟੋ, ਯਤ੍ਥ ਸਞ੍ਞਾਵਿਵਟ੍ਟੋ ਚੇਤੋਵਿਵਟ੍ਟੋ ਤਤ੍ਥ ਚਿਤ੍ਤਵਿਵਟ੍ਟੋ, ਯਤ੍ਥ ਚਿਤ੍ਤਵਿਵਟ੍ਟੋ ਤਤ੍ਥ ਸਞ੍ਞਾਵਿਵਟ੍ਟੋ ਚੇਤੋਵਿਵਟ੍ਟੋ. ਯਤ੍ਥ ਸਞ੍ਞਾਵਿਵਟ੍ਟੋ ਚੇਤੋਵਿਵਟ੍ਟੋ ਚਿਤ੍ਤਵਿਵਟ੍ਟੋ ਤਤ੍ਥ ਞਾਣਵਿਵਟ੍ਟੋ, ਯਤ੍ਥ ਞਾਣਵਿਵਟ੍ਟੋ ਤਤ੍ਥ ਸਞ੍ਞਾਵਿਵਟ੍ਟੋ ਚੇਤੋਵਿਵਟ੍ਟੋ ਚਿਤ੍ਤਵਿਵਟ੍ਟੋ. ਯਤ੍ਥ ਸਞ੍ਞਾਵਿਵਟ੍ਟੋ ਚੇਤੋਵਿਵਟ੍ਟੋ ਚਿਤ੍ਤਵਿਵਟ੍ਟੋ ਞਾਣਵਿਵਟ੍ਟੋ ਤਤ੍ਥ ਵਿਮੋਕ੍ਖਵਿਵਟ੍ਟੋ, ਯਤ੍ਥ ਵਿਮੋਕ੍ਖਵਿਵਟ੍ਟੋ ਤਤ੍ਥ ਸਞ੍ਞਾਵਿਵਟ੍ਟੋ ਚੇਤੋਵਿਵਟ੍ਟੋ ਚਿਤ੍ਤਵਿਵਟ੍ਟੋ ਞਾਣਵਿਵਟ੍ਟੋ. ਯਤ੍ਥ ਸਞ੍ਞਾਵਿਵਟ੍ਟੋ ਚੇਤੋਵਿਵਟ੍ਟੋ ਚਿਤ੍ਤਵਿਵਟ੍ਟੋ ਞਾਣਵਿਵਟ੍ਟੋ ਵਿਮੋਕ੍ਖਵਿਵਟ੍ਟੋ ਤਤ੍ਥ ਸਚ੍ਚਵਿਵਟ੍ਟੋ, ਯਤ੍ਥ ਸਚ੍ਚਵਿਵਟ੍ਟੋ ਤਤ੍ਥ ਸਞ੍ਞਾਵਿਵਟ੍ਟੋ ਚੇਤੋਵਿਵਟ੍ਟੋ ਚਿਤ੍ਤਵਿਵਟ੍ਟੋ ਞਾਣਵਿਵਟ੍ਟੋ ਵਿਮੋਕ੍ਖਵਿਵਟ੍ਟੋ. ਅਯਂ ਵਿਮੋਕ੍ਖਵਿਵਟ੍ਟੋ.
ਕਤਮਾ ਵਿਮੋਕ੍ਖਭਾਵਨਾ? ਪਠਮਸ੍ਸ ਝਾਨਸ੍ਸ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਦੁਤਿਯਸ੍ਸ ਝਾਨਸ੍ਸ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਤਤਿਯਸ੍ਸ ਝਾਨਸ੍ਸ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਚਤੁਤ੍ਥਸ੍ਸ ਝਾਨਸ੍ਸ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਆਕਾਸਾਨਞ੍ਚਾਯਤਨਸਮਾਪਤ੍ਤਿਯਾ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿਯਾ…ਪੇ… ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਯਾ… ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਸੋਤਾਪਤ੍ਤਿਮਗ੍ਗਸ੍ਸ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਸਕਦਾਗਾਮਿਮਗ੍ਗਸ੍ਸ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਅਨਾਗਾਮਿਮਗ੍ਗਸ੍ਸ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਅਰਹਤ੍ਤਮਗ੍ਗਸ੍ਸ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ, ਅਯਂ ਵਿਮੋਕ੍ਖਭਾਵਨਾ.
ਕਤਮਾ ਵਿਮੋਕ੍ਖਪ੍ਪਟਿਪ੍ਪਸ੍ਸਦ੍ਧਿ? ਪਠਮਸ੍ਸ ਝਾਨਸ੍ਸ ਪਟਿਲਾਭੋ ਵਾ ਵਿਪਾਕੋ ਵਾ, ਦੁਤਿਯਸ੍ਸ ਝਾਨਸ੍ਸ ਪਟਿਲਾਭੋ ਵਾ ਵਿਪਾਕੋ ਵਾ, ਤਤਿਯਸ੍ਸ ਝਾਨਸ੍ਸ…ਪੇ… ਚਤੁਤ੍ਥਸ੍ਸ ਝਾਨਸ੍ਸ… ਆਕਾਸਾਨਞ੍ਚਾਯਤਨਸਮਾਪਤ੍ਤਿਯਾ… ਵਿਞ੍ਞਾਣਞ੍ਚਾਯਤਨਸਮਾਪਤ੍ਤਿਯਾ… ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਯਾ… ਨੇਵਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਪਟਿਲਾਭੋ ਵਾ ਵਿਪਾਕੋ ਵਾ, ਸੋਤਾਪਤ੍ਤਿਮਗ੍ਗਸ੍ਸ ਸੋਤਾਪਤ੍ਤਿਫਲਂ, ਸਕਦਾਗਾਮਿਮਗ੍ਗਸ੍ਸ ਸਕਦਾਗਾਮਿਫਲਂ, ਅਨਾਗਾਮਿਮਗ੍ਗਸ੍ਸ ਅਨਾਗਾਮਿਫਲਂ, ਅਰਹਤ੍ਤਮਗ੍ਗਸ੍ਸ ਅਰਹਤ੍ਤਫਲਂ, ਅਯਂ ਵਿਮੋਕ੍ਖਪ੍ਪਟਿਪ੍ਪਸ੍ਸਦ੍ਧੀਤਿ.
ਤਤਿਯਭਾਣਵਾਰੋ.
ਵਿਮੋਕ੍ਖਕਥਾ ਨਿਟ੍ਠਿਤਾ.