੫. ਪਞ੍ਚਮਸਿਕ੍ਖਾਪਦਵਣ੍ਣਨਾ

੧੦੪੩. ਪਞ੍ਚਮੇ – ਕੁਲੇ ਮਚ੍ਛਰੋ ਕੁਲਮਚ੍ਛਰੋ, ਕੁਲਮਚ੍ਛਰੋ ਏਤਿਸ੍ਸਾ ਅਤ੍ਥੀਤਿ ਕੁਲਮਚ੍ਛਰਿਨੀ ਕੁਲਂ ਵਾ ਮਚ੍ਛਰਾਯਤੀਤਿ ਕੁਲਮਚ੍ਛਰਿਨੀ. ਕੁਲਸ੍ਸ ਅਵਣ੍ਣਨ੍ਤਿ ਤਂ ਕੁਲਂ ਅਸ੍ਸਦ੍ਧਂ ਅਪ੍ਪਸਨ੍ਨਨ੍ਤਿ. ਭਿਕ੍ਖੁਨੀਨਂ ਅਵਣ੍ਣਨ੍ਤਿ ਭਿਕ੍ਖੁਨਿਯੋ ਦੁਸ੍ਸੀਲਾ ਪਾਪਧਮ੍ਮਾਤਿ.

੧੦੪੫. ਸਨ੍ਤਂਯੇਵ ਆਦੀਨਵਨ੍ਤਿ ਕੁਲਸ੍ਸ ਵਾ ਭਿਕ੍ਖੁਨੀਨਂ ਵਾ ਸਨ੍ਤਂ ਅਗੁਣਂ. ਸੇਸਂ ਉਤ੍ਤਾਨਮੇਵ. ਤਿਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾਵਿਮੋਕ੍ਖਂ, ਸਚਿਤ੍ਤਕਂ, ਲੋਕਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਅਕੁਸਲਚਿਤ੍ਤਂ ਦੁਕ੍ਖਵੇਦਨਨ੍ਤਿ.

ਪਞ੍ਚਮਸਿਕ੍ਖਾਪਦਂ.