੧. ਪਠਮਸਿਕ੍ਖਾਪਦਵਣ੍ਣਨਾ

੧੦੨੫. ਆਰਾਮਵਗ੍ਗਸ੍ਸ ਪਠਮਸਿਕ੍ਖਾਪਦੇ – ਪਰਿਕ੍ਖੇਪਂ ਅਤਿਕ੍ਕਾਮੇਨ੍ਤਿਯਾ, ਉਪਚਾਰਂ ਓਕ੍ਕਮਨ੍ਤਿਯਾਤਿ ਏਤ੍ਥ ਪਠਮਪਾਦੇ ਦੁਕ੍ਕਟਂ, ਦੁਤਿਯਪਾਦੇ ਪਾਚਿਤ੍ਤਿਯਂ.

੧੦੨੭. ਸੀਸਾਨੁਲੋਕਿਕਾਤਿ ਪਠਮਂ ਪਵਿਸਨ੍ਤੀਨਂ ਭਿਕ੍ਖੁਨੀਨਂ ਸੀਸਂ ਅਨੁਲੋਕੇਨ੍ਤੀ ਪਵਿਸਤਿ, ਅਨਾਪਤ੍ਤਿ. ਯਤ੍ਥ ਭਿਕ੍ਖੁਨਿਯੋਤਿ ਯਤ੍ਥ ਭਿਕ੍ਖੁਨਿਯੋ ਪਠਮਤਰਂ ਪਵਿਸਿਤ੍ਵਾ ਸਜ੍ਝਾਯਚੇਤਿਯਵਨ੍ਦਨਾਦੀਨਿ ਕਰੋਨ੍ਤਿ, ਤਤ੍ਥ ਤਾਸਂ ਸਨ੍ਤਿਕਂ ਗਚ੍ਛਾਮੀਤਿ ਗਨ੍ਤੁਂ ਵਟ੍ਟਤਿ. ਆਪਦਾਸੂਤਿ ਕੇਨਚਿ ਉਪਦ੍ਦੁਤਾ ਹੋਤਿ, ਏਵਰੂਪਾਸੁ ਆਪਦਾਸੁ ਪਵਿਸਿਤੁਂ ਵਟ੍ਟਤਿ. ਸੇਸਂ ਉਤ੍ਤਾਨਮੇਵ.

ਧੁਰਨਿਕ੍ਖੇਪਸਮੁਟ੍ਠਾਨਂ – ਕਿਰਿਯਾਕਿਰਿਯਂ, ਸਞ੍ਞਾਵਿਮੋਕ੍ਖਂ, ਸਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਪਠਮਸਿਕ੍ਖਾਪਦਂ.