੧੦. ਦਸਮਸਿਕ੍ਖਾਪਦਵਣ੍ਣਨਾ

੯੭੩. ਦਸਮੇ – ਆਹੁਨ੍ਦਰਿਕਾਤਿ ਸਮ੍ਬਾਧਾ.

੯੭੫. ਧੁਰਂ ਨਿਕ੍ਖਿਤ੍ਤਮਤ੍ਤੇਤਿ ਸਚੇਪਿ ਧੁਰਂ ਨਿਕ੍ਖਿਪਿਤ੍ਵਾ ਪਚ੍ਛਾ ਪਕ੍ਕਮਤਿ, ਆਪਤ੍ਤਿਯੇਵਾਤਿ ਅਤ੍ਥੋ. ਪਵਾਰੇਤ੍ਵਾ ਪਞ੍ਚ ਯੋਜਨਾਨਿ ਗਚ੍ਛਨ੍ਤਿਯਾਪਿ ਅਨਾਪਤ੍ਤਿ. ਛਸੁ ਵਤ੍ਤਬ੍ਬਮੇਵ ਨਤ੍ਥਿ. ਸਚੇ ਪਨ ਤੀਣਿ ਗਨ੍ਤ੍ਵਾ ਤੇਨੇਵ ਮਗ੍ਗੇਨ ਪਚ੍ਚਾਗਚ੍ਛਤਿ, ਨ ਵਟ੍ਟਤਿ. ਅਞ੍ਞੇਨ ਮਗ੍ਗੇਨ ਆਗਨ੍ਤੁਂ ਵਟ੍ਟਤਿ.

੯੭੬. ਅਨ੍ਤਰਾਯੇਤਿ ਦਸਵਿਧੇ ਅਨ੍ਤਰਾਯੇ – ਪਰਂ ਗਚ੍ਛਿਸ੍ਸਾਮੀਤਿ ਨਿਕ੍ਖਨ੍ਤਾ, ਨਦੀਪੂਰੋ ਪਨ ਆਗਤੋ, ਚੋਰਾ ਵਾ ਮਗ੍ਗੇ ਹੋਨ੍ਤਿ, ਮੇਘੋ ਵਾ ਉਟ੍ਠਾਤਿ, ਨਿਵਤ੍ਤਿਤੁਂ ਵਟ੍ਟਤਿ. ਸੇਸਂ ਉਤ੍ਤਾਨਮੇਵ. ਪਠਮਪਾਰਾਜਿਕਸਮੁਟ੍ਠਾਨਂ – ਅਕਿਰਿਯਂ, ਸਞ੍ਞਾਵਿਮੋਕ੍ਖਂ, ਸਚਿਤ੍ਤਕਂ, ਲੋਕਵਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖਵੇਦਨਨ੍ਤਿ.

ਦਸਮਸਿਕ੍ਖਾਪਦਂ.

ਤੁਵਟ੍ਟਵਗ੍ਗੋ ਚਤੁਤ੍ਥੋ.