੧. ਪਚ੍ਚੁਪ੍ਪਨ੍ਨਵਾਰੋ

(ਕ) ਅਨੁਲੋਮਂ

੪੩੫. (ਕ) ਯੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤਿ ਸੋ ਸੋਤਿਨ੍ਦ੍ਰਿਯਂ ਪਰਿਜਾਨਾਤੀਤਿ? ਆਮਨ੍ਤਾ.

(ਖ) ਯੋ ਵਾ ਪਨ ਸੋਤਿਨ੍ਦ੍ਰਿਯਂ ਪਰਿਜਾਨਾਤਿ ਸੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤੀਤਿ? ਆਮਨ੍ਤਾ.

(ਕ) ਯੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਪਜਹਤੀਤਿ? ਨੋ.

(ਖ) ਯੋ ਵਾ ਪਨ ਦੋਮਨਸ੍ਸਿਨ੍ਦ੍ਰਿਯਂ ਪਜਹਤਿ ਸੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤੀਤਿ? ਨੋ.

(ਕ) ਯੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਭਾਵੇਤੀਤਿ? ਨੋ.

(ਖ) ਯੋ ਵਾ ਪਨ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਭਾਵੇਤਿ ਸੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤੀਤਿ? ਨੋ.

(ਕ) ਯੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤਿ ਸੋ ਅਞ੍ਞਿਨ੍ਦ੍ਰਿਯਂ ਭਾਵੇਤੀਤਿ? ਆਮਨ੍ਤਾ.

(ਖ) ਯੋ ਵਾ ਪਨ ਅਞ੍ਞਿਨ੍ਦ੍ਰਿਯਂ ਭਾਵੇਤਿ ਸੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤੀਤਿ?

ਦ੍ਵੇ ਪੁਗ੍ਗਲਾ ਅਞ੍ਞਿਨ੍ਦ੍ਰਿਯਂ ਭਾਵੇਨ੍ਤਿ, ਨੋ ਚ ਚਕ੍ਖੁਨ੍ਦ੍ਰਿਯਂ ਪਰਿਜਾਨਨ੍ਤਿ. ਅਗ੍ਗਮਗ੍ਗਸਮਙ੍ਗੀ ਅਞ੍ਞਿਨ੍ਦ੍ਰਿਯਞ੍ਚ ਭਾਵੇਤਿ ਚਕ੍ਖੁਨ੍ਦ੍ਰਿਯਞ੍ਚ ਪਰਿਜਾਨਾਤਿ.

(ਕ) ਯੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤਿ ਸੋ ਅਞ੍ਞਾਤਾਵਿਨ੍ਦ੍ਰਿਯਂ ਸਚ੍ਛਿਕਰੋਤੀਤਿ? ਨੋ.

(ਖ) ਯੋ ਵਾ ਪਨ ਅਞ੍ਞਾਤਾਵਿਨ੍ਦ੍ਰਿਯਂ ਸਚ੍ਛਿਕਰੋਤਿ ਸੋ ਚਕ੍ਖੁਨ੍ਦ੍ਰਿਯਂ ਪਰਿਜਾਨਾਤੀਤਿ? ਨੋ. (ਚਕ੍ਖੁਨ੍ਦ੍ਰਿਯਮੂਲਕਂ)

੪੩੬. (ਕ) ਯੋ ਦੋਮਨਸ੍ਸਿਨ੍ਦ੍ਰਿਯਂ ਪਜਹਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਭਾਵੇਤੀਤਿ? ਨੋ.

(ਖ) ਯੋ ਵਾ ਪਨ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਭਾਵੇਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਪਜਹਤੀਤਿ? ਨੋ.

(ਕ) ਯੋ ਦੋਮਨਸ੍ਸਿਨ੍ਦ੍ਰਿਯਂ ਪਜਹਤਿ ਸੋ ਅਞ੍ਞਿਨ੍ਦ੍ਰਿਯਂ ਭਾਵੇਤੀਤਿ? ਆਮਨ੍ਤਾ.

(ਖ) ਯੋ ਵਾ ਪਨ ਅਞ੍ਞਿਨ੍ਦ੍ਰਿਯਂ ਭਾਵੇਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਪਜਹਤੀਤਿ?

ਦ੍ਵੇ ਪੁਗ੍ਗਲਾ ਅਞ੍ਞਿਨ੍ਦ੍ਰਿਯਂ ਭਾਵੇਨ੍ਤਿ, ਨੋ ਚ ਦੋਮਨਸ੍ਸਿਨ੍ਦ੍ਰਿਯਂ ਪਜਹਨ੍ਤਿ. ਅਨਾਗਾਮਿਮਗ੍ਗਸਮਙ੍ਗੀ ਅਞ੍ਞਿਨ੍ਦ੍ਰਿਯਞ੍ਚ ਭਾਵੇਤਿ ਦੋਮਨਸ੍ਸਿਨ੍ਦ੍ਰਿਯਞ੍ਚ ਪਜਹਤਿ.

(ਕ) ਯੋ ਦੋਮਨਸ੍ਸਿਨ੍ਦ੍ਰਿਯਂ ਪਜਹਤਿ ਸੋ ਅਞ੍ਞਾਤਾਵਿਨ੍ਦ੍ਰਿਯਂ ਸਚ੍ਛਿਕਰੋਤੀਤਿ? ਨੋ.

(ਖ) ਯੋ ਵਾ ਪਨ ਅਞ੍ਞਾਤਾਵਿਨ੍ਦ੍ਰਿਯਂ ਸਚ੍ਛਿਕਰੋਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਪਜਹਤੀਤਿ? ਨੋ. (ਦੋਮਨਸ੍ਸਿਨ੍ਦ੍ਰਿਯਮੂਲਕਂ)

੪੩੭. (ਕ) ਯੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਭਾਵੇਤਿ ਸੋ ਅਞ੍ਞਿਨ੍ਦ੍ਰਿਯਂ ਭਾਵੇਤੀਤਿ? ਨੋ.

(ਖ) ਯੋ ਵਾ ਪਨ ਅਞ੍ਞਿਨ੍ਦ੍ਰਿਯਂ ਭਾਵੇਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਭਾਵੇਤੀਤਿ? ਨੋ.

(ਕ) ਯੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਭਾਵੇਤਿ ਸੋ ਅਞ੍ਞਾਤਾਵਿਨ੍ਦ੍ਰਿਯਂ ਸਚ੍ਛਿਕਰੋਤੀਤਿ? ਨੋ.

(ਖ) ਯੋ ਵਾ ਪਨ ਅਞ੍ਞਾਤਾਵਿਨ੍ਦ੍ਰਿਯਂ ਸਚ੍ਛਿਕਰੋਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਭਾਵੇਤੀਤਿ? ਨੋ. (ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਮੂਲਕਂ)

੪੩੮. (ਕ) ਯੋ ਅਞ੍ਞਿਨ੍ਦ੍ਰਿਯਂ ਭਾਵੇਤਿ ਸੋ ਅਞ੍ਞਾਤਾਵਿਨ੍ਦ੍ਰਿਯਂ ਸਚ੍ਛਿਕਰੋਤੀਤਿ? ਨੋ.

(ਖ) ਯੋ ਵਾ ਪਨ ਅਞ੍ਞਾਤਾਵਿਨ੍ਦ੍ਰਿਯਂ ਸਚ੍ਛਿਕਰੋਤਿ ਸੋ ਅਞ੍ਞਿਨ੍ਦ੍ਰਿਯਂ ਭਾਵੇਤੀਤਿ? ਨੋ. (ਅਞ੍ਞਿਨ੍ਦ੍ਰਿਯਮੂਲਕਂ)

(ਖ) ਪਚ੍ਚਨੀਕਂ

੪੩੯. (ਕ) ਯੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤੀਤਿ?

ਅਨਾਗਾਮਿਮਗ੍ਗਸਮਙ੍ਗੀ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ, ਨੋ ਚ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ. ਦ੍ਵੇ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਚਕ੍ਖੁਨ੍ਦ੍ਰਿਯਞ੍ਚ ਨ ਪਰਿਜਾਨਨ੍ਤਿ ਦੋਮਨਸ੍ਸਿਨ੍ਦ੍ਰਿਯਞ੍ਚ ਨਪ੍ਪਜਹਨ੍ਤਿ.

(ਖ) ਯੋ ਵਾ ਪਨ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ ਸੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤੀਤਿ?

ਅਗ੍ਗਮਗ੍ਗਸਮਙ੍ਗੀ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ, ਨੋ ਚ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ. ਦ੍ਵੇ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਦੋਮਨਸ੍ਸਿਨ੍ਦ੍ਰਿਯਞ੍ਚ ਨਪ੍ਪਜਹਨ੍ਤਿ ਚਕ੍ਖੁਨ੍ਦ੍ਰਿਯਞ੍ਚ ਨ ਪਰਿਜਾਨਨ੍ਤਿ.

(ਕ) ਯੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤੀਤਿ?

ਅਟ੍ਠਮਕੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ, ਨੋ ਚ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ. ਦ੍ਵੇ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਚਕ੍ਖੁਨ੍ਦ੍ਰਿਯਞ੍ਚ ਨ ਪਰਿਜਾਨਨ੍ਤਿ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ.

(ਖ) ਯੋ ਵਾ ਪਨ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ ਸੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤੀਤਿ?

ਅਗ੍ਗਮਗ੍ਗਸਮਙ੍ਗੀ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ, ਨੋ ਚ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ. ਦ੍ਵੇ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ ਚਕ੍ਖੁਨ੍ਦ੍ਰਿਯਞ੍ਚ ਨ ਪਰਿਜਾਨਨ੍ਤਿ.

(ਕ) ਯੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ ਸੋ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤੀਤਿ?

ਦ੍ਵੇ ਪੁਗ੍ਗਲਾ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਨ੍ਤਿ, ਨੋ ਚ ਅਞ੍ਞਿਨ੍ਦ੍ਰਿਯਂ ਨ ਭਾਵੇਨ੍ਤਿ. ਤਯੋ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਚਕ੍ਖੁਨ੍ਦ੍ਰਿਯਞ੍ਚ ਨ ਪਰਿਜਾਨਨ੍ਤਿ ਅਞ੍ਞਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ.

(ਖ) ਯੋ ਵਾ ਪਨ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤਿ ਸੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤੀਤਿ? ਆਮਨ੍ਤਾ.

(ਕ) ਯੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ ਸੋ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤੀਤਿ?

ਯੋ ਅਗ੍ਗਫਲਂ ਸਚ੍ਛਿਕਰੋਤਿ ਸੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ, ਨੋ ਚ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ. ਅਗ੍ਗਮਗ੍ਗਸਮਙ੍ਗਿਞ੍ਚ ਅਰਹਨ੍ਤਞ੍ਚ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਚਕ੍ਖੁਨ੍ਦ੍ਰਿਯਞ੍ਚ ਨ ਪਰਿਜਾਨਨ੍ਤਿ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਨ ਸਚ੍ਛਿਕਰੋਨ੍ਤਿ.

(ਖ) ਯੋ ਵਾ ਪਨ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ ਸੋ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤੀਤਿ?

ਅਗ੍ਗਮਗ੍ਗਸਮਙ੍ਗੀ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ, ਨੋ ਚ ਚਕ੍ਖੁਨ੍ਦ੍ਰਿਯਂ ਨ ਪਰਿਜਾਨਾਤਿ. ਅਗ੍ਗਮਗ੍ਗਸਮਙ੍ਗਿਞ੍ਚ ਅਰਹਨ੍ਤਞ੍ਚ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਨ ਸਚ੍ਛਿਕਰੋਨ੍ਤਿ ਚਕ੍ਖੁਨ੍ਦ੍ਰਿਯਞ੍ਚ ਨ ਪਰਿਜਾਨਨ੍ਤਿ. (ਚਕ੍ਖੁਨ੍ਦ੍ਰਿਯਮੂਲਕਂ)

੪੪੦. (ਕ) ਯੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤੀਤਿ?

ਅਟ੍ਠਮਕੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ, ਨੋ ਚ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ. ਦ੍ਵੇ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਦੋਮਨਸ੍ਸਿਨ੍ਦ੍ਰਿਯਞ੍ਚ ਨਪ੍ਪਜਹਨ੍ਤਿ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ.

(ਖ) ਯੋ ਵਾ ਪਨ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤੀਤਿ?

ਅਨਾਗਾਮਿਮਗ੍ਗਸਮਙ੍ਗੀ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ, ਨੋ ਚ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ. ਦ੍ਵੇ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ ਦੋਮਨਸ੍ਸਿਨ੍ਦ੍ਰਿਯਞ੍ਚ ਨਪ੍ਪਜਹਨ੍ਤਿ.

(ਕ) ਯੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ ਸੋ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤੀਤਿ?

ਦ੍ਵੇ ਪੁਗ੍ਗਲਾ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਨ੍ਤਿ, ਨੋ ਚ ਅਞ੍ਞਿਨ੍ਦ੍ਰਿਯਂ ਨ ਭਾਵੇਨ੍ਤਿ. ਤਯੋ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਦੋਮਨਸ੍ਸਿਨ੍ਦ੍ਰਿਯਞ੍ਚ ਨਪ੍ਪਜਹਨ੍ਤਿ ਅਞ੍ਞਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ.

(ਖ) ਯੋ ਵਾ ਪਨ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤੀਤਿ? ਆਮਨ੍ਤਾ.

(ਕ) ਯੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ ਸੋ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤੀਤਿ?

ਯੋ ਅਗ੍ਗਫਲਂ ਸਚ੍ਛਿਕਰੋਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ, ਨੋ ਚ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ. ਅਨਾਗਾਮਿਮਗ੍ਗਸਮਙ੍ਗਿਞ੍ਚ ਅਰਹਨ੍ਤਞ੍ਚ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਦੋਮਨਸ੍ਸਿਨ੍ਦ੍ਰਿਯਞ੍ਚ ਨਪ੍ਪਜਹਨ੍ਤਿ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਨ ਸਚ੍ਛਿਕਰੋਨ੍ਤਿ.

(ਖ) ਯੋ ਵਾ ਪਨ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ ਸੋ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤੀਤਿ?

ਅਨਾਗਾਮਿਮਗ੍ਗਸਮਙ੍ਗੀ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ, ਨੋ ਚ ਦੋਮਨਸ੍ਸਿਨ੍ਦ੍ਰਿਯਂ ਨਪ੍ਪਜਹਤਿ. ਅਨਾਗਾਮਿਮਗ੍ਗਸਮਙ੍ਗਿਞ੍ਚ ਅਰਹਨ੍ਤਞ੍ਚ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਨ ਸਚ੍ਛਿਕਰੋਨ੍ਤਿ ਦੋਮਨਸ੍ਸਿਨ੍ਦ੍ਰਿਯਞ੍ਚ ਨਪ੍ਪਜਹਨ੍ਤਿ. (ਦੋਮਨਸ੍ਸਿਨ੍ਦ੍ਰਿਯਮੂਲਕਂ)

੪੪੧. (ਕ) ਯੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ ਸੋ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤੀਤਿ?

ਤਯੋ ਮਗ੍ਗਸਮਙ੍ਗਿਨੋ [ਤਯੋ ਪੁਗ੍ਗਲਾ (ਪੀ.)] ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਨ੍ਤਿ, ਨੋ ਚ ਅਞ੍ਞਿਨ੍ਦ੍ਰਿਯਂ ਨ ਭਾਵੇਨ੍ਤਿ. ਚਤ੍ਤਾਰੋ ਮਗ੍ਗਸਮਙ੍ਗਿਨੋ [ਅਟ੍ਠਮਕਞ੍ਚ ਤਯੋ ਮਗ੍ਗਸਮਙ੍ਗਿਨੋ ਚ (ਪੀ.)] ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ ਅਞ੍ਞਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ.

(ਖ) ਯੋ ਵਾ ਪਨ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤੀਤਿ?

ਅਟ੍ਠਮਕੋ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤਿ, ਨੋ ਚ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ. ਚਤ੍ਤਾਰੋ ਮਗ੍ਗਸਮਙ੍ਗਿਨੋ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਞ੍ਞਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ.

(ਕ) ਯੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ ਸੋ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤੀਤਿ?

ਯੋ ਅਗ੍ਗਫਲਂ ਸਚ੍ਛਿਕਰੋਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ, ਨੋ ਚ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ. ਅਟ੍ਠਮਕਞ੍ਚ ਅਰਹਨ੍ਤਞ੍ਚ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਨ ਸਚ੍ਛਿਕਰੋਨ੍ਤਿ.

(ਖ) ਯੋ ਵਾ ਪਨ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ ਸੋ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤੀਤਿ?

ਅਟ੍ਠਮਕੋ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ, ਨੋ ਚ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਭਾਵੇਤਿ. ਅਟ੍ਠਮਕਞ੍ਚ ਅਰਹਨ੍ਤਞ੍ਚ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਨ ਸਚ੍ਛਿਕਰੋਨ੍ਤਿ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ. (ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਮੂਲਕਂ)

੪੪੨. (ਕ) ਯੋ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤਿ ਸੋ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤੀਤਿ?

ਯੋ ਅਗ੍ਗਫਲਂ ਸਚ੍ਛਿਕਰੋਤਿ ਸੋ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤਿ, ਨੋ ਚ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ. ਤਯੋ ਮਗ੍ਗਸਮਙ੍ਗਿਨੋ ਚ ਅਰਹਨ੍ਤਞ੍ਚ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਞ੍ਞਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਨ ਸਚ੍ਛਿਕਰੋਨ੍ਤਿ.

(ਖ) ਯੋ ਵਾ ਪਨ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਤਿ ਸੋ ਅਞ੍ਞਿਨ੍ਦ੍ਰਿਯਂ ਨ ਭਾਵੇਤੀਤਿ?

ਤਯੋ ਮਗ੍ਗਸਮਙ੍ਗਿਨੋ ਅਞ੍ਞਾਤਾਵਿਨ੍ਦ੍ਰਿਯਂ ਨ ਸਚ੍ਛਿਕਰੋਨ੍ਤਿ, ਨੋ ਚ ਅਞ੍ਞਿਨ੍ਦ੍ਰਿਯਂ ਨ ਭਾਵੇਨ੍ਤਿ. ਤਯੋ ਮਗ੍ਗਸਮਙ੍ਗਿਨੋ ਚ ਅਰਹਨ੍ਤਞ੍ਚ ਠਪੇਤ੍ਵਾ ਅਵਸੇਸਾ ਪੁਗ੍ਗਲਾ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਨ ਸਚ੍ਛਿਕਰੋਨ੍ਤਿ ਅਞ੍ਞਿਨ੍ਦ੍ਰਿਯਞ੍ਚ ਨ ਭਾਵੇਨ੍ਤਿ. (ਅਞ੍ਞਿਨ੍ਦ੍ਰਿਯਮੂਲਕਂ)