(੧) ਪਚ੍ਚੁਪ੍ਪਨ੍ਨਵਾਰੋ
(ਕ) ਅਨੁਲੋਮਪੁਗ੍ਗਲੋ
੭੯. (ਕ) ਯਸ੍ਸ ਕਾਯਸਙ੍ਖਾਰੋ ਨਿਰੁਜ੍ਝਤਿ ਤਸ੍ਸ ਵਚੀਸਙ੍ਖਾਰੋ ਨਿਰੁਜ੍ਝਤੀਤਿ?
ਵਿਨਾ ਵਿਤਕ੍ਕਵਿਚਾਰੇਹਿ ਅਸ੍ਸਾਸਪਸ੍ਸਾਸਾਨਂ ਭਙ੍ਗਕ੍ਖਣੇ ਤੇਸਂ ਕਾਯਸਙ੍ਖਾਰੋ ਨਿਰੁਜ੍ਝਤਿ, ਨੋ ਚ ਤੇਸਂ ਵਚੀਸਙ੍ਖਾਰੋ ਨਿਰੁਜ੍ਝਤਿ. ਪਠਮਜ੍ਝਾਨਂ ਸਮਾਪਨ੍ਨਾਨਂ ਕਾਮਾਵਚਰਾਨਂ ਅਸ੍ਸਾਸਪਸ੍ਸਾਸਾਨਂ ਭਙ੍ਗਕ੍ਖਣੇ ਤੇਸਂ ਕਾਯਸਙ੍ਖਾਰੋ ਚ ਨਿਰੁਜ੍ਝਤਿ ਵਚੀਸਙ੍ਖਾਰੋ ਚ ਨਿਰੁਜ੍ਝਤਿ.
(ਖ) ਯਸ੍ਸ ਵਾ ਪਨ ਵਚੀਸਙ੍ਖਾਰੋ ਨਿਰੁਜ੍ਝਤਿ ਤਸ੍ਸ ਕਾਯਸਙ੍ਖਾਰੋ ਨਿਰੁਜ੍ਝਤੀਤਿ?
ਵਿਨਾ ਅਸ੍ਸਾਸਪਸ੍ਸਾਸੇਹਿ ਵਿਤਕ੍ਕਵਿਚਾਰਾਨਂ ਭਙ੍ਗਕ੍ਖਣੇ ਤੇਸਂ ਵਚੀਸਙ੍ਖਾਰੋ ਨਿਰੁਜ੍ਝਤਿ, ਨੋ ਚ ਤੇਸਂ ਕਾਯਸਙ੍ਖਾਰੋ ਨਿਰੁਜ੍ਝਤਿ. ਪਠਮਜ੍ਝਾਨਂ ਸਮਾਪਨ੍ਨਾਨਂ ਕਾਮਾਵਚਰਾਨਂ ਅਸ੍ਸਾਸਪਸ੍ਸਾਸਾਨਂ ਭਙ੍ਗਕ੍ਖਣੇ ਤੇਸਂ ਵਚੀਸਙ੍ਖਾਰੋ ਚ ਨਿਰੁਜ੍ਝਤਿ ਕਾਯਸਙ੍ਖਾਰੋ ਚ ਨਿਰੁਜ੍ਝਤਿ.
(ਕ) ਯਸ੍ਸ ਕਾਯਸਙ੍ਖਾਰੋ ਨਿਰੁਜ੍ਝਤਿ ਤਸ੍ਸ ਚਿਤ੍ਤਸਙ੍ਖਾਰੋ ਨਿਰੁਜ੍ਝਤੀਤਿ? ਆਮਨ੍ਤਾ.
(ਖ) ਯਸ੍ਸ ਵਾ ਪਨ ਚਿਤ੍ਤਸਙ੍ਖਾਰੋ ਨਿਰੁਜ੍ਝਤਿ ਤਸ੍ਸ ਕਾਯਸਙ੍ਖਾਰੋ ਨਿਰੁਜ੍ਝਤੀਤਿ?
ਵਿਨਾ ਅਸ੍ਸਾਸਪਸ੍ਸਾਸੇਹਿ ਚਿਤ੍ਤਸ੍ਸ ਭਙ੍ਗਕ੍ਖਣੇ ਤੇਸਂ ਚਿਤ੍ਤਸਙ੍ਖਾਰੋ ਨਿਰੁਜ੍ਝਤਿ, ਨੋ ਚ ਤੇਸਂ ਕਾਯਸਙ੍ਖਾਰੋ ਨਿਰੁਜ੍ਝਤਿ. ਅਸ੍ਸਾਸਪਸ੍ਸਾਸਾਨਂ ਭਙ੍ਗਕ੍ਖਣੇ ਤੇਸਂ ਚਿਤ੍ਤਸਙ੍ਖਾਰੋ ਚ ਨਿਰੁਜ੍ਝਤਿ ਕਾਯਸਙ੍ਖਾਰੋ ਚ ਨਿਰੁਜ੍ਝਤਿ.
੮੦. (ਕ) ਯਸ੍ਸ ਵਚੀਸਙ੍ਖਾਰੋ ਨਿਰੁਜ੍ਝਤਿ ਤਸ੍ਸ ਚਿਤ੍ਤਸਙ੍ਖਾਰੋ ਨਿਰੁਜ੍ਝਤੀਤਿ? ਆਮਨ੍ਤਾ.
(ਖ) ਯਸ੍ਸ ਵਾ ਪਨ ਚਿਤ੍ਤਸਙ੍ਖਾਰੋ ਨਿਰੁਜ੍ਝਤਿ ਤਸ੍ਸ ਵਚੀਸਙ੍ਖਾਰੋ ਨਿਰੁਜ੍ਝਤੀਤਿ?
ਵਿਨਾ ਵਿਤਕ੍ਕਵਿਚਾਰੇਹਿ ਚਿਤ੍ਤਸ੍ਸ ਭਙ੍ਗਕ੍ਖਣੇ ਤੇਸਂ ਚਿਤ੍ਤਸਙ੍ਖਾਰੋ ਨਿਰੁਜ੍ਝਤਿ, ਨੋ ਚ ਤੇਸਂ ਵਚੀਸਙ੍ਖਾਰੋ ਨਿਰੁਜ੍ਝਤਿ. ਵਿਤਕ੍ਕਵਿਚਾਰਾਨਂ ਭਙ੍ਗਕ੍ਖਣੇ ਤੇਸਂ ਚਿਤ੍ਤਸਙ੍ਖਾਰੋ ਚ ਨਿਰੁਜ੍ਝਤਿ ਵਚੀਸਙ੍ਖਾਰੋ ਚ ਨਿਰੁਜ੍ਝਤਿ.
(ਖ) ਅਨੁਲੋਮਓਕਾਸੋ
੮੧. ਯਤ੍ਥ ਕਾਯਸਙ੍ਖਾਰੋ ਨਿਰੁਜ੍ਝਤਿ ਤਤ੍ਥ ਵਚੀਸਙ੍ਖਾਰੋ ਨਿਰੁਜ੍ਝਤੀਤਿ?…ਪੇ….
(ਗ) ਅਨੁਲੋਮਪੁਗ੍ਗਲੋਕਾਸਾ
੮੨. ਯਸ੍ਸ ਯਤ੍ਥ ਕਾਯਸਙ੍ਖਾਰੋ ਨਿਰੁਜ੍ਝਤਿ ਤਸ੍ਸ ਤਤ੍ਥ ਵਚੀਸਙ੍ਖਾਰੋ ਨਿਰੁਜ੍ਝਤੀਤਿ?…ਪੇ…. (ਯਸ੍ਸਕਮ੍ਪਿ ਯਸ੍ਸਯਤ੍ਥਕਮ੍ਪਿ ਸਦਿਸਂ.)
(ਘ) ਪਚ੍ਚਨੀਕਪੁਗ੍ਗਲੋ
੮੩. (ਕ) ਯਸ੍ਸ ਕਾਯਸਙ੍ਖਾਰੋ ਨ ਨਿਰੁਜ੍ਝਤਿ ਤਸ੍ਸ ਵਚੀਸਙ੍ਖਾਰੋ ਨ ਨਿਰੁਜ੍ਝਤੀਤਿ?
ਵਿਨਾ ਅਸ੍ਸਾਸਪਸ੍ਸਾਸੇਹਿ ਵਿਤਕ੍ਕਵਿਚਾਰਾਨਂ ਭਙ੍ਗਕ੍ਖਣੇ ਤੇਸਂ ਕਾਯਸਙ੍ਖਾਰੋ ਨ ਨਿਰੁਜ੍ਝਤਿ, ਨੋ ਚ ਤੇਸਂ ਵਚੀਸਙ੍ਖਾਰੋ ਨ ਨਿਰੁਜ੍ਝਤਿ. ਸਬ੍ਬੇਸਂ ਚਿਤ੍ਤਸ੍ਸ ਉਪ੍ਪਾਦਕ੍ਖਣੇ ਵਿਨਾ ਅਸ੍ਸਾਸਪਸ੍ਸਾਸੇਹਿ ਅਵਿਤਕ੍ਕਅਵਿਚਾਰਚਿਤ੍ਤਸ੍ਸ ਭਙ੍ਗਕ੍ਖਣੇ ਨਿਰੋਧਸਮਾਪਨ੍ਨਾਨਂ ਅਸਞ੍ਞਸਤ੍ਤਾਨਂ ਤੇਸਂ ਕਾਯਸਙ੍ਖਾਰੋ ਚ ਨ ਨਿਰੁਜ੍ਝਤਿ ਵਚੀਸਙ੍ਖਾਰੋ ਚ ਨ ਨਿਰੁਜ੍ਝਤਿ.
(ਖ) ਯਸ੍ਸ ਵਾ ਪਨ ਵਚੀਸਙ੍ਖਾਰੋ ਨ ਨਿਰੁਜ੍ਝਤਿ ਤਸ੍ਸ ਕਾਯਸਙ੍ਖਾਰੋ ਨ ਨਿਰੁਜ੍ਝਤੀਤਿ?
ਵਿਨਾ ਵਿਤਕ੍ਕਵਿਚਾਰੇਹਿ ਅਸ੍ਸਾਸਪਸ੍ਸਾਸਾਨਂ ਭਙ੍ਗਕ੍ਖਣੇ ਤੇਸਂ ਵਚੀਸਙ੍ਖਾਰੋ ਨ ਨਿਰੁਜ੍ਝਤਿ, ਨੋ ਚ ਤੇਸਂ ਕਾਯਸਙ੍ਖਾਰੋ ਨ ਨਿਰੁਜ੍ਝਤਿ. ਸਬ੍ਬੇਸਂ ਚਿਤ੍ਤਸ੍ਸ ਉਪ੍ਪਾਦਕ੍ਖਣੇ ਵਿਨਾ ਅਸ੍ਸਾਸਪਸ੍ਸਾਸੇਹਿ ਅਵਿਤਕ੍ਕਅਵਿਚਾਰਚਿਤ੍ਤਸ੍ਸ ਭਙ੍ਗਕ੍ਖਣੇ ਨਿਰੋਧਸਮਾਪਨ੍ਨਾਨਂ ਅਸਞ੍ਞਸਤ੍ਤਾਨਂ ਤੇਸਂ ਵਚੀਸਙ੍ਖਾਰੋ ਚ ਨ ਨਿਰੁਜ੍ਝਤਿ ਕਾਯਸਙ੍ਖਾਰੋ ਚ ਨ ਨਿਰੁਜ੍ਝਤਿ.
(ਕ) ਯਸ੍ਸ ਕਾਯਸਙ੍ਖਾਰੋ ਨ ਨਿਰੁਜ੍ਝਤਿ ਤਸ੍ਸ ਚਿਤ੍ਤਸਙ੍ਖਾਰੋ ਨ ਨਿਰੁਜ੍ਝਤੀਤਿ?
ਵਿਨਾ ਅਸ੍ਸਾਸਪਸ੍ਸਾਸੇਹਿ ਚਿਤ੍ਤਸ੍ਸ ਭਙ੍ਗਕ੍ਖਣੇ ਤੇਸਂ ਕਾਯਸਙ੍ਖਾਰੋ ਨ ਨਿਰੁਜ੍ਝਤਿ, ਨੋ ਚ ਤੇਸਂ ਚਿਤ੍ਤਸਙ੍ਖਾਰੋ ਨ ਨਿਰੁਜ੍ਝਤਿ. ਸਬ੍ਬੇਸਂ ਚਿਤ੍ਤਸ੍ਸ ਉਪ੍ਪਾਦਕ੍ਖਣੇ ਨਿਰੋਧਸਮਾਪਨ੍ਨਾਨਂ ਅਸਞ੍ਞਸਤ੍ਤਾਨਂ ਤੇਸਂ ਕਾਯਸਙ੍ਖਾਰੋ ਚ ਨ ਨਿਰੁਜ੍ਝਤਿ ਚਿਤ੍ਤਸਙ੍ਖਾਰੋ ਚ ਨ ਨਿਰੁਜ੍ਝਤਿ.
(ਖ) ਯਸ੍ਸ ਵਾ ਪਨ…ਪੇ…? ਆਮਨ੍ਤਾ.
੮੪. (ਕ) ਯਸ੍ਸ ਵਚੀਸਙ੍ਖਾਰੋ ਨ ਨਿਰੁਜ੍ਝਤਿ ਤਸ੍ਸ ਚਿਤ੍ਤਸਙ੍ਖਾਰੋ ਨ ਨਿਰੁਜ੍ਝਤੀਤਿ?
ਵਿਨਾ ਵਿਤਕ੍ਕਵਿਚਾਰੇਹਿ ਚਿਤ੍ਤਸ੍ਸ ਭਙ੍ਗਕ੍ਖਣੇ ਤੇਸਂ ਵਚੀਸਙ੍ਖਾਰੋ ਨ ਨਿਰੁਜ੍ਝਤਿ, ਨੋ ਚ ਤੇਸਂ ਚਿਤ੍ਤਸਙ੍ਖਾਰੋ ਨ ਨਿਰੁਜ੍ਝਤਿ. ਸਬ੍ਬੇਸਂ ਚਿਤ੍ਤਸ੍ਸ ਉਪ੍ਪਾਦਕ੍ਖਣੇ ਨਿਰੋਧਸਮਾਪਨ੍ਨਾਨਂ ਅਸਞ੍ਞਸਤ੍ਤਾਨਂ ਤੇਸਂ ਵਚੀਸਙ੍ਖਾਰੋ ਚ ਨ ਨਿਰੁਜ੍ਝਤਿ ਚਿਤ੍ਤਸਙ੍ਖਾਰੋ ਚ ਨ ਨਿਰੁਜ੍ਝਤਿ.
(ਖ) ਯਸ੍ਸ ਵਾ ਪਨ…ਪੇ…? ਆਮਨ੍ਤਾ.
(ਙ) ਪਚ੍ਚਨੀਕਓਕਾਸਾ
੮੫. ਯਤ੍ਥ ਕਾਯਸਙ੍ਖਾਰੋ ਨ ਨਿਰੁਜ੍ਝਤਿ…ਪੇ….
(ਚ) ਪਚ੍ਚਨੀਕਪੁਗ੍ਗਲੋਕਾਸਾ
੮੬. ਯਸ੍ਸ ਯਤ੍ਥ ਕਾਯਸਙ੍ਖਾਰੋ ਨ ਨਿਰੁਜ੍ਝਤਿ ਤਸ੍ਸ ਤਤ੍ਥ ਵਚੀਸਙ੍ਖਾਰੋ ਨ ਨਿਰੁਜ੍ਝਤੀਤਿ?
ਵਿਨਾ ਅਸ੍ਸਾਸਪਸ੍ਸਾਸੇਹਿ ਵਿਤਕ੍ਕਵਿਚਾਰਾਨਂ ਭਙ੍ਗਕ੍ਖਣੇ ਤੇਸਂ ਤਤ੍ਥ ਕਾਯਸਙ੍ਖਾਰੋ ਨ ਨਿਰੁਜ੍ਝਤਿ, ਨੋ ਚ ਤੇਸਂ ਤਤ੍ਥ ਵਚੀਸਙ੍ਖਾਰੋ ਨ ਨਿਰੁਜ੍ਝਤਿ. ਸਬ੍ਬੇਸਂ ਚਿਤ੍ਤਸ੍ਸ ਉਪ੍ਪਾਦਕ੍ਖਣੇ ਵਿਨਾ ਅਸ੍ਸਾਸਪਸ੍ਸਾਸੇਹਿ ਅਵਿਤਕ੍ਕਅਵਿਚਾਰਚਿਤ੍ਤਸ੍ਸ ਭਙ੍ਗਕ੍ਖਣੇ ਅਸਞ੍ਞਸਤ੍ਤਾਨਂ ਤੇਸਂ ਤਤ੍ਥ ਕਾਯਸਙ੍ਖਾਰੋ ਚ ਨ ਨਿਰੁਜ੍ਝਤਿ ਵਚੀਸਙ੍ਖਾਰੋ ਚ ਨ ਨਿਰੁਜ੍ਝਤਿ.
ਯਸ੍ਸ ਵਾ ਪਨ ਯਤ੍ਥ ਵਚੀਸਙ੍ਖਾਰੋ ਨ ਨਿਰੁਜ੍ਝਤਿ…ਪੇ….
(ਯਸ੍ਸਕਮ੍ਪਿ ਯਸ੍ਸਯਤ੍ਥਕਮ੍ਪਿ ਸਦਿਸਂ ਵਿਤ੍ਥਾਰੇਤਬ੍ਬਂ, ਯਸ੍ਸਯਤ੍ਥਕੇ ਨਿਰੋਧਸਮਾਪਨ੍ਨਾਨਨ੍ਤਿ ਨ ਕਾਤਬ੍ਬਂ.)