(੬) ਅਤੀਤਾਨਾਗਤਵਾਰੋ
(ਕ) ਅਨੁਲੋਮਪੁਗ੍ਗਲੋ
੭੮. (ਕ) ਯਸ੍ਸ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ ਤਸ੍ਸ ਸਮੁਦਯਸਚ੍ਚਂ ਉਪ੍ਪਜ੍ਜਿਸ੍ਸਤੀਤਿ?
ਅਗ੍ਗਮਗ੍ਗਸਮਙ੍ਗੀਨਂ ਅਰਹਨ੍ਤਾਨਂ ਯਸ੍ਸ ਚਿਤ੍ਤਸ੍ਸ ਅਨਨ੍ਤਰਾ ਅਗ੍ਗਮਗ੍ਗਂ ਪਟਿਲਭਿਸ੍ਸਨ੍ਤਿ ਤੇਸਂ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ, ਨੋ ਚ ਤੇਸਂ ਸਮੁਦਯਸਚ੍ਚਂ ਉਪ੍ਪਜ੍ਜਿਸ੍ਸਤਿ. ਇਤਰੇਸਂ ਤੇਸਂ ਦੁਕ੍ਖਸਚ੍ਚਞ੍ਚ ਉਪ੍ਪਜ੍ਜਿਤ੍ਥ ਸਮੁਦਯਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ ਸਮੁਦਯਸਚ੍ਚਂ ਉਪ੍ਪਜ੍ਜਿਸ੍ਸਤਿ ਤਸ੍ਸ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥਾਤਿ? ਆਮਨ੍ਤਾ.
(ਕ) ਯਸ੍ਸ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ ਤਸ੍ਸ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤੀਤਿ?
ਅਗ੍ਗਮਗ੍ਗਸਮਙ੍ਗੀਨਂ ਅਰਹਨ੍ਤਾਨਂ ਯੇ ਚ ਪੁਥੁਜ੍ਜਨਾ ਮਗ੍ਗਂ ਨ ਪਟਿਲਭਿਸ੍ਸਨ੍ਤਿ ਤੇਸਂ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ, ਨੋ ਚ ਤੇਸਂ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਚਿਤ੍ਤਸ੍ਸ ਅਨਨ੍ਤਰਾ ਅਗ੍ਗਮਗ੍ਗਂ ਪਟਿਲਭਿਸ੍ਸਨ੍ਤਿ ਯੇ ਚਞ੍ਞੇ ਮਗ੍ਗਂ ਪਟਿਲਭਿਸ੍ਸਨ੍ਤਿ ਤੇਸਂ ਦੁਕ੍ਖਸਚ੍ਚਞ੍ਚ ਉਪ੍ਪਜ੍ਜਿਤ੍ਥ ਮਗ੍ਗਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ…ਪੇ…? ਆਮਨ੍ਤਾ.
੭੯. (ਕ) ਯਸ੍ਸ ਸਮੁਦਯਸਚ੍ਚਂ ਉਪ੍ਪਜ੍ਜਿਤ੍ਥ ਤਸ੍ਸ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤੀਤਿ? ਅਗ੍ਗਮਗ੍ਗਸਮਙ੍ਗੀਨਂ ਅਰਹਨ੍ਤਾਨਂ ਯੇ ਚ ਪੁਥੁਜ੍ਜਨਾ ਮਗ੍ਗਂ ਨ ਪਟਿਲਭਿਸ੍ਸਨ੍ਤਿ ਤੇਸਂ ਸਮੁਦਯਸਚ੍ਚਂ ਉਪ੍ਪਜ੍ਜਿਤ੍ਥ, ਨੋ ਚ ਤੇਸਂ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਚਿਤ੍ਤਸ੍ਸ ਅਨਨ੍ਤਰਾ ਅਗ੍ਗਮਗ੍ਗਂ ਪਟਿਲਭਿਸ੍ਸਨ੍ਤਿ, ਯੇ ਚਞ੍ਞੇ ਮਗ੍ਗਂ ਪਟਿਲਭਿਸ੍ਸਨ੍ਤਿ ਤੇਸਂ ਸਮੁਦਯਸਚ੍ਚਞ੍ਚ ਉਪ੍ਪਜ੍ਜਿਤ੍ਥ ਮਗ੍ਗਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ…ਪੇ…? ਆਮਨ੍ਤਾ.
(ਖ) ਅਨੁਲੋਮਓਕਾਸੋ
੮੦. ਯਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ…ਪੇ….
(ਗ) ਅਨੁਲੋਮਪੁਗ੍ਗਲੋਕਾਸਾ
੮੧. (ਕ) ਯਸ੍ਸ ਯਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ ਤਸ੍ਸ ਤਤ੍ਥ ਸਮੁਦਯਸਚ੍ਚਂ ਉਪ੍ਪਜ੍ਜਿਸ੍ਸਤੀਤਿ?
ਅਗ੍ਗਮਗ੍ਗਸਮਙ੍ਗੀਨਂ ਅਰਹਨ੍ਤਾਨਂ ਯਸ੍ਸ ਚਿਤ੍ਤਸ੍ਸ ਅਨਨ੍ਤਰਾ ਅਗ੍ਗਮਗ੍ਗਂ ਪਟਿਲਭਿਸ੍ਸਨ੍ਤਿ ਅਸਞ੍ਞਸਤ੍ਤਾਨਂ ਤੇਸਂ ਤਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ, ਨੋ ਚ ਤੇਸਂ ਤਤ੍ਥ ਸਮੁਦਯਸਚ੍ਚਂ ਉਪ੍ਪਜ੍ਜਿਸ੍ਸਤਿ. ਇਤਰੇਸਂ ਚਤੁਵੋਕਾਰਾਨਂ ਪਞ੍ਚਵੋਕਾਰਾਨਂ ਤੇਸਂ ਤਤ੍ਥ ਦੁਕ੍ਖਸਚ੍ਚਞ੍ਚ ਉਪ੍ਪਜ੍ਜਿਤ੍ਥ ਸਮੁਦਯਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ ਯਤ੍ਥ ਸਮੁਦਯਸਚ੍ਚਂ ਉਪ੍ਪਜ੍ਜਿਸ੍ਸਤਿ ਤਸ੍ਸ ਤਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥਾਤਿ?
ਸੁਦ੍ਧਾਵਾਸਂ ਉਪਪਜ੍ਜਨ੍ਤਾਨਂ ਤੇਸਂ ਤਤ੍ਥ ਸਮੁਦਯਸਚ੍ਚਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤੇਸਂ ਤਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ. ਇਤਰੇਸਂ ਚਤੁਵੋਕਾਰਾਨਂ ਪਞ੍ਚਵੋਕਾਰਾਨਂ ਤੇਸਂ ਤਤ੍ਥ ਸਮੁਦਯਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ ਦੁਕ੍ਖਸਚ੍ਚਞ੍ਚ ਉਪ੍ਪਜ੍ਜਿਤ੍ਥ.
(ਕ) ਯਸ੍ਸ ਯਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ ਤਸ੍ਸ ਤਤ੍ਥ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤੀਤਿ?
ਅਗ੍ਗਮਗ੍ਗਸਮਙ੍ਗੀਨਂ ਅਰਹਨ੍ਤਾਨਂ ਯੇ ਚ ਪੁਥੁਜ੍ਜਨਾ ਮਗ੍ਗਂ ਨ ਪਟਿਲਭਿਸ੍ਸਨ੍ਤਿ ਆਪਾਯਿਕਾਨਂ ਅਸਞ੍ਞਸਤ੍ਤਾਨਂ ਤੇਸਂ ਤਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ, ਨੋ ਚ ਤੇਸਂ ਤਤ੍ਥ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਚਿਤ੍ਤਸ੍ਸ ਅਨਨ੍ਤਰਾ ਅਗ੍ਗਮਗ੍ਗਂ ਪਟਿਲਭਿਸ੍ਸਨ੍ਤਿ ਯੇ ਚਞ੍ਞੇ ਮਗ੍ਗਂ ਪਟਿਲਭਿਸ੍ਸਨ੍ਤਿ ਤੇਸਂ ਤਤ੍ਥ ਦੁਕ੍ਖਸਚ੍ਚਞ੍ਚ ਉਪ੍ਪਜ੍ਜਿਤ੍ਥ ਮਗ੍ਗਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ ਯਤ੍ਥ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤਿ ਤਸ੍ਸ ਤਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥਾਤਿ?
ਸੁਦ੍ਧਾਵਾਸਂ ਉਪਪਜ੍ਜਨ੍ਤਾਨਂ ਤੇਸਂ ਤਤ੍ਥ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤੇਸਂ ਤਤ੍ਥ ਦੁਕ੍ਖਸਚ੍ਚਂ ਉਪ੍ਪਜ੍ਜਿਤ੍ਥ. ਯਸ੍ਸ ਚਿਤ੍ਤਸ੍ਸ ਅਨਨ੍ਤਰਾ ਅਗ੍ਗਮਗ੍ਗਂ ਪਟਿਲਭਿਸ੍ਸਨ੍ਤਿ ਯੇ ਚਞ੍ਞੇ ਮਗ੍ਗਂ ਪਟਿਲਭਿਸ੍ਸਨ੍ਤਿ ਤੇਸਂ ਤਤ੍ਥ ਮਗ੍ਗਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ ਦੁਕ੍ਖਸਚ੍ਚਞ੍ਚ ਉਪ੍ਪਜ੍ਜਿਤ੍ਥ.
੮੨. (ਕ) ਯਸ੍ਸ ਯਤ੍ਥ ਸਮੁਦਯਸਚ੍ਚਂ ਉਪ੍ਪਜ੍ਜਿਤ੍ਥ ਤਸ੍ਸ ਤਤ੍ਥ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤੀਤਿ?
ਅਗ੍ਗਮਗ੍ਗਸਮਙ੍ਗੀਨਂ ਅਰਹਨ੍ਤਾਨਂ ਯੇ ਚ ਪੁਥੁਜ੍ਜਨਾ ਮਗ੍ਗਂ ਨ ਪਟਿਲਭਿਸ੍ਸਨ੍ਤਿ ਆਪਾਯਿਕਾਨਂ ਤੇਸਂ ਤਤ੍ਥ ਸਮੁਦਯਸਚ੍ਚਂ ਉਪ੍ਪਜ੍ਜਿਤ੍ਥ, ਨੋ ਚ ਤੇਸਂ ਤਤ੍ਥ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਚਿਤ੍ਤਸ੍ਸ ਅਨਨ੍ਤਰਾ ਅਗ੍ਗਮਗ੍ਗਂ ਪਟਿਲਭਿਸ੍ਸਨ੍ਤਿ ਯੇ ਚਞ੍ਞੇ ਮਗ੍ਗਂ ਪਟਿਲਭਿਸ੍ਸਨ੍ਤਿ ਤੇਸਂ ਤਤ੍ਥ ਸਮੁਦਯਸਚ੍ਚਞ੍ਚ ਉਪ੍ਪਜ੍ਜਿਤ੍ਥ ਮਗ੍ਗਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ ਯਤ੍ਥ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤਿ ਤਸ੍ਸ ਤਤ੍ਥ ਸਮੁਦਯਸਚ੍ਚਂ ਉਪ੍ਪਜ੍ਜਿਤ੍ਥਾਤਿ?
ਸੁਦ੍ਧਾਵਾਸਾਨਂ ਦੁਤਿਯੇ ਚਿਤ੍ਤੇ ਵਤ੍ਤਮਾਨੇ ਤੇਸਂ ਤਤ੍ਥ ਮਗ੍ਗਸਚ੍ਚਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤੇਸਂ ਤਤ੍ਥ ਸਮੁਦਯਸਚ੍ਚਂ ਉਪ੍ਪਜ੍ਜਿਤ੍ਥ. ਯਸ੍ਸ ਚਿਤ੍ਤਸ੍ਸ ਅਨਨ੍ਤਰਾ ਅਗ੍ਗਮਗ੍ਗਂ ਪਟਿਲਭਿਸ੍ਸਨ੍ਤਿ ਯੇ ਚਞ੍ਞੇ ਮਗ੍ਗਂ ਪਟਿਲਭਿਸ੍ਸਨ੍ਤਿ ਤੇਸਂ ਤਤ੍ਥ ਮਗ੍ਗਸਚ੍ਚਞ੍ਚ ਉਪ੍ਪਜ੍ਜਿਸ੍ਸਤਿ ਸਮੁਦਯਸਚ੍ਚਞ੍ਚ ਉਪ੍ਪਜ੍ਜਿਤ੍ਥ.
(ਘ) ਪਚ੍ਚਨੀਕਪੁਗ੍ਗਲੋ
੮੩. (ਕ) ਯਸ੍ਸ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥ ਤਸ੍ਸ ਸਮੁਦਯਸਚ੍ਚਂ ਨੁਪ੍ਪਜ੍ਜਿਸ੍ਸਤੀਤਿ? ਨਤ੍ਥਿ.
(ਖ) ਯਸ੍ਸ ਵਾ ਪਨ ਸਮੁਦਯਸਚ੍ਚਂ ਨੁਪ੍ਪਜ੍ਜਿਸ੍ਸਤਿ ਤਸ੍ਸ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥਾਤਿ? ਉਪ੍ਪਜ੍ਜਿਤ੍ਥ.
(ਕ) ਯਸ੍ਸ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥ ਤਸ੍ਸ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤੀਤਿ? ਨਤ੍ਥਿ.
(ਖ) ਯਸ੍ਸ ਵਾ ਪਨ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤਿ ਤਸ੍ਸ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥਾਤਿ? ਉਪ੍ਪਜ੍ਜਿਤ੍ਥ.
੮੪. (ਕ) ਯਸ੍ਸ ਸਮੁਦਯਸਚ੍ਚਂ ਨੁਪ੍ਪਜ੍ਜਿਤ੍ਥ ਤਸ੍ਸ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤੀਤਿ? ਨਤ੍ਥਿ.
(ਖ) ਯਸ੍ਸ ਵਾ ਪਨ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤਿ ਤਸ੍ਸ ਸਮੁਦਯਸਚ੍ਚਂ ਨੁਪ੍ਪਜ੍ਜਿਤ੍ਥਾਤਿ? ਉਪ੍ਪਜ੍ਜਿਤ੍ਥ.
(ਙ) ਪਚ੍ਚਨੀਕਓਕਾਸੋ
੮੫. ਯਤ੍ਥ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥ…ਪੇ….
(ਚ) ਪਚ੍ਚਨੀਕਪੁਗ੍ਗਲੋਕਾਸਾ
੮੬. (ਕ) ਯਸ੍ਸ ਯਤ੍ਥ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥ ਤਸ੍ਸ ਤਤ੍ਥ ਸਮੁਦਯਸਚ੍ਚਂ ਨੁਪ੍ਪਜ੍ਜਿਸ੍ਸਤੀਤਿ? ਉਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ ਯਤ੍ਥ ਸਮੁਦਯਸਚ੍ਚਂ ਨੁਪ੍ਪਜ੍ਜਿਸ੍ਸਤਿ ਤਸ੍ਸ ਤਤ੍ਥ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥਾਤਿ? ਉਪ੍ਪਜ੍ਜਿਤ੍ਥ.
(ਕ) ਯਸ੍ਸ ਯਤ੍ਥ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥ ਤਸ੍ਸ ਤਤ੍ਥ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤੀਤਿ? ਉਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ ਯਤ੍ਥ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤਿ ਤਸ੍ਸ ਤਤ੍ਥ ਦੁਕ੍ਖਸਚ੍ਚਂ ਨੁਪ੍ਪਜ੍ਜਿਤ੍ਥਾਤਿ? ਉਪ੍ਪਜ੍ਜਿਤ੍ਥ.
੮੭. (ਕ) ਯਸ੍ਸ ਯਤ੍ਥ ਸਮੁਦਯਸਚ੍ਚਂ ਨੁਪ੍ਪਜ੍ਜਿਤ੍ਥ ਤਸ੍ਸ ਤਤ੍ਥ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤੀਤਿ?
ਸੁਦ੍ਧਾਵਾਸਾਨਂ ਦੁਤਿਯੇ ਚਿਤ੍ਤੇ ਵਤ੍ਤਮਾਨੇ ਤੇਸਂ ਤਤ੍ਥ ਸਮੁਦਯਸਚ੍ਚਂ ਨੁਪ੍ਪਜ੍ਜਿਤ੍ਥ, ਨੋ ਚ ਤੇਸਂ ਤਤ੍ਥ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤਿ. ਅਸਞ੍ਞਸਤ੍ਤਾਨਂ ਤੇਸਂ ਤਤ੍ਥ ਸਮੁਦਯਸਚ੍ਚਞ੍ਚ ਨੁਪ੍ਪਜ੍ਜਿਤ੍ਥ ਮਗ੍ਗਸਚ੍ਚਞ੍ਚ ਨੁਪ੍ਪਜ੍ਜਿਸ੍ਸਤਿ.
(ਖ) ਯਸ੍ਸ ਵਾ ਪਨ ਯਤ੍ਥ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤਿ ਤਸ੍ਸ ਤਤ੍ਥ ਸਮੁਦਯਸਚ੍ਚਂ ਨੁਪ੍ਪਜ੍ਜਿਤ੍ਥਾਤਿ?
ਅਗ੍ਗਮਗ੍ਗਸਮਙ੍ਗੀਨਂ ਅਰਹਨ੍ਤਾਨਂ ਯੇ ਚ ਪੁਥੁਜ੍ਜਨਾ ਮਗ੍ਗਂ ਨ ਪਟਿਲਭਿਸ੍ਸਨ੍ਤਿ ਆਪਾਯਿਕਾਨਂ ਤੇਸਂ ਤਤ੍ਥ ਮਗ੍ਗਸਚ੍ਚਂ ਨੁਪ੍ਪਜ੍ਜਿਸ੍ਸਤਿ, ਨੋ ਚ ਤੇਸਂ ਤਤ੍ਥ ਸਮੁਦਯਸਚ੍ਚਂ ਨੁਪ੍ਪਜ੍ਜਿਤ੍ਥ. ਅਸਞ੍ਞਸਤ੍ਤਾਨਂ ਤੇਸਂ ਤਤ੍ਥ ਮਗ੍ਗਸਚ੍ਚਞ੍ਚ ਨੁਪ੍ਪਜ੍ਜਿਸ੍ਸਤਿ ਸਮੁਦਯਸਚ੍ਚਞ੍ਚ ਨੁਪ੍ਪਜ੍ਜਿਤ੍ਥ.
ਉਪ੍ਪਾਦਵਾਰੋ.