੨. ਪਦਸੋਧਨਮੂਲਚਕ੍ਕਵਾਰੋ

(ਕ) ਅਨੁਲੋਮਂ

੧੨. (ਕ) ਚਕ੍ਖੁ ਚਕ੍ਖੁਧਾਤੂਤਿ?

ਦਿਬ੍ਬਚਕ੍ਖੁ ਪਞ੍ਞਾਚਕ੍ਖੁ ਚਕ੍ਖੁ, ਨ ਚਕ੍ਖੁਧਾਤੁ. ਚਕ੍ਖੁਧਾਤੁ ਚਕ੍ਖੁ ਚੇਵ ਚਕ੍ਖੁਧਾਤੁ ਚ.

(ਖ) ਧਾਤੂ ਸੋਤਧਾਤੂਤਿ?

ਸੋਤਧਾਤੁ ਧਾਤੁ ਚੇਵ ਸੋਤਧਾਤੁ ਚ. ਅਵਸੇਸਾ ਧਾਤੂ [ਅਵਸੇਸਾ ਧਾਤੂ ਧਾਤੂ (ਸ੍ਯਾ.)] ਨ ਸੋਤਧਾਤੁ.

(ਕ) ਚਕ੍ਖੁ ਚਕ੍ਖੁਧਾਤੂਤਿ?

ਦਿਬ੍ਬਚਕ੍ਖੁ ਪਞ੍ਞਾਚਕ੍ਖੁ ਚਕ੍ਖੁ, ਨ ਚਕ੍ਖੁਧਾਤੁ. ਚਕ੍ਖੁਧਾਤੁ ਚਕ੍ਖੁ ਚੇਵ ਚਕ੍ਖੁਧਾਤੁ ਚ. ਧਾਤੂ ਘਾਨਧਾਤੁ…ਪੇ… ਧਾਤੂ ਧਮ੍ਮਧਾਤੂਤਿ?

ਧਮ੍ਮਧਾਤੁ ਧਾਤੁ ਚੇਵ ਧਮ੍ਮਧਾਤੁ ਚ. ਅਵਸੇਸਾ ਧਾਤੂ ਨ ਧਮ੍ਮਧਾਤੁ.

(ਯਥਾ ਆਯਤਨਯਮਕੇ ਪਣ੍ਣਤ੍ਤਿ ਏਵਂ ਧਾਤੁਯਮਕੇਪਿ ਪਣ੍ਣਤ੍ਤਿ. ਚਕ੍ਕਂ ਬਨ੍ਧਿਤਬ੍ਬਂ).

(ਖ) ਪਚ੍ਚਨੀਕਂ

੧੩. (ਕ) ਨ ਚਕ੍ਖੁ ਨ ਚਕ੍ਖੁਧਾਤੂਤਿ? ਆਮਨ੍ਤਾ.

(ਖ) ਨ ਧਾਤੂ ਨ ਸੋਤਧਾਤੂਤਿ? ਆਮਨ੍ਤਾ.

ਨ ਚਕ੍ਖੁ ਨ ਚਕ੍ਖੁਧਾਤੂਤਿ? ਆਮਨ੍ਤਾ.

ਨ ਧਾਤੂ ਨ ਘਾਨਧਾਤੁ…ਪੇ… ਨ ਧਾਤੂ ਨ ਧਮ੍ਮਧਾਤੂਤਿ? ਆਮਨ੍ਤਾ.

(ਚਕ੍ਕਂ ਬਨ੍ਧਿਤਬ੍ਬਂ, ਸਬ੍ਬੇ ਆਮਨ੍ਤਾ ਉਭਤੋਪਿ ਸੇਸੇਪਿ).