੧. ਪਦਸੋਧਨਵਾਰੋ

(ਕ) ਅਨੁਲੋਮਂ

੧੦. (ਕ) ਚਕ੍ਖੁ ਚਕ੍ਖਾਯਤਨਨ੍ਤਿ?

ਦਿਬ੍ਬਚਕ੍ਖੁ ਪਞ੍ਞਾਚਕ੍ਖੁ ਚਕ੍ਖੁ, ਨ ਚਕ੍ਖਾਯਤਨਂ. ਚਕ੍ਖਾਯਤਨਂ ਚਕ੍ਖੁ ਚੇਵ ਚਕ੍ਖਾਯਤਨਞ੍ਚ.

(ਖ) ਚਕ੍ਖਾਯਤਨਂ ਚਕ੍ਖੂਤਿ? ਆਮਨ੍ਤਾ.

(ਕ) ਸੋਤਂ ਸੋਤਾਯਤਨਨ੍ਤਿ?

ਦਿਬ੍ਬਸੋਤਂ ਤਣ੍ਹਾਸੋਤਂ ਸੋਤਂ, ਨ ਸੋਤਾਯਤਨਂ. ਸੋਤਾਯਤਨਂ ਸੋਤਞ੍ਚੇਵ ਸੋਤਾਯਤਨਞ੍ਚ.

(ਖ) ਸੋਤਾਯਤਨਂ ਸੋਤਨ੍ਤਿ? ਆਮਨ੍ਤਾ.

(ਕ) ਘਾਨਂ ਘਾਨਾਯਤਨਨ੍ਤਿ? ਆਮਨ੍ਤਾ.

(ਖ) ਘਾਨਾਯਤਨਂ ਘਾਨਨ੍ਤਿ? ਆਮਨ੍ਤਾ.

(ਕ) ਜਿਵ੍ਹਾ ਜਿਵ੍ਹਾਯਤਨਨ੍ਤਿ? ਆਮਨ੍ਤਾ.

(ਖ) ਜਿਵ੍ਹਾਯਤਨਂ ਜਿਵ੍ਹਾਤਿ? ਆਮਨ੍ਤਾ.

(ਕ) ਕਾਯੋ ਕਾਯਾਯਤਨਨ੍ਤਿ?

ਕਾਯਾਯਤਨਂ ਠਪੇਤ੍ਵਾ ਅਵਸੇਸੋ ਕਾਯੋ, ਨ ਕਾਯਾਯਤਨਂ. ਕਾਯਾਯਤਨਂ ਕਾਯੋ ਚੇਵ ਕਾਯਾਯਤਨਞ੍ਚ.

(ਖ) ਕਾਯਾਯਤਨਂ ਕਾਯੋਤਿ? ਆਮਨ੍ਤਾ.

(ਕ) ਰੂਪਂ ਰੂਪਾਯਤਨਨ੍ਤਿ?

ਰੂਪਾਯਤਨਂ ਠਪੇਤ੍ਵਾ ਅਵਸੇਸਂ ਰੂਪਂ, ਨ ਰੂਪਾਯਤਨਂ. ਰੂਪਾਯਤਨਂ ਰੂਪਞ੍ਚੇਵ ਰੂਪਾਯਤਨਞ੍ਚ.

(ਖ) ਰੂਪਾਯਤਨਂ ਰੂਪਨ੍ਤਿ? ਆਮਨ੍ਤਾ.

(ਕ) ਸਦ੍ਦੋ ਸਦ੍ਦਾਯਤਨਨ੍ਤਿ? ਆਮਨ੍ਤਾ.

(ਖ) ਸਦ੍ਦਾਯਤਨਂ ਸਦ੍ਦੋਤਿ? ਆਮਨ੍ਤਾ.

(ਕ) ਗਨ੍ਧੋ ਗਨ੍ਧਾਯਤਨਨ੍ਤਿ?

ਸੀਲਗਨ੍ਧੋ ਸਮਾਧਿਗਨ੍ਧੋ ਪਞ੍ਞਾਗਨ੍ਧੋ ਗਨ੍ਧੋ, ਨ ਗਨ੍ਧਾਯਤਨਂ. ਗਨ੍ਧਾਯਤਨਂ ਗਨ੍ਧੋ ਚੇਵ ਗਨ੍ਧਾਯਤਨਞ੍ਚ.

(ਖ) ਗਨ੍ਧਾਯਤਨਂ ਗਨ੍ਧੋਤਿ? ਆਮਨ੍ਤਾ.

(ਕ) ਰਸੋ ਰਸਾਯਤਨਨ੍ਤਿ?

ਅਤ੍ਥਰਸੋ ਧਮ੍ਮਰਸੋ ਵਿਮੁਤ੍ਤਿਰਸੋ ਰਸੋ, ਨ ਰਸਾਯਤਨਂ. ਰਸਾਯਤਨਂ ਰਸੋ ਚੇਵ ਰਸਾਯਤਨਞ੍ਚ.

(ਖ) ਰਸਾਯਤਨਂ ਰਸੋਤਿ? ਆਮਨ੍ਤਾ.

(ਕ) ਫੋਟ੍ਠਬ੍ਬੋ ਫੋਟ੍ਠਬ੍ਬਾਯਤਨਨ੍ਤਿ? ਆਮਨ੍ਤਾ.

(ਖ) ਫੋਟ੍ਠਬ੍ਬਾਯਤਨਂ ਫੋਟ੍ਠਬ੍ਬੋਤਿ? ਆਮਨ੍ਤਾ.

(ਕ) ਮਨੋ ਮਨਾਯਤਨਨ੍ਤਿ? ਆਮਨ੍ਤਾ.

(ਖ) ਮਨਾਯਤਨਂ ਮਨੋਤਿ? ਆਮਨ੍ਤਾ.

(ਕ) ਧਮ੍ਮੋ ਧਮ੍ਮਾਯਤਨਨ੍ਤਿ?

ਧਮ੍ਮਾਯਤਨਂ ਠਪੇਤ੍ਵਾ ਅਵਸੇਸੋ ਧਮ੍ਮੋ, ਨ ਧਮ੍ਮਾਯਤਨਂ. ਧਮ੍ਮਾਯਤਨਂ ਧਮ੍ਮੋ ਚੇਵ ਧਮ੍ਮਾਯਤਨਞ੍ਚ.

(ਖ) ਧਮ੍ਮਾਯਤਨਂ ਧਮ੍ਮੋਤਿ? ਆਮਨ੍ਤਾ.

(ਖ) ਪਚ੍ਚਨੀਕਂ

੧੧. (ਕ) ਨ ਚਕ੍ਖੁ ਨ ਚਕ੍ਖਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਚਕ੍ਖਾਯਤਨਂ ਨ ਚਕ੍ਖੂਤਿ?

ਦਿਬ੍ਬਚਕ੍ਖੁ ਪਞ੍ਞਾਚਕ੍ਖੁ ਨ ਚਕ੍ਖਾਯਤਨਂ, ਚਕ੍ਖੁ. ਚਕ੍ਖੁਞ੍ਚ ਚਕ੍ਖਾਯਤਨਞ੍ਚ ਠਪੇਤ੍ਵਾ ਅਵਸੇਸਂ [ਅਵਸੇਸਾ (ਸ੍ਯਾ. ਪੀ.)] ਨ ਚੇਵ ਚਕ੍ਖੁ ਨ ਚ ਚਕ੍ਖਾਯਤਨਂ.

(ਕ) ਨ ਸੋਤਂ ਨ ਸੋਤਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਸੋਤਾਯਤਨਂ ਨ ਸੋਤਨ੍ਤਿ?

ਦਿਬ੍ਬਸੋਤਂ ਤਣ੍ਹਾਸੋਤਂ ਨ ਸੋਤਾਯਤਨਂ, ਸੋਤਂ. ਸੋਤਞ੍ਚ ਸੋਤਾਯਤਨਞ੍ਚ ਠਪੇਤ੍ਵਾ ਅਵਸੇਸਂ ਨ ਚੇਵ ਸੋਤਂ ਨ ਚ ਸੋਤਾਯਤਨਂ.

(ਕ) ਨ ਘਾਨਂ ਨ ਘਾਨਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਘਾਨਾਯਤਨਂ ਨ ਘਾਨਨ੍ਤਿ? ਆਮਨ੍ਤਾ.

(ਕ) ਨ ਜਿਵ੍ਹਾ ਨ ਜਿਵ੍ਹਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਜਿਵ੍ਹਾਯਤਨਂ ਨ ਜਿਵ੍ਹਾਤਿ? ਆਮਨ੍ਤਾ.

(ਕ) ਨ ਕਾਯੋ ਨ ਕਾਯਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਕਾਯਾਯਤਨਂ ਨ ਕਾਯੋਤਿ?

ਕਾਯਾਯਤਨਂ ਠਪੇਤ੍ਵਾ ਅਵਸੇਸੋ ਨ ਕਾਯਾਯਤਨਂ, ਕਾਯੋ. ਕਾਯਞ੍ਚ ਕਾਯਾਯਤਨਞ੍ਚ ਠਪੇਤ੍ਵਾ ਅਵਸੇਸਂ [ਅਵਸੇਸੋ (ਸ੍ਯਾ.)] ਨ ਚੇਵ ਕਾਯੋ ਨ ਚ ਕਾਯਾਯਤਨਂ.

(ਕ) ਨ ਰੂਪਂ ਨ ਰੂਪਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਰੂਪਾਯਤਨਂ ਨ ਰੂਪਨ੍ਤਿ?

ਰੂਪਾਯਤਨਂ ਠਪੇਤ੍ਵਾ ਅਵਸੇਸਂ ਨ ਰੂਪਾਯਤਨਂ, ਰੂਪਂ. ਰੂਪਞ੍ਚ ਰੂਪਾਯਤਨਞ੍ਚ ਠਪੇਤ੍ਵਾ ਅਵਸੇਸਂ ਨ ਚੇਵ ਰੂਪਂ ਨ ਚ ਰੂਪਾਯਤਨਂ.

(ਕ) ਨ ਸਦ੍ਦੋ ਨ ਸਦ੍ਦਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਸਦ੍ਦਾਯਤਨਂ ਨ ਸਦ੍ਦੋਤਿ? ਆਮਨ੍ਤਾ.

(ਕ) ਨ ਗਨ੍ਧੋ ਨ ਗਨ੍ਧਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਗਨ੍ਧਾਯਤਨਂ ਨ ਗਨ੍ਧੋਤਿ?

ਸੀਲਗਨ੍ਧੋ ਸਮਾਧਿਗਨ੍ਧੋ ਪਞ੍ਞਾਗਨ੍ਧੋ ਨ ਗਨ੍ਧਾਯਤਨਂ, ਗਨ੍ਧੋ. ਗਨ੍ਧਞ੍ਚ ਗਨ੍ਧਾਯਤਨਞ੍ਚ ਠਪੇਤ੍ਵਾ ਅਵਸੇਸਂ [ਅਵਸੇਸਾ (ਸ੍ਯਾ.)] ਨ ਚੇਵ ਗਨ੍ਧੋ ਨ ਚ ਗਨ੍ਧਾਯਤਨਂ.

(ਕ) ਨ ਰਸੋ ਨ ਰਸਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਰਸਾਯਤਨਂ ਨ ਰਸੋਤਿ?

ਅਤ੍ਥਰਸੋ ਧਮ੍ਮਰਸੋ ਵਿਮੁਤ੍ਤਿਰਸੋ ਨ ਰਸਾਯਤਨਂ, ਰਸੋ. ਰਸਞ੍ਚ ਰਸਾਯਤਨਞ੍ਚ ਠਪੇਤ੍ਵਾ ਅਵਸੇਸਂ ਨ ਚੇਵ ਰਸੋ ਨ ਚ ਰਸਾਯਤਨਂ.

(ਕ) ਨ ਫੋਟ੍ਠਬ੍ਬੋ ਨ ਫੋਟ੍ਠਬ੍ਬਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਫੋਟ੍ਠਬ੍ਬਾਯਤਨਂ ਨ ਫੋਟ੍ਠਬ੍ਬੋਤਿ? ਆਮਨ੍ਤਾ.

(ਕ) ਨ ਮਨੋ ਨ ਮਨਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਮਨਾਯਤਨਂ ਨ ਮਨੋਤਿ? ਆਮਨ੍ਤਾ.

(ਕ) ਨ ਧਮ੍ਮੋ ਨ ਧਮ੍ਮਾਯਤਨਨ੍ਤਿ? ਆਮਨ੍ਤਾ.

(ਖ) ਨ ਧਮ੍ਮਾਯਤਨਂ ਨ ਧਮ੍ਮੋਤਿ?

ਧਮ੍ਮਾਯਤਨਂ ਠਪੇਤ੍ਵਾ ਅਵਸੇਸੋ ਨ ਧਮ੍ਮਾਯਤਨਂ, ਧਮ੍ਮੋ. ਧਮ੍ਮਞ੍ਚ ਧਮ੍ਮਾਯਤਨਞ੍ਚ ਠਪੇਤ੍ਵਾ ਅਵਸੇਸਂ ਨ ਚੇਵ ਧਮ੍ਮੋ ਨ ਚ ਧਮ੍ਮਾਯਤਨਂ.