੫. ਪਚ੍ਚੁਪ੍ਪਨ੍ਨਾਨਾਗਤਵਾਰੋ

੨੫੩. (ਕ) ਯੋ ਚਕ੍ਖਾਯਤਨਂ ਪਰਿਜਾਨਾਤਿ ਸੋ ਸੋਤਾਯਤਨਂ ਪਰਿਜਾਨਿਸ੍ਸਤੀਤਿ? ਨੋ.

(ਖ) ਯੋ ਵਾ ਪਨ ਸੋਤਾਯਤਨਂ ਪਰਿਜਾਨਿਸ੍ਸਤਿ ਸੋ ਚਕ੍ਖਾਯਤਨਂ ਪਰਿਜਾਨਾਤੀਤਿ? ਨੋ.

(ਕ) ਯੋ ਚਕ੍ਖਾਯਤਨਂ ਨ ਪਰਿਜਾਨਾਤਿ ਸੋ ਸੋਤਾਯਤਨਂ ਨ ਪਰਿਜਾਨਿਸ੍ਸਤੀਤਿ?

ਯੇ ਮਗ੍ਗਂ ਪਟਿਲਭਿਸ੍ਸਨ੍ਤਿ ਤੇ ਚਕ੍ਖਾਯਤਨਂ ਨ ਪਰਿਜਾਨਨ੍ਤਿ, ਨੋ ਚ ਸੋਤਾਯਤਨਂ ਨ ਪਰਿਜਾਨਿਸ੍ਸਨ੍ਤਿ. ਅਰਹਾ ਯੇ ਚ ਪੁਥੁਜ੍ਜਨਾ ਮਗ੍ਗਂ ਨ ਪਟਿਲਭਿਸ੍ਸਨ੍ਤਿ ਤੇ ਚਕ੍ਖਾਯਤਨਞ੍ਚ ਨ ਪਰਿਜਾਨਨ੍ਤਿ ਸੋਤਾਯਤਨਞ੍ਚ ਨ ਪਰਿਜਾਨਿਸ੍ਸਨ੍ਤਿ.

(ਖ) ਯੋ ਵਾ ਪਨ ਸੋਤਾਯਤਨਂ ਨ ਪਰਿਜਾਨਿਸ੍ਸਤਿ ਸੋ ਚਕ੍ਖਾਯਤਨਂ ਨ ਪਰਿਜਾਨਾਤੀਤਿ?

ਅਗ੍ਗਮਗ੍ਗਸਮਙ੍ਗੀ ਸੋਤਾਯਤਨਂ ਨ ਪਰਿਜਾਨਿਸ੍ਸਤਿ, ਨੋ ਚ ਚਕ੍ਖਾਯਤਨਂ ਨ ਪਰਿਜਾਨਾਤਿ. ਅਰਹਾ ਯੇ ਚ ਪੁਥੁਜ੍ਜਨਾ ਮਗ੍ਗਂ ਨ ਪਟਿਲਭਿਸ੍ਸਨ੍ਤਿ ਤੇ ਸੋਤਾਯਤਨਞ੍ਚ ਨ ਪਰਿਜਾਨਿਸ੍ਸਨ੍ਤਿ ਚਕ੍ਖਾਯਤਨਞ੍ਚ ਨ ਪਰਿਜਾਨਨ੍ਤਿ.