(੪) ਪਚ੍ਚੁਪ੍ਪਨ੍ਨਾਤੀਤਵਾਰੋ
(ਕ) ਅਨੁਲੋਮਪੁਗ੍ਗਲੋ
੧੨੨. (ਕ) ਯਸ੍ਸ ਰੂਪਕ੍ਖਨ੍ਧੋ ਨਿਰੁਜ੍ਝਤਿ ਤਸ੍ਸ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥਾਤਿ? ਆਮਨ੍ਤਾ.
(ਖ) ਯਸ੍ਸ ਵਾ ਪਨ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥ ਤਸ੍ਸ ਰੂਪਕ੍ਖਨ੍ਧੋ ਨਿਰੁਜ੍ਝਤੀਤਿ?
ਸਬ੍ਬੇਸਂ ਉਪਪਜ੍ਜਨ੍ਤਾਨਂ ਅਰੂਪਾ ਚਵਨ੍ਤਾਨਂ ਤੇਸਂ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥ, ਨੋ ਚ ਤੇਸਂ ਰੂਪਕ੍ਖਨ੍ਧੋ ਨਿਰੁਜ੍ਝਤਿ. ਪਞ੍ਚਵੋਕਾਰਾ ਚਵਨ੍ਤਾਨਂ ਅਸਞ੍ਞਸਤ੍ਤਾ ਚਵਨ੍ਤਾਨਂ ਤੇਸਂ ਵੇਦਨਾਕ੍ਖਨ੍ਧੋ ਚ ਨਿਰੁਜ੍ਝਿਤ੍ਥ ਰੂਪਕ੍ਖਨ੍ਧੋ ਚ ਨਿਰੁਜ੍ਝਤਿ.
੧੨੩. (ਕ) ਯਸ੍ਸ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤਿ ਤਸ੍ਸ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥਾਤਿ? ਆਮਨ੍ਤਾ.
(ਖ) ਯਸ੍ਸ ਵਾ ਪਨ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥ ਤਸ੍ਸ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤੀਤਿ?
ਸਬ੍ਬੇਸਂ ਉਪਪਜ੍ਜਨ੍ਤਾਨਂ ਅਸਞ੍ਞਸਤ੍ਤਾ ਚਵਨ੍ਤਾਨਂ ਤੇਸਂ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥ, ਨੋ ਚ ਤੇਸਂ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤਿ. ਚਤੁਵੋਕਾਰਾ ਪਞ੍ਚਵੋਕਾਰਾ ਚਵਨ੍ਤਾਨਂ ਤੇਸਂ ਸਞ੍ਞਾਕ੍ਖਨ੍ਧੋ ਚ ਨਿਰੁਜ੍ਝਿਤ੍ਥ ਵੇਦਨਾਕ੍ਖਨ੍ਧੋ ਚ ਨਿਰੁਜ੍ਝਤਿ.
(ਖ) ਅਨੁਲੋਮਓਕਾਸੋ
੧੨੪. (ਕ) ਯਤ੍ਥ ਰੂਪਕ੍ਖਨ੍ਧੋ ਨਿਰੁਜ੍ਝਤਿ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥਾਤਿ?
ਅਸਞ੍ਞਸਤ੍ਤੇ ਤਤ੍ਥ ਰੂਪਕ੍ਖਨ੍ਧੋ ਨਿਰੁਜ੍ਝਤਿ, ਨੋ ਚ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥ. ਪਞ੍ਚਵੋਕਾਰੇ ਤਤ੍ਥ ਰੂਪਕ੍ਖਨ੍ਧੋ ਚ ਨਿਰੁਜ੍ਝਤਿ ਵੇਦਨਾਕ੍ਖਨ੍ਧੋ ਚ ਨਿਰੁਜ੍ਝਿਤ੍ਥ.
(ਖ) ਯਤ੍ਥ ਵਾ ਪਨ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥ ਤਤ੍ਥ ਰੂਪਕ੍ਖਨ੍ਧੋ ਨਿਰੁਜ੍ਝਤੀਤਿ?
ਅਰੂਪੇ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥ, ਨੋ ਚ ਤਤ੍ਥ ਰੂਪਕ੍ਖਨ੍ਧੋ ਨਿਰੁਜ੍ਝਤਿ. ਪਞ੍ਚਵੋਕਾਰੇ ਤਤ੍ਥ ਵੇਦਨਾਕ੍ਖਨ੍ਧੋ ਚ ਨਿਰੁਜ੍ਝਿਤ੍ਥ ਰੂਪਕ੍ਖਨ੍ਧੋ ਚ ਨਿਰੁਜ੍ਝਤਿ.
੧੨੫. (ਕ) ਯਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤਿ ਤਤ੍ਥ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥਾਤਿ? ਆਮਨ੍ਤਾ.
(ਖ) ਯਤ੍ਥ ਵਾ ਪਨ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤੀਤਿ? ਆਮਨ੍ਤਾ.
(ਗ) ਅਨੁਲੋਮਪੁਗ੍ਗਲੋਕਾਸਾ
੧੨੬. (ਕ) ਯਸ੍ਸ ਯਤ੍ਥ ਰੂਪਕ੍ਖਨ੍ਧੋ ਨਿਰੁਜ੍ਝਤਿ ਤਸ੍ਸ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥਾਤਿ?
ਸੁਦ੍ਧਾਵਾਸੇ ਪਰਿਨਿਬ੍ਬਨ੍ਤਾਨਂ ਅਸਞ੍ਞਸਤ੍ਤਾ ਚਵਨ੍ਤਾਨਂ ਤੇਸਂ ਤਤ੍ਥ ਰੂਪਕ੍ਖਨ੍ਧੋ ਨਿਰੁਜ੍ਝਤਿ, ਨੋ ਚ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥ. ਇਤਰੇਸਂ ਪਞ੍ਚਵੋਕਾਰਾ ਚਵਨ੍ਤਾਨਂ ਤੇਸਂ ਤਤ੍ਥ ਰੂਪਕ੍ਖਨ੍ਧੋ ਚ ਨਿਰੁਜ੍ਝਤਿ ਵੇਦਨਾਕ੍ਖਨ੍ਧੋ ਚ ਨਿਰੁਜ੍ਝਿਤ੍ਥ.
(ਖ) ਯਸ੍ਸ ਵਾ ਪਨ ਯਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥ ਤਸ੍ਸ ਤਤ੍ਥ ਰੂਪਕ੍ਖਨ੍ਧੋ ਨਿਰੁਜ੍ਝਤੀਤਿ?
ਪਞ੍ਚਵੋਕਾਰਂ ਉਪਪਜ੍ਜਨ੍ਤਾਨਂ ਅਰੂਪਾਨਂ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਿਤ੍ਥ, ਨੋ ਚ ਤੇਸਂ ਤਤ੍ਥ ਰੂਪਕ੍ਖਨ੍ਧੋ ਨਿਰੁਜ੍ਝਤਿ. ਪਞ੍ਚਵੋਕਾਰਾ ਚਵਨ੍ਤਾਨਂ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਚ ਨਿਰੁਜ੍ਝਿਤ੍ਥ ਰੂਪਕ੍ਖਨ੍ਧੋ ਚ ਨਿਰੁਜ੍ਝਤਿ.
੧੨੭. (ਕ) ਯਸ੍ਸ ਯਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤਿ ਤਸ੍ਸ ਤਤ੍ਥ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥਾਤਿ?
ਸੁਦ੍ਧਾਵਾਸੇ ਪਰਿਨਿਬ੍ਬਨ੍ਤਾਨਂ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤਿ, ਨੋ ਚ ਤੇਸਂ ਤਤ੍ਥ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥ. ਇਤਰੇਸਂ ਚਤੁਵੋਕਾਰਾ ਪਞ੍ਚਵੋਕਾਰਾ ਚਵਨ੍ਤਾਨਂ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਚ ਨਿਰੁਜ੍ਝਤਿ ਸਞ੍ਞਾਕ੍ਖਨ੍ਧੋ ਚ ਨਿਰੁਜ੍ਝਿਤ੍ਥ.
(ਖ) ਯਸ੍ਸ ਵਾ ਪਨ ਯਤ੍ਥ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥ ਤਸ੍ਸ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤੀਤਿ?
ਚਤੁਵੋਕਾਰਂ ਪਞ੍ਚਵੋਕਾਰਂ ਉਪਪਜ੍ਜਨ੍ਤਾਨਂ ਤੇਸਂ ਤਤ੍ਥ ਸਞ੍ਞਾਕ੍ਖਨ੍ਧੋ ਨਿਰੁਜ੍ਝਿਤ੍ਥ, ਨੋ ਚ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਨਿਰੁਜ੍ਝਤਿ. ਚਤੁਵੋਕਾਰਾ ਪਞ੍ਚਵੋਕਾਰਾ ਚਵਨ੍ਤਾਨਂ ਤੇਸਂ ਤਤ੍ਥ ਸਞ੍ਞਾਕ੍ਖਨ੍ਧੋ ਚ ਨਿਰੁਜ੍ਝਿਤ੍ਥ ਵੇਦਨਾਕ੍ਖਨ੍ਧੋ ਚ ਨਿਰੁਜ੍ਝਤਿ.
(ਘ) ਪਚ੍ਚਨੀਕਪੁਗ੍ਗਲੋ
੧੨੮. (ਕ) ਯਸ੍ਸ ਰੂਪਕ੍ਖਨ੍ਧੋ ਨ ਨਿਰੁਜ੍ਝਤਿ ਤਸ੍ਸ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥਾਤਿ? ਨਿਰੁਜ੍ਝਿਤ੍ਥ.
(ਖ) ਯਸ੍ਸ ਵਾ ਪਨ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥ ਤਸ੍ਸ ਰੂਪਕ੍ਖਨ੍ਧੋ ਨ ਨਿਰੁਜ੍ਝਤੀਤਿ? ਨਤ੍ਥਿ.
੧੨੯. (ਕ) ਯਸ੍ਸ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਤਿ ਤਸ੍ਸ ਸਞ੍ਞਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥਾਤਿ? ਨਿਰੁਜ੍ਝਿਤ੍ਥ.
(ਖ) ਯਸ੍ਸ ਵਾ ਪਨ ਸਞ੍ਞਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥ ਤਸ੍ਸ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਤੀਤਿ? ਨਤ੍ਥਿ.
(ਙ) ਪਚ੍ਚਨੀਕਓਕਾਸੋ
੧੩੦. ਯਤ੍ਥ ਰੂਪਕ੍ਖਨ੍ਧੋ ਨ ਨਿਰੁਜ੍ਝਤਿ (ਯਤ੍ਥਕਂ ਪਰਿਪੁਣ੍ਣਂ ਕਾਤਬ੍ਬਂ).
(ਚ) ਪਚ੍ਚਨੀਕਪੁਗ੍ਗਲੋਕਾਸਾ
੧੩੧. (ਕ) ਯਸ੍ਸ ਯਤ੍ਥ ਰੂਪਕ੍ਖਨ੍ਧੋ ਨ ਨਿਰੁਜ੍ਝਤਿ ਤਸ੍ਸ ਤਤ੍ਥ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥਾਤਿ?
ਪਞ੍ਚਵੋਕਾਰਂ ਉਪਪਜ੍ਜਨ੍ਤਾਨਂ ਅਰੂਪਾਨਂ ਤੇਸਂ ਤਤ੍ਥ ਰੂਪਕ੍ਖਨ੍ਧੋ ਨ ਨਿਰੁਜ੍ਝਤਿ, ਨੋ ਚ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥ. ਸੁਦ੍ਧਾਵਾਸਂ ਉਪਪਜ੍ਜਨ੍ਤਾਨਂ ਅਸਞ੍ਞਸਤ੍ਤਂ ਉਪਪਜ੍ਜਨ੍ਤਾਨਂ ਤੇਸਂ ਤਤ੍ਥ ਰੂਪਕ੍ਖਨ੍ਧੋ ਚ ਨ ਨਿਰੁਜ੍ਝਤਿ ਵੇਦਨਾਕ੍ਖਨ੍ਧੋ ਚ ਨ ਨਿਰੁਜ੍ਝਿਤ੍ਥ.
(ਖ) ਯਸ੍ਸ ਵਾ ਪਨ ਯਤ੍ਥ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥ ਤਸ੍ਸ ਤਤ੍ਥ ਰੂਪਕ੍ਖਨ੍ਧੋ ਨ ਨਿਰੁਜ੍ਝਤੀਤਿ?
ਸੁਦ੍ਧਾਵਾਸੇ ਪਰਿਨਿਬ੍ਬਨ੍ਤਾਨਂ ਅਸਞ੍ਞਸਤ੍ਤਾ ਚਵਨ੍ਤਾਨਂ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥ, ਨੋ ਚ ਤੇਸਂ ਤਤ੍ਥ ਰੂਪਕ੍ਖਨ੍ਧੋ ਨ ਨਿਰੁਜ੍ਝਤਿ. ਸੁਦ੍ਧਾਵਾਸਂ ਉਪਪਜ੍ਜਨ੍ਤਾਨਂ ਅਸਞ੍ਞਸਤ੍ਤਂ ਉਪਪਜ੍ਜਨ੍ਤਾਨਂ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਚ ਨ ਨਿਰੁਜ੍ਝਿਤ੍ਥ ਰੂਪਕ੍ਖਨ੍ਧੋ ਚ ਨ ਨਿਰੁਜ੍ਝਤਿ.
੧੩੨. (ਕ) ਯਸ੍ਸ ਯਤ੍ਥ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਤਿ ਤਸ੍ਸ ਤਤ੍ਥ ਸਞ੍ਞਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥਾਤਿ?
ਚਤੁਵੋਕਾਰਂ ਪਞ੍ਚਵੋਕਾਰਂ ਉਪਪਜ੍ਜਨ੍ਤਾਨਂ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਤਿ, ਨੋ ਚ ਤੇਸਂ ਤਤ੍ਥ ਸਞ੍ਞਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥ. ਸੁਦ੍ਧਾਵਾਸਂ ਉਪਪਜ੍ਜਨ੍ਤਾਨਂ ਅਸਞ੍ਞਸਤ੍ਤਾਨਂ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਚ ਨ ਨਿਰੁਜ੍ਝਤਿ ਸਞ੍ਞਾਕ੍ਖਨ੍ਧੋ ਚ ਨ ਨਿਰੁਜ੍ਝਿਤ੍ਥ.
(ਖ) ਯਸ੍ਸ ਵਾ ਪਨ ਯਤ੍ਥ ਸਞ੍ਞਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥ ਤਸ੍ਸ ਤਤ੍ਥ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਤੀਤਿ?
ਸੁਦ੍ਧਾਵਾਸੇ ਪਰਿਨਿਬ੍ਬਨ੍ਤਾਨਂ ਤੇਸਂ ਤਤ੍ਥ ਸਞ੍ਞਾਕ੍ਖਨ੍ਧੋ ਨ ਨਿਰੁਜ੍ਝਿਤ੍ਥ, ਨੋ ਚ ਤੇਸਂ ਤਤ੍ਥ ਵੇਦਨਾਕ੍ਖਨ੍ਧੋ ਨ ਨਿਰੁਜ੍ਝਤਿ. ਸੁਦ੍ਧਾਵਾਸਂ ਉਪਪਜ੍ਜਨ੍ਤਾਨਂ ਅਸਞ੍ਞਸਤ੍ਤਾਨਂ ਤੇਸਂ ਤਤ੍ਥ ਸਞ੍ਞਾਕ੍ਖਨ੍ਧੋ ਚ ਨ ਨਿਰੁਜ੍ਝਿਤ੍ਥ ਵੇਦਨਾਕ੍ਖਨ੍ਧੋ ਚ ਨ ਨਿਰੁਜ੍ਝਤਿ.