੧. ਪਚ੍ਚਯਾਨੁਲੋਮਂ

ਹੇਤੁਪਚ੍ਚਯੋ

੩੬. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨਭਾਵਨਾਯ ਪਹਾਤਬ੍ਬੋ ਚ ਨਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨਦਸ੍ਸਨੇਨ ਪਹਾਤਬ੍ਬੋ ਚ ਨਭਾਵਨਾਯ ਪਹਾਤਬ੍ਬੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੫)

ਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਪਞ੍ਚ.

ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਦਸ੍ਸਨੇਨ ਪਹਾਤਬ੍ਬਞ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਞ੍ਚ ਧਮ੍ਮਂ ਪਟਿਚ੍ਚ ਨਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਭਾਵਨਾਯ ਪਹਾਤਬ੍ਬਞ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਞ੍ਚ ਧਮ੍ਮਂ ਪਟਿਚ੍ਚ ਨਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ. (ਸਂਖਿਤ੍ਤਂ.)

ਹੇਤੁਯਾ ਏਕੂਨਵੀਸ…ਪੇ… ਅਵਿਗਤੇ ਏਕੂਨਵੀਸ. (ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਞ੍ਹਾਵਾਰਮ੍ਪਿ ਵਿਤ੍ਥਾਰੇਤਬ੍ਬਂ.)