੧. ਪਚ੍ਚਯਾਨੁਲੋਮਂ

ਹੇਤੁਪਚ੍ਚਯੋ

੩੩. ਸਵਿਤਕ੍ਕਸਵਿਚਾਰਂ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਸਵਿਤਕ੍ਕਸਵਿਚਾਰਂ ਧਮ੍ਮਂ ਪਟਿਚ੍ਚ ਨਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਸਵਿਤਕ੍ਕਸਵਿਚਾਰਂ ਧਮ੍ਮਂ ਪਟਿਚ੍ਚ ਨਅਵਿਤਕ੍ਕਅਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਸਵਿਤਕ੍ਕਸਵਿਚਾਰਂ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਚ ਨਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਸਵਿਤਕ੍ਕਸਵਿਚਾਰਂ ਧਮ੍ਮਂ ਪਟਿਚ੍ਚ ਨਅਵਿਤਕ੍ਕਵਿਚਾਰਮਤ੍ਤੋ ਚ ਨਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਸਵਿਤਕ੍ਕਸਵਿਚਾਰਂ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਚ ਨਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਸਵਿਤਕ੍ਕਸਵਿਚਾਰਂ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਚ ਨਅਵਿਤਕ੍ਕਵਿਚਾਰਮਤ੍ਤੋ ਚ ਨਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੭)

੩੪. ਅਵਿਤਕ੍ਕਵਿਚਾਰਮਤ੍ਤਂ ਧਮ੍ਮਂ ਪਟਿਚ੍ਚ ਨਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਵਿਤਕ੍ਕਵਿਚਾਰਮਤ੍ਤਂ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਵਿਤਕ੍ਕਵਿਚਾਰਮਤ੍ਤਂ ਧਮ੍ਮਂ ਪਟਿਚ੍ਚ ਨਅਵਿਤਕ੍ਕਅਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਵਿਤਕ੍ਕਵਿਚਾਰਮਤ੍ਤਂ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਚ ਨਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਅਵਿਤਕ੍ਕਵਿਚਾਰਮਤ੍ਤਂ ਧਮ੍ਮਂ ਪਟਿਚ੍ਚ ਨਅਵਿਤਕ੍ਕਵਿਚਾਰਮਤ੍ਤੋ ਚ ਨਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਅਵਿਤਕ੍ਕਵਿਚਾਰਮਤ੍ਤਂ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਚ ਨਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਅਵਿਤਕ੍ਕਵਿਚਾਰਮਤ੍ਤਂ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਚ ਨਅਵਿਤਕ੍ਕਵਿਚਾਰਮਤ੍ਤੋ ਚ ਨਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੭)

ਅਵਿਤਕ੍ਕਅਵਿਚਾਰਂ ਧਮ੍ਮਂ ਪਟਿਚ੍ਚ ਨਅਵਿਤਕ੍ਕਅਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ…ਪੇ… ਸਤ੍ਤ.

ਸਵਿਤਕ੍ਕਸਵਿਚਾਰਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ…ਪੇ… ਸਤ੍ਤ.

ਅਵਿਤਕ੍ਕਵਿਚਾਰਮਤ੍ਤਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ…ਪੇ… ਸਤ੍ਤ.

ਸਵਿਤਕ੍ਕਸਵਿਚਾਰਞ੍ਚ ਅਵਿਤਕ੍ਕਵਿਚਾਰਮਤ੍ਤਞ੍ਚ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ…ਪੇ… ਸਤ੍ਤ.

ਸਵਿਤਕ੍ਕਸਵਿਚਾਰਞ੍ਚ ਅਵਿਤਕ੍ਕਵਿਚਾਰਮਤ੍ਤਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਟਿਚ੍ਚ ਨਸਵਿਤਕ੍ਕਸਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ…ਪੇ… ਸਤ੍ਤ. (ਸਂਖਿਤ੍ਤਂ.)

ਹੇਤੁਯਾ ਏਕੂਨਪਞ੍ਞਾਸ, ਆਰਮ੍ਮਣੇ ਏਕੂਨਪਞ੍ਞਾਸ…ਪੇ… ਅਵਿਗਤੇ ਏਕੂਨਪਞ੍ਞਾਸ. (ਸਹਜਾਤਵਾਰਮ੍ਪਿ…ਪੇ… ਪਞ੍ਹਾਵਾਰਮ੍ਪਿ ਵਿਤ੍ਥਾਰੇਤਬ੍ਬਂ.)