੧-੧੩-੧੮. ਹੇਤੁਦੁਕ-ਆਸਵਗੋਚ੍ਛਕਾਨਿ

੧੪. ਨਹੇਤੁਂ ਨੋਆਸਵਂ ਧਮ੍ਮਂ ਪਟਿਚ੍ਚ ਹੇਤੁ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਹੇਤੁਂ ਨੋਆਸਵਂ ਧਮ੍ਮਂ ਪਟਿਚ੍ਚ ਨਹੇਤੁ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਹੇਤੁਂ ਨੋਆਸਵਂ ਧਮ੍ਮਂ ਪਟਿਚ੍ਚ ਹੇਤੁ ਆਸਵੋ ਚ ਨਹੇਤੁ ਆਸਵੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.

ਨਨਹੇਤੁਂ ਨੋਆਸਵਂ ਧਮ੍ਮਂ ਪਟਿਚ੍ਚ ਹੇਤੁ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਨਹੇਤੁਂ ਨੋਆਸਵਞ੍ਚ ਨਨਹੇਤੁਂ ਨੋਆਸਵਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ. ਹੇਤੁਯਾ ਪਞ੍ਚ.

ਨਹੇਤੁਂ ਨਨੋਆਸਵਂ ਧਮ੍ਮਂ ਪਟਿਚ੍ਚ ਨਹੇਤੁ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਨਨਹੇਤੁਂ ਨਨੋਆਸਵਂ ਧਮ੍ਮਂ ਪਟਿਚ੍ਚ ਨਹੇਤੁ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਨਹੇਤੁਂ ਨਨੋਆਸਵਂ ਧਮ੍ਮਂ ਪਟਿਚ੍ਚ ਹੇਤੁ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਨਹੇਤੁਂ ਨਨੋਆਸਵਂ ਧਮ੍ਮਂ ਪਟਿਚ੍ਚ ਹੇਤੁ ਨੋਆਸਵੋ ਚ ਨਹੇਤੁ ਨੋਆਸਵੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ ਤੀਣਿ.

ਨਹੇਤੁਂ ਨਨੋਆਸਵਞ੍ਚ ਨਨਹੇਤੁਂ ਨਨੋਆਸਵਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ. ਹੇਤੁਯਾ ਪਞ੍ਚ.

੧੫. ਨਹੇਤੁਂ ਨਸਾਸਵਂ ਧਮ੍ਮਂ ਪਟਿਚ੍ਚ ਨਹੇਤੁ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਹੇਤੁਂ ਨਅਨਾਸਵਂ ਧਮ੍ਮਂ ਪਚ੍ਚਯਾ ਹੇਤੁ ਅਨਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

੧੬. ਨਨਹੇਤੁਂ ਨਆਸਵਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਨਹੇਤੁ ਆਸਵਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਹੇਤੁਂ ਨਆਸਵਵਿਪ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਹੇਤੁ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.

੧੭. ਨਹੇਤੁਂ ਨਆਸਵਞ੍ਚੇਵ ਨਅਨਾਸਵਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਆਸਵੋ ਚੇਵ ਸਾਸਵੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਪਞ੍ਚ.

ਨਹੇਤੁਂ ਨਅਨਾਸਵਞ੍ਚੇਵ ਨਨੋ ਚ ਆਸਵਂ ਧਮ੍ਮਂ ਪਟਿਚ੍ਚ ਨਹੇਤੁ ਸਾਸਵੋ ਚੇਵ ਨੋ ਚ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਪਞ੍ਚ.

੧੮. ਨਹੇਤੁਂ ਨਆਸਵਞ੍ਚੇਵ ਨਆਸਵਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਹੇਤੁਂ ਨਆਸਵਵਿਪ੍ਪਯੁਤ੍ਤਞ੍ਚੇਵ ਨਨੋ ਚ ਆਸਵਂ ਧਮ੍ਮਂ ਪਟਿਚ੍ਚ ਨਹੇਤੁ ਆਸਵਸਮ੍ਪਯੁਤ੍ਤੋ ਚੇਵ ਨੋ ਚ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

੧੯. ਨਹੇਤੁਂ ਆਸਵਵਿਪ੍ਪਯੁਤ੍ਤਂ ਨਸਾਸਵਂ ਧਮ੍ਮਂ ਪਟਿਚ੍ਚ ਨਹੇਤੁ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਹੇਤੁਂ ਆਸਵਵਿਪ੍ਪਯੁਤ੍ਤਂ ਨਅਨਾਸਵਂ ਧਮ੍ਮਂ ਪਚ੍ਚਯਾ ਹੇਤੁ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.