੧੦੦-੭. ਸਰਣਦੁਕ-ਚੂਲ਼ਨ੍ਤਰਦੁਕਂ

੬੭. ਨਸਰਣੋ ਨਸਪ੍ਪਚ੍ਚਯੋ ਧਮ੍ਮੋ ਅਰਣਸ੍ਸ ਸਪ੍ਪਚ੍ਚਯਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਆਰਮ੍ਮਣੇ ਏਕਂ.

੬੮. ਨਸਰਣੋ ਨਸਙ੍ਖਤੋ ਧਮ੍ਮੋ… (ਸਂਖਿਤ੍ਤਂ).

੬੯. ਨਸਰਣਂ ਨਸਨਿਦਸ੍ਸਨਂ ਧਮ੍ਮਂ ਪਟਿਚ੍ਚ ਅਰਣੋ ਸਨਿਦਸ੍ਸਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਸਰਣੋ ਨਅਨਿਦਸ੍ਸਨੋ ਧਮ੍ਮੋ ਸਰਣਸ੍ਸ ਅਨਿਦਸ੍ਸਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਨਸਰਣੋ ਨਅਨਿਦਸ੍ਸਨੋ ਧਮ੍ਮੋ ਅਰਣਸ੍ਸ ਅਨਿਦਸ੍ਸਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਆਰਮ੍ਮਣੇ ਦ੍ਵੇ.

੭੦. ਨਸਰਣਂ ਨਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਰਣੋ ਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

੭੧. ਨਸਰਣਂ ਨਰੂਪਿਂ ਧਮ੍ਮਂ ਪਟਿਚ੍ਚ ਅਰਣੋ ਰੂਪੀ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਅਰਣਂ ਨਰੂਪਿਂ ਧਮ੍ਮਂ ਪਟਿਚ੍ਚ ਅਰਣੋ ਰੂਪੀ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਦ੍ਵੇ.

ਨਸਰਣਂ ਨਅਰੂਪਿਂ ਧਮ੍ਮਂ ਪਚ੍ਚਯਾ ਸਰਣੋ ਅਰੂਪੀ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਸਰਣਂ ਨਅਰੂਪਿਂ ਧਮ੍ਮਂ ਪਚ੍ਚਯਾ ਅਰਣੋ ਅਰੂਪੀ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਦ੍ਵੇ.

੭੨. ਨਸਰਣਂ ਨਲੋਕਿਯਂ ਧਮ੍ਮਂ ਪਟਿਚ੍ਚ ਅਰਣੋ ਲੋਕਿਯੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

ਨਸਰਣਂ ਨਲੋਕੁਤ੍ਤਰਂ ਧਮ੍ਮਂ ਪਚ੍ਚਯਾ ਅਰਣੋ ਲੋਕੁਤ੍ਤਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

੭੩. ਨਸਰਣਂ ਨਕੇਨਚਿ ਵਿਞ੍ਞੇਯ੍ਯਂ ਧਮ੍ਮਂ ਪਟਿਚ੍ਚ ਅਰਣੋ ਕੇਨਚਿ ਵਿਞ੍ਞੇਯ੍ਯੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਪਞ੍ਚ.

ਨਸਰਣਂ ਨਕੇਨਚਿ ਨਵਿਞ੍ਞੇਯ੍ਯਂ ਧਮ੍ਮਂ ਪਟਿਚ੍ਚ ਅਰਣੋ ਕੇਨਚਿ ਨਵਿਞ੍ਞੇਯ੍ਯੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਪਞ੍ਚ.