੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੭੨. ਸਪ੍ਪਚ੍ਚਯਂ ਹੇਤੁਂ ਧਮ੍ਮਂ ਪਟਿਚ੍ਚ ਸਪ੍ਪਚ੍ਚਯੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਬ੍ਬਤ੍ਥ ਏਕਂ.)

ਸਪ੍ਪਚ੍ਚਯਂ ਨਹੇਤੁਂ ਧਮ੍ਮਂ ਪਟਿਚ੍ਚ ਸਪ੍ਪਚ੍ਚਯੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਬ੍ਬਤ੍ਥ ਏਕਂ.)

੭੩. ਸਙ੍ਖਤਂ ਹੇਤੁਂ ਧਮ੍ਮਂ ਪਟਿਚ੍ਚ ਸਙ੍ਖਤੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਬ੍ਬਤ੍ਥ ਏਕਂ.)

ਸਙ੍ਖਤਂ ਨਹੇਤੁਂ ਧਮ੍ਮਂ ਪਟਿਚ੍ਚ ਸਙ੍ਖਤੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਬ੍ਬਤ੍ਥ ਏਕਂ).

੭੪. ਅਨਿਦਸ੍ਸਨਂ ਹੇਤੁਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਬ੍ਬਤ੍ਥ ਏਕਂ.)

ਅਨਿਦਸ੍ਸਨਂ ਨਹੇਤੁਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਂਖਿਤ੍ਤਂ.)

ਹੇਤੁਯਾ ਤੀਣਿ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਤੀਣਿ. (ਸਂਖਿਤ੍ਤਂ.)

੭੫. ਅਪ੍ਪਟਿਘਂ ਹੇਤੁਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਬ੍ਬਤ੍ਥ ਏਕਂ.)

ਸਪ੍ਪਟਿਘਂ ਨਹੇਤੁਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਪ੍ਪਟਿਘਂ ਨਹੇਤੁਂ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਸਪ੍ਪਟਿਘਂ ਨਹੇਤੁਞ੍ਚ ਅਪ੍ਪਟਿਘਂ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ. (ਸਂਖਿਤ੍ਤਂ.)

ਹੇਤੁਯਾ ਨਵ, ਆਰਮ੍ਮਣੇ ਏਕਂ…ਪੇ… ਅਞ੍ਞਮਞ੍ਞੇ ਛ…ਪੇ… ਅਵਿਗਤੇ ਨਵ.

੭੬. ਅਰੂਪਿਂ ਹੇਤੁਂ ਧਮ੍ਮਂ ਪਟਿਚ੍ਚ ਅਰੂਪੀ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਬ੍ਬਤ੍ਥ ਏਕਂ.)

ਰੂਪਿਂ ਨਹੇਤੁਂ ਧਮ੍ਮਂ ਪਟਿਚ੍ਚ ਰੂਪੀ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਂਖਿਤ੍ਤਂ.)

ਹੇਤੁਯਾ ਨਵ.

੭੭. ਲੋਕਿਯਂ ਹੇਤੁਂ ਧਮ੍ਮਂ ਪਟਿਚ੍ਚ ਲੋਕਿਯੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਲੋਕੁਤ੍ਤਰਂ ਹੇਤੁਂ ਧਮ੍ਮਂ ਪਟਿਚ੍ਚ ਲੋਕੁਤ੍ਤਰੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਬ੍ਬਤ੍ਥ ਦ੍ਵੇ.)

ਲੋਕਿਯਂ ਨਹੇਤੁਂ ਧਮ੍ਮਂ ਪਟਿਚ੍ਚ ਲੋਕਿਯੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਲੋਕੁਤ੍ਤਰਂ ਨਹੇਤੁਂ ਧਮ੍ਮਂ ਪਟਿਚ੍ਚ ਲੋਕੁਤ੍ਤਰੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਲੋਕਿਯਂ ਨਹੇਤੁਞ੍ਚ ਲੋਕੁਤ੍ਤਰਂ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਲੋਕਿਯੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਪਞ੍ਚ.

੭੮. ਕੇਨਚਿ ਵਿਞ੍ਞੇਯ੍ਯਂ ਹੇਤੁਂ ਧਮ੍ਮਂ ਪਟਿਚ੍ਚ…ਪੇ… ਨਕੇਨਚਿ ਵਿਞ੍ਞੇਯ੍ਯਂ ਹੇਤੁਂ ਧਮ੍ਮਂ ਪਟਿਚ੍ਚ… (ਸਬ੍ਬਤ੍ਥ ਨਵ).

ਕੇਨਚਿ ਵਿਞ੍ਞੇਯ੍ਯਂ ਨਹੇਤੁਂ ਧਮ੍ਮਂ ਪਟਿਚ੍ਚ…ਪੇ… ਨਕੇਨਚਿ ਵਿਞ੍ਞੇਯ੍ਯਂ ਨਹੇਤੁਂ ਧਮ੍ਮਂ ਪਟਿਚ੍ਚ… (ਸਬ੍ਬਤ੍ਥ ਨਵ).