੧-੧੪. ਕੁਸਲਤ੍ਤਿਕ-ਆਸਵਗੋਚ੍ਛਕਂ

੧੬. ਨਕੁਸਲਂ ਨੋਆਸਵਂ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਕੁਸਲਂ ਨਨੋਆਸਵਂ ਧਮ੍ਮਂ ਪਟਿਚ੍ਚ ਅਕੁਸਲੋ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.

੧੭. ਨਕੁਸਲਂ ਨਸਾਸਵਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਪਞ੍ਚ.

ਨਕੁਸਲਂ ਨਅਨਾਸਵਂ ਧਮ੍ਮਂ ਪਚ੍ਚਯਾ ਕੁਸਲੋ ਅਨਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਂਖਿਤ੍ਤਂ.) ਹੇਤੁਯਾ ਛ…ਪੇ… ਵਿਪਾਕੇ ਤੀਣਿ…ਪੇ… ਅਵਿਗਤੇ ਛ.

੧੮. ਨਕੁਸਲਂ ਨਆਸਵਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਕੁਸਲਂ ਨਆਸਵਵਿਪ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.

੧੯. ਨਕੁਸਲਂ ਨਆਸਵਞ੍ਚੇਵ ਨਅਨਾਸਵਞ੍ਚ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵੋ ਚੇਵ ਸਾਸਵੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਕੁਸਲਂ ਨਅਨਾਸਵਞ੍ਚੇਵ ਨਨੋ ਚ ਆਸਵਂ ਧਮ੍ਮਂ ਪਟਿਚ੍ਚ ਅਕੁਸਲੋ ਸਾਸਵੋ ਚੇਵ ਨੋ ਚ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.

੨੦. ਨਕੁਸਲਂ ਨਆਸਵਞ੍ਚੇਵ ਨਆਸਵਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਕੁਸਲਂ ਨਆਸਵਵਿਪ੍ਪਯੁਤ੍ਤਞ੍ਚੇਵ ਨਨੋ ਚ ਆਸਵਂ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵਸਮ੍ਪਯੁਤ੍ਤੋ ਚੇਵ ਨੋ ਚ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

੨੧. ਨਕੁਸਲਂ ਆਸਵਵਿਪ੍ਪਯੁਤ੍ਤਂ ਨਸਾਸਵਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਪਞ੍ਚ.