੨੨-੩-੬. ਸਨਿਦਸ੍ਸਨਤ੍ਤਿਕ-ਹੇਤੁਸਮ੍ਪਯੁਤ੍ਤਾਦਿਦੁਕਾਨਿ

੫੯. ਨਸਨਿਦਸ੍ਸਨਸਪ੍ਪਟਿਘਂ ਨਹੇਤੁਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਹੇਤੁਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਸਨਿਦਸ੍ਸਨਸਪ੍ਪਟਿਘਂ ਨਹੇਤੁਵਿਪ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘੋ ਹੇਤੁਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਏਕਵੀਸ.

੬੦. ਨਸਨਿਦਸ੍ਸਨਸਪ੍ਪਟਿਘਂ ਨਹੇਤੁਞ੍ਚੇਵ ਨਅਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਹੇਤੁ ਚੇਵ ਸਹੇਤੁਕੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਸਨਿਦਸ੍ਸਨਸਪ੍ਪਟਿਘਂ ਨਅਹੇਤੁਕਞ੍ਚੇਵ ਨਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਸਹੇਤੁਕੋ ਚੇਵ ਨ ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

੬੧. ਨਸਨਿਦਸ੍ਸਨਸਪ੍ਪਟਿਘਂ ਨਹੇਤੁਞ੍ਚੇਵ ਨਹੇਤੁਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਹੇਤੁ ਚੇਵ ਹੇਤੁਸਮ੍ਪਯੁਤ੍ਤੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਸਨਿਦਸ੍ਸਨਸਪ੍ਪਟਿਘਂ ਨਹੇਤੁਵਿਪ੍ਪਯੁਤ੍ਤਞ੍ਚੇਵ ਨਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਹੇਤੁਸਮ੍ਪਯੁਤ੍ਤੋ ਚੇਵ ਨ ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

੬੨. ਨਸਨਿਦਸ੍ਸਨਸਪ੍ਪਟਿਘਂ ਨਹੇਤੁਂ ਨਸਹੇਤੁਕਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਨਹੇਤੁ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਤੀਣਿ.

ਨਸਨਿਦਸ੍ਸਨਸਪ੍ਪਟਿਘਂ ਨਹੇਤੁਂ ਨਅਹੇਤੁਕਂ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘੋ ਨਹੇਤੁ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਏਕਵੀਸ.