੭-੧੩-੧. ਚੂਲ਼ਨ੍ਤਰਦੁਕਾਨਿ-ਕੁਸਲਤ੍ਤਿਕਂ

੧੦. ਨਅਪ੍ਪਚ੍ਚਯਂ ਨਕੁਸਲਂ ਧਮ੍ਮਂ ਪਚ੍ਚਯਾ ਸਪ੍ਪਚ੍ਚਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

ਨਅਪ੍ਪਚ੍ਚਯਂ ਨਅਕੁਸਲਂ ਧਮ੍ਮਂ ਪਚ੍ਚਯਾ ਸਪ੍ਪਚ੍ਚਯੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

ਨਅਪ੍ਪਚ੍ਚਯਂ ਨਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਸਪ੍ਪਚ੍ਚਯੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

੧੧. ਨਅਸਙ੍ਖਤਂ…ਪੇ… (ਸਪ੍ਪਚ੍ਚਯਦੁਕਸਦਿਸਂ).

੧੨. ਨਸਨਿਦਸ੍ਸਨਂ ਨਕੁਸਲਂ ਧਮ੍ਮਂ ਪਚ੍ਚਯਾ ਅਨਿਦਸ੍ਸਨੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

ਨਸਨਿਦਸ੍ਸਨਂ ਨਅਕੁਸਲਂ ਧਮ੍ਮਂ ਪਚ੍ਚਯਾ ਅਨਿਦਸ੍ਸਨੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

ਨਸਨਿਦਸ੍ਸਨਂ ਨਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਸਨਿਦਸ੍ਸਨਂ ਨਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਸਨਿਦਸ੍ਸਨਂ ਨਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨੋ ਅਬ੍ਯਾਕਤੋ ਚ ਅਨਿਦਸ੍ਸਨੋ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩) …ਹੇਤੁਯਾ ਤੀਣਿ.

੧੩. ਨਸਪ੍ਪਟਿਘਂ ਨਕੁਸਲਂ ਧਮ੍ਮਂ ਪਚ੍ਚਯਾ ਅਪ੍ਪਟਿਘੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ.

੧੪. ਨਅਰੂਪਿਂ ਨਕੁਸਲਂ ਧਮ੍ਮਂ ਪਚ੍ਚਯਾ ਅਰੂਪੀ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

ਨਅਰੂਪਿਂ ਨਅਕੁਸਲਂ ਧਮ੍ਮਂ ਪਚ੍ਚਯਾ ਅਰੂਪੀ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

ਨਰੂਪਿਂ ਨਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਰੂਪੀ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

੧੫. ਨਲੋਕੁਤ੍ਤਰਂ ਨਕੁਸਲਂ ਧਮ੍ਮਂ ਪਚ੍ਚਯਾ ਲੋਕਿਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਲੋਕੁਤ੍ਤਰਂ ਨਕੁਸਲਂ ਧਮ੍ਮਂ ਪਚ੍ਚਯਾ ਲੋਕੁਤ੍ਤਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਦ੍ਵੇ.

ਨਲੋਕੁਤ੍ਤਰਂ ਨਅਕੁਸਲਂ ਧਮ੍ਮਂ ਪਚ੍ਚਯਾ ਲੋਕਿਯੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.

ਨਲੋਕਿਯਂ ਨਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਲੋਕਿਯੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਲੋਕੁਤ੍ਤਰਂ ਨਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਲੋਕਿਯੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਦ੍ਵੇ.

੧੬. ਨਕੇਨਚਿ ਵਿਞ੍ਞੇਯ੍ਯਂ ਨਕੁਸਲਂ ਧਮ੍ਮਂ ਪਚ੍ਚਯਾ ਕੇਨਚਿ ਵਿਞ੍ਞੇਯ੍ਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਨਕੇਨਚਿ ਨਵਿਞ੍ਞੇਯ੍ਯਂ ਨਕੁਸਲਂ ਧਮ੍ਮਂ ਪਚ੍ਚਯਾ ਕੇਨਚਿ ਨਵਿਞ੍ਞੇਯ੍ਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਨਕੇਨਚਿ ਵਿਞ੍ਞੇਯ੍ਯਂ ਨਕੁਸਲਞ੍ਚ ਨਕੇਨਚਿ ਨਵਿਞ੍ਞੇਯ੍ਯਂ ਨਕੁਸਲਞ੍ਚ ਧਮ੍ਮਂ ਪਚ੍ਚਯਾ ਕੇਨਚਿ ਵਿਞ੍ਞੇਯ੍ਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ. (ਸਬ੍ਬਤ੍ਥ ਨਵ.)

ਨਕੇਨਚਿ ਵਿਞ੍ਞੇਯ੍ਯਂ ਨਅਕੁਸਲਂ ਧਮ੍ਮਂ ਪਚ੍ਚਯਾ ਕੇਨਚਿ ਵਿਞ੍ਞੇਯ੍ਯੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਕੇਨਚਿ ਨਵਿਞ੍ਞੇਯ੍ਯਂ ਨਅਕੁਸਲਂ ਧਮ੍ਮਂ ਪਚ੍ਚਯਾ ਕੇਨਚਿ ਨਵਿਞ੍ਞੇਯ੍ਯੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.

ਨਕੇਨਚਿ ਵਿਞ੍ਞੇਯ੍ਯਂ ਨਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਕੇਨਚਿ ਵਿਞ੍ਞੇਯ੍ਯੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.