੧੪-੧੯. ਆਸਵਗੋਚ੍ਛਕਂ

੧੪. ਨਆਸਵਂ ਧਮ੍ਮਂ ਪਟਿਚ੍ਚ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਆਸਵਂ ਧਮ੍ਮਂ ਪਟਿਚ੍ਚ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਆਸਵਂ ਧਮ੍ਮਂ ਪਟਿਚ੍ਚ ਆਸਵੋ ਚ ਨੋਆਸਵੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.

ਨਨੋਆਸਵਂ ਧਮ੍ਮਂ ਪਟਿਚ੍ਚ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਨੋਆਸਵਂ ਧਮ੍ਮਂ ਪਟਿਚ੍ਚ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਨੋਆਸਵਂ ਧਮ੍ਮਂ ਪਟਿਚ੍ਚ ਆਸਵੋ ਚ ਨੋਆਸਵੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.

ਨਆਸਵਞ੍ਚ ਨਨੋਆਸਵਞ੍ਚ ਧਮ੍ਮਂ ਪਟਿਚ੍ਚ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ. ਹੇਤੁਯਾ ਨਵ.

੧੫. ਨਸਾਸਵਂ ਧਮ੍ਮਂ ਪਟਿਚ੍ਚ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਸਾਸਵਂ ਧਮ੍ਮਂ ਪਟਿਚ੍ਚ ਅਨਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਸਾਸਵਂ ਧਮ੍ਮਂ ਪਟਿਚ੍ਚ ਸਾਸਵੋ ਚ ਅਨਾਸਵੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.

ਨਅਨਾਸਵਂ ਧਮ੍ਮਂ ਪਟਿਚ੍ਚ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਨਸਾਸਵਞ੍ਚ ਨਅਨਾਸਵਞ੍ਚ ਧਮ੍ਮਂ ਪਟਿਚ੍ਚ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ. (ਸਂਖਿਤ੍ਤਂ.) ਹੇਤੁਯਾ ਪਞ੍ਚ.

੧੬. ਨਆਸਵਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਆਸਵਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.

੧੭. ਨਆਸਵਞ੍ਚੇਵ ਅਨਾਸਵਞ੍ਚ ਧਮ੍ਮਂ ਪਟਿਚ੍ਚ ਆਸਵੋ ਚੇਵ ਸਾਸਵੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.

੧੮. ਨਆਸਵਞ੍ਚੇਵ ਨਆਸਵਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਟਿਚ੍ਚ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਨਵ.

੧੯. ਆਸਵਵਿਪ੍ਪਯੁਤ੍ਤਂ ਨਸਾਸਵਂ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਹੇਤੁਯਾ ਪਞ੍ਚ.