੧੦੦-੧-੬. ਸਰਣਦੁਕ-ਹੇਤੁਦੁਕਾਦਿ

੮੨. ਸਰਣਂ ਹੇਤੁਂ ਧਮ੍ਮਂ ਪਟਿਚ੍ਚ ਨਸਰਣੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਰਣਂ ਹੇਤੁਂ ਧਮ੍ਮਂ ਪਟਿਚ੍ਚ ਨਸਰਣੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ… ਹੇਤੁਯਾ ਚਤ੍ਤਾਰਿ.

ਸਰਣਂ ਨਹੇਤੁਂ ਧਮ੍ਮਂ ਪਟਿਚ੍ਚ ਨਅਰਣੋ ਨਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਅਰਣਂ ਨਹੇਤੁਂ ਧਮ੍ਮਂ ਪਟਿਚ੍ਚ ਨਸਰਣੋ ਨਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ… ਹੇਤੁਯਾ ਦ੍ਵੇ.

੮੩. ਸਰਣਂ ਸਹੇਤੁਕਂ ਧਮ੍ਮਂ ਪਟਿਚ੍ਚ ਨਸਰਣੋ ਨਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਅਰਣਂ ਸਹੇਤੁਕਂ ਧਮ੍ਮਂ ਪਟਿਚ੍ਚ ਨਸਰਣੋ ਨਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ… ਹੇਤੁਯਾ ਦ੍ਵੇ.

ਸਰਣਂ ਅਹੇਤੁਕਂ ਧਮ੍ਮਂ ਪਟਿਚ੍ਚ ਨਅਰਣੋ ਨਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਅਰਣਂ ਅਹੇਤੁਕਂ ਧਮ੍ਮਂ ਪਟਿਚ੍ਚ ਨਸਰਣੋ ਨਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ… ਹੇਤੁਯਾ ਦ੍ਵੇ.

੮੪. ਸਰਣਂ ਹੇਤੁਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਨਸਰਣੋ ਨਹੇਤੁਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ. ਅਰਣਂ ਹੇਤੁਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਨਸਰਣੋ ਨਹੇਤੁਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ… ਹੇਤੁਯਾ ਦ੍ਵੇ. (ਸਹੇਤੁਕਦੁਕਸਦਿਸਂ.)

੮੫. ਸਰਣਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਅਰਣੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਅਰਣਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਸਰਣੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ… ਹੇਤੁਯਾ ਦ੍ਵੇ.

ਸਰਣਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਅਰਣੋ ਨਅਹੇਤੁਕੋ ਚੇਵ ਨਨ ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਅਰਣਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਸਰਣੋ ਨਅਹੇਤੁਕੋ ਚੇਵ ਨਨ ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ… ਹੇਤੁਯਾ ਦ੍ਵੇ.

੮੬. ਸਰਣਂ ਹੇਤੁਞ੍ਚੇਵ ਹੇਤੁਸਮ੍ਪਯੁਤ੍ਤਞ੍ਚ ਧਮ੍ਮਂ ਪਟਿਚ੍ਚ ਨਅਰਣੋ ਨਹੇਤੁ ਚੇਵ ਨਹੇਤੁਵਿਪ੍ਪਯੁਤ੍ਤੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਹੇਤੁਸਹੇਤੁਕਦੁਕਸਦਿਸਂ.)

੮੭. ਸਰਣਂ ਨਹੇਤੁਂ ਸਹੇਤੁਕਂ ਧਮ੍ਮਂ ਪਟਿਚ੍ਚ ਨਸਰਣੋ ਨਹੇਤੁ ਨਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ.

ਅਰਣਂ ਨਹੇਤੁਂ ਸਹੇਤੁਕਂ ਧਮ੍ਮਂ ਪਟਿਚ੍ਚ ਨਸਰਣੋ ਨਹੇਤੁ ਨਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਏਕਂ… ਹੇਤੁਯਾ ਦ੍ਵੇ.

ਅਰਣਂ ਨਹੇਤੁਂ ਅਹੇਤੁਕਂ ਧਮ੍ਮਂ ਪਟਿਚ੍ਚ ਨਸਰਣੋ ਨਹੇਤੁ ਨਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਯਾ ਏਕਂ.