੧-੪. ਕੁਸਲਤ੍ਤਿਕ-ਹੇਤੁਸਹੇਤੁਕਦੁਕਂ

੧੧. ਕੁਸਲਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਹੇਤੁ ਚੇਵ ਨਅਹੇਤੁਕੋ ਚ ਨਅਬ੍ਯਾਕਤੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਅਕੁਸਲਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਕੁਸਲੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਕੁਸਲੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਬ੍ਯਾਕਤਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਬ੍ਯਾਕਤਂ ਹੇਤੁਞ੍ਚੇਵ ਸਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਨਕੁਸਲੋ ਨਹੇਤੁ ਚੇਵ ਨਅਹੇਤੁਕੋ ਚ ਨਅਕੁਸਲੋ ਨਹੇਤੁ ਚੇਵ ਨਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩) (ਸਂਖਿਤ੍ਤਂ.)

ਹੇਤੁਯਾ ਨਵ.

੧੨. ਕੁਸਲਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਅਹੇਤੁਕੋ ਚੇਵ ਨਨਹੇਤੁ ਚ ਨਅਬ੍ਯਾਕਤੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.

ਅਕੁਸਲਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਅਹੇਤੁਕੋ ਚੇਵ ਨਨਹੇਤੁ ਚ ਨਅਬ੍ਯਾਕਤੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.

ਅਬ੍ਯਾਕਤਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਬ੍ਯਾਕਤਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਬ੍ਯਾਕਤਂ ਸਹੇਤੁਕਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਅਹੇਤੁਕੋ ਚੇਵ ਨਨਹੇਤੁ ਚ ਨਅਕੁਸਲੋ ਨਅਹੇਤੁਕੋ ਚੇਵ ਨਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.