੧-੫੬. ਕੁਸਲਤ੍ਤਿਕ-ਚਿਤ੍ਤਦੁਕਂ

੩੩. ਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਨਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਚਿਤ੍ਤੋ ਚ ਨਅਬ੍ਯਾਕਤੋ ਨਚਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਚਿਤ੍ਤੋ ਚ ਨਅਕੁਸਲੋ ਨਚਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਪਞ੍ਚ.

ਅਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਨਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਚਿਤ੍ਤੋ ਚ ਨਅਬ੍ਯਾਕਤੋ ਨਚਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਅਕੁਸਲਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਚਿਤ੍ਤੋ ਚ ਨਅਕੁਸਲੋ ਨਚਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਪਞ੍ਚ.

ਅਬ੍ਯਾਕਤਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਬ੍ਯਾਕਤਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਬ੍ਯਾਕਤਂ ਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਚਿਤ੍ਤੋ ਚ ਨਅਕੁਸਲੋ ਨਚਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ. ਹੇਤੁਯਾ ਤੇਰਸ.

੩੪. ਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਨਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਨਨੋਚਿਤ੍ਤੋ ਚ ਨਅਬ੍ਯਾਕਤੋ ਨਨੋਚਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.

ਅਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਨਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਨਕੁਸਲੋ ਨਨੋਚਿਤ੍ਤੋ ਚ ਨਅਬ੍ਯਾਕਤੋ ਨਨੋਚਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਤੀਣਿ.

ਅਬ੍ਯਾਕਤਾਨਿ ਤੀਣਿ. ਹੇਤੁਯਾ ਨਵ.