੧-੭. ਪਟਿਚ੍ਚਵਾਰਾਦਿ

ਹੇਤੁਪਚ੍ਚਯੋ

੯੬. ਸਵਿਤਕ੍ਕਸਵਿਚਾਰਂ ਕੁਸਲਂ ਧਮ੍ਮਂ ਪਟਿਚ੍ਚ ਸਵਿਤਕ੍ਕਸਵਿਚਾਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਵਿਤਕ੍ਕਵਿਚਾਰਮਤ੍ਤਂ ਕੁਸਲਂ ਧਮ੍ਮਂ ਪਟਿਚ੍ਚ ਅਵਿਤਕ੍ਕਵਿਚਾਰਮਤ੍ਤੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਚਤ੍ਤਾਰਿ.

ਅਵਿਤਕ੍ਕਅਵਿਚਾਰਂ ਕੁਸਲਂ ਧਮ੍ਮਂ ਪਟਿਚ੍ਚ ਅਵਿਤਕ੍ਕਅਵਿਚਾਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਵਿਤਕ੍ਕਅਵਿਚਾਰਂ ਕੁਸਲਂ ਧਮ੍ਮਂ ਪਟਿਚ੍ਚ ਅਵਿਤਕ੍ਕਵਿਚਾਰਮਤ੍ਤੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਵਿਤਕ੍ਕਵਿਚਾਰਮਤ੍ਤਂ ਕੁਸਲਞ੍ਚ ਅਵਿਤਕ੍ਕਅਵਿਚਾਰਂ ਕੁਸਲਞ੍ਚ ਧਮ੍ਮਂ…ਪੇ… ਸਵਿਤਕ੍ਕਸਵਿਚਾਰਂ ਕੁਸਲਞ੍ਚ ਅਵਿਤਕ੍ਕਵਿਚਾਰਮਤ੍ਤਂ ਕੁਸਲਞ੍ਚ ਧਮ੍ਮਂ ਪਟਿਚ੍ਚ ਸਵਿਤਕ੍ਕਸਵਿਚਾਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਹੇਤੁਯਾ ਏਕਾਦਸ.

੯੭. ਸਵਿਤਕ੍ਕਸਵਿਚਾਰਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਵਿਤਕ੍ਕਸਵਿਚਾਰੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਵਿਤਕ੍ਕਵਿਚਾਰਮਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਵਿਤਕ੍ਕਸਵਿਚਾਰੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਸਵਿਤਕ੍ਕਸਵਿਚਾਰਂ ਅਕੁਸਲਞ੍ਚ ਅਵਿਤਕ੍ਕਵਿਚਾਰਮਤ੍ਤਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਸਵਿਤਕ੍ਕਸਵਿਚਾਰੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਹੇਤੁਯਾ ਪਞ੍ਚ.

੯੮. ਸਵਿਤਕ੍ਕਸਵਿਚਾਰਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਸਵਿਤਕ੍ਕਸਵਿਚਾਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ.

ਹੇਤੁਯਾ ਸਤ੍ਤਤਿਂਸ.