੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੫੧. ਕੁਸਲਂ ਪਰਿਤ੍ਤਂ ਧਮ੍ਮਂ ਪਟਿਚ੍ਚ ਕੁਸਲੋ ਪਰਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਪਰਿਤ੍ਤਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਪਰਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਪਰਿਤ੍ਤਂ ਧਮ੍ਮਂ ਪਟਿਚ੍ਚ ਕੁਸਲੋ ਪਰਿਤ੍ਤੋ ਚ ਅਬ੍ਯਾਕਤੋ ਪਰਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਅਕੁਸਲਂ ਪਰਿਤ੍ਤਂ ਧਮ੍ਮਂ ਪਟਿਚ੍ਚ ਅਕੁਸਲੋ ਪਰਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਪਰਿਤ੍ਤਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਪਰਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਪਰਿਤ੍ਤਞ੍ਚ ਅਬ੍ਯਾਕਤਂ ਪਰਿਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਪਰਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਪਰਿਤ੍ਤਞ੍ਚ ਅਬ੍ਯਾਕਤਂ ਪਰਿਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਪਰਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਂਖਿਤ੍ਤਂ.)

ਹੇਤੁਯਾ ਨਵ, ਆਰਮ੍ਮਣੇ ਤੀਣਿ, ਅਵਿਗਤੇ ਨਵ. (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

੫੨. ਕੁਸਲੋ ਪਰਿਤ੍ਤੋ ਧਮ੍ਮੋ ਕੁਸਲਸ੍ਸ ਪਰਿਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਪਰਿਤ੍ਤੋ ਧਮ੍ਮੋ ਅਕੁਸਲਸ੍ਸ ਪਰਿਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਪਰਿਤ੍ਤੋ ਧਮ੍ਮੋ ਅਬ੍ਯਾਕਤਸ੍ਸ ਪਰਿਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਕੁਸਲੋ ਪਰਿਤ੍ਤੋ ਧਮ੍ਮੋ ਕੁਸਲਸ੍ਸ ਪਰਿਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (ਸਂਖਿਤ੍ਤਂ.)

ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ, ਅਵਿਗਤੇ ਤੇਰਸ. (ਸਂਖਿਤ੍ਤਂ. ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ ਏਵਂ ਵਿਤ੍ਥਾਰੇਤਬ੍ਬਂ.)

ਮਹਗ੍ਗਤਾਦਿਪਦਾਨਿ

ਹੇਤੁਪਚ੍ਚਯੋ

੫੩. ਕੁਸਲਂ ਮਹਗ੍ਗਤਂ ਧਮ੍ਮਂ ਪਟਿਚ੍ਚ ਕੁਸਲੋ ਮਹਗ੍ਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਮਹਗ੍ਗਤਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਮਹਗ੍ਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ, ਅਵਿਗਤੇ ਦ੍ਵੇ. (ਸਂਖਿਤ੍ਤਂ. ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਵਿਤ੍ਥਾਰੋ).

੫੪. ਕੁਸਲਂ ਅਪ੍ਪਮਾਣਂ ਧਮ੍ਮਂ ਪਟਿਚ੍ਚ ਕੁਸਲੋ ਅਪ੍ਪਮਾਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਅਪ੍ਪਮਾਣਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਪ੍ਪਮਾਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਦ੍ਵੇ, ਅਵਿਗਤੇ ਦ੍ਵੇ. (ਸਂਖਿਤ੍ਤਂ. ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਵਿਤ੍ਥਾਰੋ.)