੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੪੭. ਕੁਸਲਂ ਸੇਕ੍ਖਂ ਧਮ੍ਮਂ ਪਟਿਚ੍ਚ ਕੁਸਲੋ ਸੇਕ੍ਖੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਸੇਕ੍ਖਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸੇਕ੍ਖੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਦ੍ਵੇ, ਅਵਿਗਤੇ ਦ੍ਵੇ. (ਸਂਖਿਤ੍ਤਂ. ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਵਿਤ੍ਥਾਰੋ.)

੪੮. ਅਬ੍ਯਾਕਤਂ ਅਸੇਕ੍ਖਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਸੇਕ੍ਖੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਸਂਖਿਤ੍ਤਂ.)

ਹੇਤੁਯਾ ਏਕਂ…ਪੇ… ਅਵਿਗਤੇ ਏਕਂ. (ਸਂਖਿਤ੍ਤਂ.)

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੪੯. ਕੁਸਲਂ ਨੇਵਸੇਕ੍ਖਨਾਸੇਕ੍ਖਂ ਧਮ੍ਮਂ ਪਟਿਚ੍ਚ ਕੁਸਲੋ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਕੁਸਲਂ ਨੇਵਸੇਕ੍ਖਨਾਸੇਕ੍ਖਂ ਧਮ੍ਮਂ ਪਟਿਚ੍ਚ ਅਕੁਸਲੋ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਨੇਵਸੇਕ੍ਖਨਾਸੇਕ੍ਖਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ. (੧)

ਹੇਤੁਯਾ ਨਵ, ਅਵਿਗਤੇ ਨਵ. (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

੫੦. ਕੁਸਲੋ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਕੁਸਲਸ੍ਸ ਨੇਵਸੇਕ੍ਖਨਾਸੇਕ੍ਖਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (ਸਂਖਿਤ੍ਤਂ.)

ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ, ਅਵਿਗਤੇ ਤੇਰਸ. (ਸਂਖਿਤ੍ਤਂ. ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ ਏਵਂ ਵਿਤ੍ਥਾਰੇਤਬ੍ਬਂ.)