੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੧੫. ਪਰਾਮਾਸਵਿਪ੍ਪਯੁਤ੍ਤਂ ਕੁਸਲਂ ਧਮ੍ਮਂ ਪਟਿਚ੍ਚ ਪਰਾਮਾਸਵਿਪ੍ਪਯੁਤ੍ਤੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੧੬. ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ …ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੧੭. ਪਰਾਮਾਸਸਮ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਪਰਾਮਾਸਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਪਰਾਮਾਸਵਿਪ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਪਰਾਮਾਸਵਿਪ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੧੮. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ (ਸਬ੍ਬਤ੍ਥ ਦ੍ਵੇ)…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

ਨਹੇਤੁਯਾ ਏਕਂ, ਨਅਧਿਪਤਿਯਾ ਦ੍ਵੇ (ਸਬ੍ਬਤ੍ਥ ਦ੍ਵੇ)…ਪੇ… ਨਵਿਪ੍ਪਯੁਤ੍ਤੇ ਦ੍ਵੇ (ਸਂਖਿਤ੍ਤਂ). (ਸਹਜਾਤਵਾਰੋਪਿ…ਪੇ… ਸਮ੍ਪਯੁਤ੍ਤਵਾਰੋਪਿ ਵਿਤ੍ਥਾਰੇਤਬ੍ਬਾ.)

੧੯. ਪਰਾਮਾਸਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਪਰਾਮਾਸਸਮ੍ਪਯੁਤ੍ਤਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਪਰਾਮਾਸਵਿਪ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਪਰਾਮਾਸਵਿਪ੍ਪਯੁਤ੍ਤਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੨੦. ਹੇਤੁਯਾ ਦ੍ਵੇ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਚਤ੍ਤਾਰਿ (ਮਜ੍ਝਿਮੇ ਚ ਅਨ੍ਤੇ ਚ ਆਰਮ੍ਮਣਾਧਿਪਤਿ), ਅਨਨ੍ਤਰੇ ਦ੍ਵੇ…ਪੇ… ਸਹਜਾਤੇ ਦ੍ਵੇ…ਪੇ… ਉਪਨਿਸ੍ਸਯੇ ਚਤ੍ਤਾਰਿ, ਆਸੇਵਨੇ ਦ੍ਵੇ, ਕਮ੍ਮੇ ਦ੍ਵੇ, ਆਹਾਰੇ ਦ੍ਵੇ…ਪੇ… ਮਗ੍ਗੇ ਦ੍ਵੇ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

੨੧. ਪਰਾਮਾਸਵਿਪ੍ਪਯੁਤ੍ਤਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਪਰਾਮਾਸਵਿਪ੍ਪਯੁਤ੍ਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੨੨. ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)