੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੧. ਨੋਪਰਾਮਾਸਂ ਕੁਸਲਂ ਧਮ੍ਮਂ ਪਟਿਚ੍ਚ ਨੋਪਰਾਮਾਸੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੨. ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੩. ਪਰਾਮਾਸਂ ਅਕੁਸਲਂ ਧਮ੍ਮਂ ਪਟਿਚ੍ਚ ਨੋਪਰਾਮਾਸੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਨੋਪਰਾਮਾਸਂ ਅਕੁਸਲਂ ਧਮ੍ਮਂ ਪਟਿਚ੍ਚ ਨੋਪਰਾਮਾਸੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਪਰਾਮਾਸਂ ਅਕੁਸਲਞ੍ਚ ਨੋਪਰਾਮਾਸਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਨੋਪਰਾਮਾਸੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੪. ਹੇਤੁਯਾ ਪਞ੍ਚ, ਆਰਮ੍ਮਣੇ ਪਞ੍ਚ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ).

ਨਹੇਤੁਯਾ ਏਕਂ, ਨਅਧਿਪਤਿਯਾ ਪਞ੍ਚ, ਨਪੁਰੇਜਾਤੇ ਪਞ੍ਚ, ਨਪਚ੍ਛਾਜਾਤੇ ਪਞ੍ਚ…ਪੇ… (ਸਂਖਿਤ੍ਤਂ). (ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਵਿਤ੍ਥਾਰੇਤਬ੍ਬਂ.)

੫. ਨੋਪਰਾਮਾਸੋ ਅਕੁਸਲੋ ਧਮ੍ਮੋ ਨੋਪਰਾਮਾਸਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੬. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਸ੍ਸ ਅਨੁਲੋਮਮ੍ਪਿ ਪਚ੍ਚਨੀਯਮ੍ਪਿ ਅਨੁਲੋਮਪਚ੍ਚਨੀਯਮ੍ਪਿ ਪਚ੍ਚਨੀਯਾਨੁਲੋਮਮ੍ਪਿ ਗਣਿਤਂ, ਏਵਂ ਗਣੇਤਬ੍ਬਂ.)

੭. ਨੋਪਰਾਮਾਸਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨੋਪਰਾਮਾਸੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੮. ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)