੧-੬. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੨੦. ਸਞ੍ਞੋਜਨਵਿਪ੍ਪਯੁਤ੍ਤਂ ਕੁਸਲਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ …ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੨੧. ਸਞ੍ਞੋਜਨਸਮ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਸਞ੍ਞੋਜਨਸਮ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ (ਸਂਖਿਤ੍ਤਂ).

੨੨. ਹੇਤੁਯਾ ਤੀਣਿ, ਆਰਮ੍ਮਣੇ ਪਞ੍ਚ, ਅਧਿਪਤਿਯਾ ਏਕਂ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ, ਅਨੁਲੋਮਂ).

ਪਚ੍ਚਨੀਯਂ

ਨਹੇਤੁਪਚ੍ਚਯੋ

੨੩. ਸਞ੍ਞੋਜਨਸਮ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਮੋਹੋ. ਸਞ੍ਞੋਜਨਸਮ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਉਦ੍ਧਚ੍ਚਸਹਗਤੋ ਮੋਹੋ. (੨) (ਸਂਖਿਤ੍ਤਂ.)

੨੪. ਨਹੇਤੁਯਾ ਦ੍ਵੇ, ਨਅਧਿਪਤਿਯਾ ਪਞ੍ਚ, ਨਪੁਰੇਜਾਤੇ ਪਞ੍ਚ…ਪੇ… ਨਕਮ੍ਮੇ ਤੀਣਿ…ਪੇ… ਨਵਿਪ੍ਪਯੁਤ੍ਤੇ ਪਞ੍ਚ (ਸਂਖਿਤ੍ਤਂ, ਪਚ੍ਚਨੀਯਂ).