੧੯-੧. ਆਸਵਵਿਪ੍ਪਯੁਤ੍ਤਸਾਸਵਦੁਕ-ਕੁਸਲਤ੍ਤਿਕਂ

ਕੁਸਲਪਦਂ

ਹੇਤੁਪਚ੍ਚਯੋ

੪੮. ਆਸਵਵਿਪ੍ਪਯੁਤ੍ਤਂ ਸਾਸਵਂ ਕੁਸਲਂ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਸਾਸਵੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਆਸਵਵਿਪ੍ਪਯੁਤ੍ਤਂ ਅਨਾਸਵਂ ਕੁਸਲਂ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੨) (ਸਂਖਿਤ੍ਤਂ.)

੪੯. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

(ਸਹਜਾਤਵਾਰੋਪਿ…ਪੇ… ਪਞ੍ਹਾਵਾਰੋਪਿ ਵਿਤ੍ਥਾਰੇਤਬ੍ਬੋ.)

ਅਬ੍ਯਾਕਤਪਦਂ

ਹੇਤੁਪਚ੍ਚਯੋ

੫੦. ਆਸਵਵਿਪ੍ਪਯੁਤ੍ਤਂ ਸਾਸਵਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਸਾਸਵੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਆਸਵਵਿਪ੍ਪਯੁਤ੍ਤਂ ਅਨਾਸਵਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਆਸਵਵਿਪ੍ਪਯੁਤ੍ਤਂ ਅਨਾਸਵਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਸਾਸਵੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਆਸਵਵਿਪ੍ਪਯੁਤ੍ਤਂ ਅਨਾਸਵਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਸਾਸਵੋ ਅਬ੍ਯਾਕਤੋ ਚ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਆਸਵਵਿਪ੍ਪਯੁਤ੍ਤਂ ਸਾਸਵਂ ਅਬ੍ਯਾਕਤਞ੍ਚ ਆਸਵਵਿਪ੍ਪਯੁਤ੍ਤਂ ਅਨਾਸਵਂ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਸਾਸਵੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੫੧. ਹੇਤੁਯਾ ਪਞ੍ਚ, ਆਰਮ੍ਮਣੇ ਦ੍ਵੇ, ਅਧਿਪਤਿਯਾ ਪਞ੍ਚ…ਪੇ… ਆਸੇਵਨੇ ਏਕਂ, ਕਮ੍ਮੇ ਪਞ੍ਚ, ਵਿਪਾਕੇ ਪਞ੍ਚ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ).

ਪਚ੍ਚਨੀਯਂ

ਨਹੇਤੁਪਚ੍ਚਯੋ

੫੨. ਆਸਵਵਿਪ੍ਪਯੁਤ੍ਤਂ ਸਾਸਵਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਆਸਵਵਿਪ੍ਪਯੁਤ੍ਤੋ ਸਾਸਵੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ (ਸਂਖਿਤ੍ਤਂ).

੫੩. ਨਹੇਤੁਯਾ ਏਕਂ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਦ੍ਵੇ …ਪੇ… ਨਪੁਰੇਜਾਤੇ ਚਤ੍ਤਾਰਿ, ਨਪਚ੍ਛਾਜਾਤੇ ਨਆਸੇਵਨੇ ਪਞ੍ਚ, ਨਕਮ੍ਮੇ ਨਵਿਪਾਕੇ…ਪੇ… ਨਮਗ੍ਗੇ ਏਕਂ…ਪੇ… ਨਵਿਪ੍ਪਯੁਤ੍ਤੇ ਦ੍ਵੇ…ਪੇ… ਨੋਵਿਗਤੇ ਤੀਣਿ (ਸਂਖਿਤ੍ਤਂ).

(ਸਹਜਾਤਵਾਰੋਪਿ ਪਚ੍ਚਯਵਾਰੋਪਿ ਨਿਸ੍ਸਯਵਾਰੋਪਿ ਸਂਸਟ੍ਠਵਾਰੋਪਿ ਸਮ੍ਪਯੁਤ੍ਤਵਾਰੋਪਿ ਪਟਿਚ੍ਚਵਾਰਸਦਿਸਾ ਵਿਤ੍ਥਾਰੇਤਬ੍ਬਾ.)