੨. ਅਕੁਸਲਪਦਂ

ਹੇਤੁਪਚ੍ਚਯੋ

੨੨. ਆਸਵਸਮ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਆਸਵਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਆਸਵਵਿਪ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਆਸਵਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਆਸਵਸਮ੍ਪਯੁਤ੍ਤਂ ਅਕੁਸਲਞ੍ਚ ਆਸਵਵਿਪ੍ਪਯੁਤ੍ਤਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਆਸਵਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

੨੩. ਹੇਤੁਯਾ ਪਞ੍ਚ, ਆਰਮ੍ਮਣੇ ਪਞ੍ਚ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ. ਸਹਜਾਤਵਾਰੇਪਿ…ਪੇ… ਸਮ੍ਪਯੁਤ੍ਤਵਾਰੇਪਿ ਸਬ੍ਬਤ੍ਥ ਪਞ੍ਚ.)

ਨਹੇਤੁਯਾ ਏਕਂ, ਨਅਧਿਪਤਿਯਾ ਪਞ੍ਚ, ਨਪੁਰੇਜਾਤੇ ਪਞ੍ਚ…ਪੇ… ਨਕਮ੍ਮੇ ਤੀਣਿ, ਨਵਿਪਾਕੇ ਪਞ੍ਚ, ਨਵਿਪ੍ਪਯੁਤ੍ਤੇ ਪਞ੍ਚ (ਸਂਖਿਤ੍ਤਂ).

੨੪. ਆਸਵਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਆਸਵਸਮ੍ਪਯੁਤ੍ਤਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਆਸਵਵਿਪ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਆਸਵਸਮ੍ਪਯੁਤ੍ਤਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਆਸਵਸਮ੍ਪਯੁਤ੍ਤੋ ਅਕੁਸਲੋ ਚ ਆਸਵਵਿਪ੍ਪਯੁਤ੍ਤੋ ਅਕੁਸਲੋ ਚ ਧਮ੍ਮਾ ਆਸਵਸਮ੍ਪਯੁਤ੍ਤਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੨੫. ਹੇਤੁਯਾ ਪਞ੍ਚ, ਆਰਮ੍ਮਣੇ ਨਵ, ਅਧਿਪਤਿਯਾ ਏਕਂ, ਅਨਨ੍ਤਰੇ ਸਮਨਨ੍ਤਰੇ ਨਵ, ਸਹਜਾਤੇ ਅਞ੍ਞਮਞ੍ਞੇ ਨਿਸ੍ਸਯੇ ਪਞ੍ਚ, ਉਪਨਿਸ੍ਸਯੇ ਆਸੇਵਨੇ ਨਵ, ਕਮ੍ਮੇ ਆਹਾਰੇ ਇਨ੍ਦ੍ਰਿਯੇ ਝਾਨੇ ਮਗ੍ਗੇ ਤੀਣਿ, ਸਮ੍ਪਯੁਤ੍ਤੇ ਪਞ੍ਚ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਸ੍ਸ ਅਨੁਲੋਮਮ੍ਪਿ ਪਚ੍ਚਨੀਯਮ੍ਪਿ ਅਨੁਲੋਮਪਚ੍ਚਨੀਯਮ੍ਪਿ ਪਚ੍ਚਨੀਯਾਨੁਲੋਮਮ੍ਪਿ ਗਣਿਤਂ, ਏਵਂ ਗਣੇਤਬ੍ਬਂ.)