੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੫੫. ਕੇਨਚਿ ਵਿਞ੍ਞੇਯ੍ਯਂ ਕੁਸਲਂ ਧਮ੍ਮਂ ਪਟਿਚ੍ਚ ਕੇਨਚਿ ਵਿਞ੍ਞੇਯ੍ਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੇਨਚਿ ਵਿਞ੍ਞੇਯ੍ਯਂ ਕੁਸਲਂ ਧਮ੍ਮਂ ਪਟਿਚ੍ਚ ਕੇਨਚਿ ਨਵਿਞ੍ਞੇਯ੍ਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੇਨਚਿ ਵਿਞ੍ਞੇਯ੍ਯਂ ਕੁਸਲਂ ਧਮ੍ਮਂ ਪਟਿਚ੍ਚ ਕੇਨਚਿ ਵਿਞ੍ਞੇਯ੍ਯੋ ਕੁਸਲੋ ਚ ਕੇਨਚਿ ਨਵਿਞ੍ਞੇਯ੍ਯੋ ਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩) (ਸਂਖਿਤ੍ਤਂ.)

੫੬. ਹੇਤੁਯਾ ਨਵ, ਆਰਮ੍ਮਣੇ ਨਵ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ).

ਪਚ੍ਚਨੀਯਂ

ਨਅਧਿਪਤਿਪਚ੍ਚਯੋ

੫੭. ਕੇਨਚਿ ਵਿਞ੍ਞੇਯ੍ਯਂ ਕੁਸਲਂ ਧਮ੍ਮਂ ਪਟਿਚ੍ਚ ਕੇਨਚਿ ਵਿਞ੍ਞੇਯ੍ਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ (ਸਂਖਿਤ੍ਤਂ).

੫੮. ਨਅਧਿਪਤਿਯਾ ਨਵ, ਨਪੁਰੇਜਾਤੇ ਨਵ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਨਵ, ਨਵਿਪਾਕੇ ਨਵ…ਪੇ… ਨਵਿਪ੍ਪਯੁਤ੍ਤੇ ਨਵ (ਸਂਖਿਤ੍ਤਂ).

(ਸਹਜਾਤਵਾਰੋਪਿ ਪਚ੍ਚਯਵਾਰੋਪਿ ਨਿਸ੍ਸਯਵਾਰੋਪਿ ਸਂਸਟ੍ਠਵਾਰੋਪਿ ਸਮ੍ਪਯੁਤ੍ਤਵਾਰੋਪਿ ਪਟਿਚ੍ਚਵਾਰਸਦਿਸਾ ਵਿਤ੍ਥਾਰੇਤਬ੍ਬਾ.)

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੫੯. ਕੇਨਚਿ ਵਿਞ੍ਞੇਯ੍ਯੋ ਕੁਸਲੋ ਧਮ੍ਮੋ ਕੇਨਚਿ ਵਿਞ੍ਞੇਯ੍ਯਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੬੦. ਹੇਤੁਯਾ ਨਵ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ…ਪੇ… ਕਮ੍ਮੇ ਨਵ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ).

ਨਹੇਤੁਯਾ ਨਵ, ਨਆਰਮ੍ਮਣੇ ਨਵ (ਸਂਖਿਤ੍ਤਂ).

ਹੇਤੁਪਚ੍ਚਯਾ ਨਆਰਮ੍ਮਣੇ ਨਵ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਸ੍ਸ ਅਨੁਲੋਮਮ੍ਪਿ ਪਚ੍ਚਨੀਯਮ੍ਪਿ ਅਨੁਲੋਮਪਚ੍ਚਨੀਯਮ੍ਪਿ ਪਚ੍ਚਨੀਯਾਨੁਲੋਮਮ੍ਪਿ ਗਣਿਤਂ, ਏਵਂ ਗਣੇਤਬ੍ਬਂ. ਕੇਨਚਿ ਵਿਞ੍ਞੇਯ੍ਯਂ ਅਕੁਸਲਮ੍ਪਿ ਕੇਨਚਿ ਵਿਞ੍ਞੇਯ੍ਯਂ ਅਬ੍ਯਾਕਤਮ੍ਪਿ ਕੇਨਚਿ ਵਿਞ੍ਞੇਯ੍ਯਕੁਸਲਸਦਿਸਂ ਵਿਤ੍ਥਾਰੇਤਬ੍ਬਂ).

ਕੇਨਚਿਵਿਞ੍ਞੇਯ੍ਯਦੁਕਕੁਸਲਤ੍ਤਿਕਂ ਨਿਟ੍ਠਿਤਂ.

ਚੂਲ਼ਨ੍ਤਰਦੁਕਂ ਨਿਟ੍ਠਿਤਂ.