੧-੬. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁ-ਆਰਮ੍ਮਣਪਚ੍ਚਯਾਦਿ

੯. ਸਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਸਹੇਤੁਕਂ ਅਕੁਸਲਞ੍ਚ ਅਹੇਤੁਕਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਸਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ. ਸਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ. ਸਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਚ ਅਹੇਤੁਕੋ ਅਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਆਰਮ੍ਮਣਪਚ੍ਚਯਾ. (੩)

ਅਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ. (੧)

ਸਹੇਤੁਕਂ ਅਕੁਸਲਞ੍ਚ ਅਹੇਤੁਕਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ. (੧)

ਸਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ (ਸਂਖਿਤ੍ਤਂ).

੧੦. ਹੇਤੁਯਾ ਤੀਣਿ, ਆਰਮ੍ਮਣੇ ਪਞ੍ਚ, ਅਧਿਪਤਿਯਾ ਏਕਂ, ਅਨਨ੍ਤਰੇ ਪਞ੍ਚ, ਸਮਨਨ੍ਤਰੇ ਪਞ੍ਚ, ਸਹਜਾਤੇ ਪਞ੍ਚ, ਅਞ੍ਞਮਞ੍ਞੇ ਪਞ੍ਚ, ਨਿਸ੍ਸਯੇ ਪਞ੍ਚ, ਉਪਨਿਸ੍ਸਯੇ ਪਞ੍ਚ, ਪੁਰੇਜਾਤੇ ਪਞ੍ਚ, ਆਸੇਵਨੇ ਪਞ੍ਚ, ਕਮ੍ਮੇ ਪਞ੍ਚ, ਆਹਾਰੇ ਪਞ੍ਚ, ਇਨ੍ਦ੍ਰਿਯੇ ਪਞ੍ਚ, ਝਾਨੇ ਪਞ੍ਚ, ਮਗ੍ਗੇ ਪਞ੍ਚ, ਸਮ੍ਪਯੁਤ੍ਤੇ ਪਞ੍ਚ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਪਞ੍ਚ, ਨਤ੍ਥਿਯਾ ਪਞ੍ਚ, ਵਿਗਤੇ ਪਞ੍ਚ, ਅਵਿਗਤੇ ਪਞ੍ਚ (ਸਂਖਿਤ੍ਤਂ).

ਨਹੇਤੁ-ਨਅਧਿਪਤਿਪਚ੍ਚਯਾ

੧੧. ਸਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ. (੧)

ਸਹੇਤੁਕਂ ਅਕੁਸਲਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ (ਸਂਖਿਤ੍ਤਂ).

੧੨. ਨਹੇਤੁਯਾ ਏਕਂ, ਨਅਧਿਪਤਿਯਾ ਪਞ੍ਚ, ਨਪੁਰੇਜਾਤੇ ਪਞ੍ਚ, ਨਪਚ੍ਛਾਜਾਤੇ ਪਞ੍ਚ, ਨਆਸੇਵਨੇ ਪਞ੍ਚ, ਨਕਮ੍ਮੇ ਤੀਣਿ, ਨਵਿਪਾਕੇ ਪਞ੍ਚ, ਨਵਿਪ੍ਪਯੁਤ੍ਤੇ ਪਞ੍ਚ (ਸਂਖਿਤ੍ਤਂ).

ਹੇਤੁਪਚ੍ਚਯਾ ਨਅਧਿਪਤਿਯਾ ਤੀਣਿ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੋਪਿ ਪਚ੍ਚਯਵਾਰੋਪਿ ਨਿਸ੍ਸਯਵਾਰੋਪਿ ਸਂਸਟ੍ਠਵਾਰੋਪਿ ਸਮ੍ਪਯੁਤ੍ਤਵਾਰੋਪਿ ਪਟਿਚ੍ਚਵਾਰਸਦਿਸਾ ਵਿਤ੍ਥਾਰੇਤਬ੍ਬਾ.)