੭. ਪਞ੍ਹਾਵਾਰੋ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੬੭. ਹੇਤੁ ਚੇਵ ਸਹੇਤੁਕੋ ਚ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਚੇਵ ਸਹੇਤੁਕਸ੍ਸ ਚ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੬੮. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਆਸੇਵਨੇ ਨਵ, ਕਮ੍ਮੇ ਤੀਣਿ, ਵਿਪਾਕੇ ਨਵ, ਆਹਾਰੇ ਤੀਣਿ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ).

ਪਚ੍ਚਨੀਯੁਦ੍ਧਾਰੋ

੬੯. ਹੇਤੁ ਚੇਵ ਸਹੇਤੁਕੋ ਚ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਚੇਵ ਸਹੇਤੁਕਸ੍ਸ ਚ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੭੦. ਨਹੇਤੁਯਾ ਨਵ, ਨਆਰਮ੍ਮਣੇ ਨਵ (ਸਂਖਿਤ੍ਤਂ).

ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਸ੍ਸ ਅਨੁਲੋਮਮ੍ਪਿ ਪਚ੍ਚਨੀਯਮ੍ਪਿ ਅਨੁਲੋਮਪਚ੍ਚਨੀਯਮ੍ਪਿ ਪਚ੍ਚਨੀਯਾਨੁਲੋਮਮ੍ਪਿ ਗਣਿਤਂ, ਏਵਂ ਗਣੇਤਬ੍ਬਂ.)

ਹੇਤੁਸਹੇਤੁਕਦੁਕਕੁਸਲਤ੍ਤਿਕਂ ਨਿਟ੍ਠਿਤਂ.