੧-੭. ਪਟਿਚ੍ਚਵਾਰਾਦਿ

ਹੇਤੁ-ਆਰਮ੍ਮਣਪਚ੍ਚਯਾ

੧੨੪. ਅਤੀਤਾਰਮ੍ਮਣਂ ਸਰਣਂ ਧਮ੍ਮਂ ਪਟਿਚ੍ਚ ਅਤੀਤਾਰਮ੍ਮਣੋ ਸਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਨਾਗਤਾਰਮ੍ਮਣਂ ਸਰਣਂ ਧਮ੍ਮਂ ਪਟਿਚ੍ਚ ਅਨਾਗਤਾਰਮ੍ਮਣੋ ਸਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਪਚ੍ਚੁਪ੍ਪਨ੍ਨਾਰਮ੍ਮਣਂ ਸਰਣਂ ਧਮ੍ਮਂ ਪਟਿਚ੍ਚ ਪਚ੍ਚੁਪ੍ਪਨ੍ਨਾਰਮ੍ਮਣੋ ਸਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਤੀਣਿ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ …ਪੇ… ਪਞ੍ਹਾਵਾਰਮ੍ਪਿ ਸਬ੍ਬਤ੍ਥ ਵਿਤ੍ਥਾਰੇਤਬ੍ਬਂ.)

੧੨੫. ਅਤੀਤਾਰਮ੍ਮਣਂ ਅਰਣਂ ਧਮ੍ਮਂ ਪਟਿਚ੍ਚ ਅਤੀਤਾਰਮ੍ਮਣੋ ਅਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਨਾਗਤਾਰਮ੍ਮਣਂ ਅਰਣਂ ਧਮ੍ਮਂ ਪਟਿਚ੍ਚ ਅਨਾਗਤਾਰਮ੍ਮਣੋ ਅਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਪਚ੍ਚੁਪ੍ਪਨ੍ਨਾਰਮ੍ਮਣਂ ਅਰਣਂ ਧਮ੍ਮਂ ਪਟਿਚ੍ਚ ਪਚ੍ਚੁਪ੍ਪਨ੍ਨਾਰਮ੍ਮਣੋ ਅਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਤੀਣਿ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

੧੨੬. ਅਤੀਤਾਰਮ੍ਮਣੋ ਅਰਣੋ ਧਮ੍ਮੋ ਅਤੀਤਾਰਮ੍ਮਣਸ੍ਸ ਅਰਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਨਾਗਤਾਰਮ੍ਮਣੋ ਅਰਣੋ ਧਮ੍ਮੋ ਅਨਾਗਤਾਰਮ੍ਮਣਸ੍ਸ ਅਰਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਪਚ੍ਚੁਪ੍ਪਨ੍ਨਾਰਮ੍ਮਣੋ ਅਰਣੋ ਧਮ੍ਮੋ ਪਚ੍ਚੁਪ੍ਪਨ੍ਨਾਰਮ੍ਮਣਸ੍ਸ ਅਰਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਤੀਤਾਰਮ੍ਮਣੋ ਅਰਣੋ ਧਮ੍ਮੋ ਅਤੀਤਾਰਮ੍ਮਣਸ੍ਸ ਅਰਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (ਸਂਖਿਤ੍ਤਂ.)

੧੨੭. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ. ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ).