੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧. ਕਿਲੇਸਂ ਧਮ੍ਮਂ ਪਟਿਚ੍ਚ ਕਿਲੇਸੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਲੋਭਂ ਪਟਿਚ੍ਚ ਮੋਹੋ ਦਿਟ੍ਠਿ ਥਿਨਂ [ਥੀਨਂ (ਸੀ. ਸ੍ਯਾ.)] ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ, ਲੋਭਂ ਪਟਿਚ੍ਚ ਮੋਹੋ ਦਿਟ੍ਠਿ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ, ਲੋਭਂ ਪਟਿਚ੍ਚ ਮੋਹੋ ਮਾਨੋ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ, ਲੋਭਂ ਪਟਿਚ੍ਚ ਮੋਹੋ ਮਾਨੋ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ, ਲੋਭਂ ਪਟਿਚ੍ਚ ਮੋਹੋ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ, ਲੋਭਂ ਪਟਿਚ੍ਚ ਮੋਹੋ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ; ਦੋਸਂ ਪਟਿਚ੍ਚ ਮੋਹੋ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ, ਦੋਸਂ ਪਟਿਚ੍ਚ ਮੋਹੋ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ; ਵਿਚਿਕਿਚ੍ਛਂ ਪਟਿਚ੍ਚ ਮੋਹੋ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ; ਉਦ੍ਧਚ੍ਚਂ ਪਟਿਚ੍ਚ ਮੋਹੋ ਅਹਿਰਿਕਂ ਅਨੋਤ੍ਤਪ੍ਪਂ. (੧)

ਕਿਲੇਸਂ ਧਮ੍ਮਂ ਪਟਿਚ੍ਚ ਨੋਕਿਲੇਸੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕਿਲੇਸਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੨)

ਕਿਲੇਸਂ ਧਮ੍ਮਂ ਪਟਿਚ੍ਚ ਕਿਲੇਸੋ ਚ ਨੋਕਿਲੇਸੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਲੋਭਂ ਪਟਿਚ੍ਚ ਮੋਹੋ ਦਿਟ੍ਠਿ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ (ਚਕ੍ਕਂ). (੩)

੨. ਨੋਕਿਲੇਸਂ ਧਮ੍ਮਂ ਪਟਿਚ੍ਚ ਨੋਕਿਲੇਸੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਕਿਲੇਸਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ, ਏਕਂ ਮਹਾਭੂਤਂ…ਪੇ…. (੧)

ਨੋਕਿਲੇਸਂ ਧਮ੍ਮਂ ਪਟਿਚ੍ਚ ਕਿਲੇਸੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਕਿਲੇਸੇ ਖਨ੍ਧੇ ਪਟਿਚ੍ਚ ਕਿਲੇਸਾ. (੨)

ਨੋਕਿਲੇਸਂ ਧਮ੍ਮਂ ਪਟਿਚ੍ਚ ਕਿਲੇਸੋ ਚ ਨੋਕਿਲੇਸੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਕਿਲੇਸਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਕਿਲੇਸਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੩. ਕਿਲੇਸਞ੍ਚ ਨੋਕਿਲੇਸਞ੍ਚ ਧਮ੍ਮਂ ਪਟਿਚ੍ਚ ਕਿਲੇਸੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਲੋਭਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਮੋਹੋ ਦਿਟ੍ਠਿ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ (ਚਕ੍ਕਂ). (੧)

ਕਿਲੇਸਞ੍ਚ ਨੋਕਿਲੇਸਞ੍ਚ ਧਮ੍ਮਂ ਪਟਿਚ੍ਚ ਨੋਕਿਲੇਸੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਕਿਲੇਸਂ ਏਕਂ ਖਨ੍ਧਞ੍ਚ ਕਿਲੇਸੇ ਚ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ…ਪੇ… ਕਿਲੇਸੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਕਿਲੇਸਞ੍ਚ ਨੋਕਿਲੇਸਞ੍ਚ ਧਮ੍ਮਂ ਪਟਿਚ੍ਚ ਕਿਲੇਸੋ ਚ ਨੋਕਿਲੇਸੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਕਿਲੇਸਂ ਏਕਂ ਖਨ੍ਧਞ੍ਚ ਲੋਭਞ੍ਚ ਪਟਿਚ੍ਚ ਤਯੋ ਖਨ੍ਧਾ ਮੋਹੋ ਦਿਟ੍ਠਿ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਂ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ…ਪੇ… (ਚਕ੍ਕਂ, ਸਂਖਿਤ੍ਤਂ). (੩)