੧-੪. ਪਚ੍ਚਯਚਤੁਕ੍ਕਂ

੩੪੭. ਸਰਣਂ ਧਮ੍ਮਂ ਪਚ੍ਚਯਾ ਸਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਰਣਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… (ਯਥਾ ਅਰੂਪਾਵਚਰਦੁਕਸ੍ਸ ਪਚ੍ਚਯਵਾਰੋਪਿ ਏਵਂ ਕਾਤਬ੍ਬੋ).

ਹੇਤੁਯਾ ਨਵ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਨਵ…ਪੇ… ਅਵਿਗਤੇ ਨਵ.

ਅਨੁਲੋਮਂ.

੩੪੮. ਸਰਣਂ ਧਮ੍ਮਂ ਪਚ੍ਚਯਾ ਸਰਣੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਅਰਣਂ ਧਮ੍ਮਂ ਪਚ੍ਚਯਾ ਅਰਣੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਅਰਣਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… (ਯਾਵ ਅਸਞ੍ਞਸਤ੍ਤਾ) ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ, ਵਤ੍ਥੁਂ ਪਚ੍ਚਯਾ ਅਹੇਤੁਕਾ ਖਨ੍ਧਾ. ਅਰਣਂ ਧਮ੍ਮਂ ਪਚ੍ਚਯਾ ਸਰਣੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੨)

ਸਰਣਞ੍ਚ ਅਰਣਞ੍ਚ ਧਮ੍ਮਂ ਪਚ੍ਚਯਾ ਸਰਣੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਨਹੇਤੁਯਾ ਚਤ੍ਤਾਰਿ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ, ਨਅਨਨ੍ਤਰੇ ਤੀਣਿ, ਨਸਮਨਨ੍ਤਰੇ ਤੀਣਿ, ਨਅਞ੍ਞਮਞ੍ਞੇ ਤੀਣਿ, ਨਉਪਨਿਸ੍ਸਯੇ ਤੀਣਿ, ਨਪੁਰੇਜਾਤੇ ਚਤ੍ਤਾਰਿ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਚਤ੍ਤਾਰਿ, ਨਵਿਪਾਕੇ ਨਵ, ਨਆਹਾਰੇ ਏਕਂ, ਨਇਨ੍ਦ੍ਰਿਯੇ ਏਕਂ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਸਮ੍ਪਯੁਤ੍ਤੇ ਤੀਣਿ, ਨਵਿਪ੍ਪਯੁਤ੍ਤੇ ਦ੍ਵੇ, ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ.

ਪਚ੍ਚਨੀਯਂ.